ଭୁବନେଶ୍ବର: ଆଜି ଓଡ଼ିଶା ଆସୁଛନ୍ତି ଏଆଇସିସି ସଭାପତି ଭାବେ ପ୍ରତିଦ୍ବନ୍ଦ୍ବିତା କରୁଥିବା ସାଂସଦ ମଲ୍ଲିକାର୍ଜୁନ ଖଡଗେ । ସେ ଓଡ଼ିଶାରେ ପହଞ୍ଚି ଅପରାହ୍ଣ ୨ଟାରେ କଂଗ୍ରେସ ଭବନରେ ସାମ୍ବାଦିକ ସମ୍ମିଳନୀରେ ଯୋଗଦେବେ । ଏହି ସମୟରେ ସେ ପିସିସି ସଭ୍ୟମାନଙ୍କୁ ଭେଟିବା ସହିତ ତାଙ୍କୁ ଭୋଟ ଦେବା ଲାଗି ଅନୁରୋଧ କରିବେ। ତେବେ ଖଡଗେ ସଂଧ୍ୟାରେ ଦିଲ୍ଲୀ ଫେରିଯିବର କାର୍ଯ୍ୟକ୍ରମ ରହିଛି ।
ସୂଚନାଯୋଗ୍ୟ, ଜାତୀୟ କଂଗ୍ରେସର ସଭାପତି ପ୍ରାର୍ଥୀଭାବେ ଶ୍ରୀ ଖଡ଼ଗେ ଓ ଶଶି ଥରୁରଙ୍କ ମଧ୍ୟରେ ପ୍ରତିଦ୍ବନ୍ଦିତା ହେଉଛି। ଓଡ଼ିଶାରେ ସମୁଦାୟ ୪୨୮ଜଣ ପିସିସି ସଭ୍ୟ ଏଥିରେ ମତଦାନ କରିବେ। ଜଣେ ଅଭିଜ୍ଞ ଓ ନିର୍ବିବାଦୀୟ ବ୍ୟକ୍ତି କାରଣରୁ ଓଡ଼ିଶାରୁ ତାଙ୍କୁ ଅଧିକ ଭୋଟ ମିଳିବାର ବୋଲି ଅନୁମାନ କରାଯାଉଛି। ଆସନ୍ତା ୧୬ରେ ପ୍ରଚାର ଅଭିଯାନ ଶେଷ ହେବା ପରେ ୧୭ରେ ସମସ୍ତ ରାଜ୍ୟରେ ଭୋଟ ହେବ। ୧୯ରେ ଫଳାଫଳ ଆସିବା ନେଇ ସୂଚନା ରହିଛି ।