- ବିଫଳ ହେଲା ଭାରତ ବିରୋଧୀ ଷଡ଼ଯନ୍ତ୍ର
- ପାକିସ୍ତାନ ଡ୍ରୋନକୁ ଗୁଳି କଲେ ବିଏସ୍ଏଫ
- ଭାରତରେ ଅନୁପ୍ରବେଶ ଚେଷ୍ଟା କରିଥିଲା ଡ୍ରୋନ୍
ଅମୃତସର: ପାକିସ୍ତାନକୁ ଲାଗିଲା ବଡ଼ ଝଟକା । ପଣ୍ଡ ହୋଇଛି ପାକିସ୍ତାନର ଭାରତ ବିରୋଧୀ ଷଡ଼ଯନ୍ତ୍ର । ଅମୃତସର ସ୍ଥିତ ଭାରତ-ପାକିସ୍ତାନ ସୀମା ନିକଟରେ ଉଡ଼ୁଥିବା ପାକିସ୍ତାନର ଏକ ଡ୍ରୋନକୁ ଗୁଳି କରି ଖସାଇ ଦେଇଛନ୍ତି ବିଏସ୍ଏଫ ଯବାନମାନେ ।
ସୂଚନା ଅନୁଯାୟୀ, ଆଜି ଭୋର ସମୟରେ ପାକିସ୍ତାନ ଡ୍ରୋନ ଶାହପୁର ବର୍ଡର ଆଉଟ ପୋଷ୍ଟ ନିକଟ ଭାରତୀୟ ସୀମାରେ ବୁଲୁଥିବାର ବିଏସ୍ଏଫ ଯବାନମାନେ ଦେଖିଥିଲା । ଏହାପରେ ଜଣେ ବିଏସ୍ଏଫ ଯବାନ ଡ୍ରୋନଟିକୁ ଗୁଳି କରି ଖସାଇ ଦେଇଥିଲେ । ଏହି ଡ୍ରୋନଟି ପାକିସ୍ତାନ ପଟୁ ଭାରତରେ ଅନୁପ୍ରବେଶ କରିବାକୁ ଚେଷ୍ଟା କରିଥିଲା ।
ଏହାକୁ ପାକିସ୍ତାନ ରେଞ୍ଜର୍ସ ବର୍ଡର ପୋଷ୍ଟ ର ଦେଓରି ଫରୱାର୍ଡରୁ ଭାରତକୁ ପଠା ଯାଇଥିଲା । ଡ୍ରୋନକୁ ଗୁଳି କରି ଖସାଇବା ପରେ ପୂରା ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ କରାଯାଇଛି । ହେଲେ ଏଯାଏ ସୀମାରେ କୌଣସି ସନ୍ଦିଗ୍ଧ ଗତିବିଧି କିମ୍ବା ଅସ୍ତ୍ରଶସ୍ତ୍ର ନେଇ ତଥ୍ୟ ମିଳିନାହିଁ ।