- ୫୧ଜଣ ଅଧିକାରୀଙ୍କ ବଦଳି ନିର୍ଦ୍ଦେଶ
- ଆୟୋଗଙ୍କ ପକ୍ଷରୁ ମୁଖ୍ୟ ଶାସନ ସଚିବଙ୍କୁ ଚିଠି
- ଅଧିକାରୀଙ୍କ ଲିଷ୍ଟରେ ୬ବରିଷ୍ଠ ଆଇପିଏସ୍
ଅହମଦାବାଦ; ଗୁଜୁରାଟରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ନିର୍ବାଚନ ଆୟୋଗ ରାଜ୍ୟର ମୁଖ୍ୟ ଶାସନ ସଚିବଙ୍କୁ ୫୧ଜଣ ଅଧିକାରୀଙ୍କୁ ବଦଳି ନିର୍ଦ୍ଦେଶ ଦେଇଛନ୍ତି । ଆୟୋଗଙ୍କ ପକ୍ଷରୁ ମୁଖ୍ୟ ଶାସନ ସଚିବଙ୍କୁ ଏହି ସମ୍ବନ୍ଧରେ ଆଜି ସନ୍ଧ୍ୟା ୪ଟା ଭିତରେ ରିପୋର୍ଟ ଦେବାକୁ କୁହାଯାଇଛି । ଏହି ୫୧ଜଣ ଅଧିକାରୀଙ୍କ ଲିଷ୍ଟରେ ଛଅ ଜଣ ବରିଷ୍ଠ ଆଇପିଏସ ଅଧିକାରୀ ବି ସାମିଲ ଅଛନ୍ତି । ଏହା ପୂର୍ବରୁ ନିର୍ବାଚନ ଆୟୋଗଙ୍କ ପକ୍ଷରୁ ଏ ସମ୍ବନ୍ଧରେ ମଧ୍ୟ ସ୍ପଷ୍ଟୀକରଣ ମଗାଯାଇଥିଲା । ଏହାପରେ ଆୟୋଗଙ୍କ ନିର୍ଦ୍ଦେଶ ଉପରେ ରାଜ୍ୟରେ ବିଭିନ୍ନ ଗ୍ରେଡ ଏବଂ ସେବାର ୯୦୦ରୁ ଅଧିକ ଅଧିକାରୀଙ୍କୁ ସ୍ଥାନାନ୍ତର କରାଯାଇଥିଲା ଏବଂ ଏହାର ରିପୋର୍ଟ ମୁଖ୍ୟ ଶାସନ ସଚିବଙ୍କ ତରଫରୁ ପଠାଯାଇଥିଲା ।
ଏଏନଆଇ ସୂତ୍ରରୁ ଜଣାପଡ଼ିଛି କି ନିର୍ବାଚନ ଆୟୋଗ ଜାଣିବାକୁ ପାଇଛନ୍ତି ଯେ ସେ କହିଥିବା ୫୧ଅଧିକାରୀଙ୍କ ଟ୍ରାନ୍ସଫର କରାଯିବାରେ ବାକି ରହିଛି । ଏହା ଉପରେ ନିର୍ବାଚନ ଆୟୋଗ ଏହି ୬ଜଣ ବରିଷ୍ଠ ଆଇପିଏସ ଅଧିକାରୀଙ୍କ ସହ ସମସ୍ତ ୫୧ଅଧିକାରୀଙ୍କ ସମ୍ପର୍କରେ ମୁଖ୍ୟାଳୟକୁ ରିପୋର୍ଟ କରିବାକୁ ନିର୍ଦ୍ଦେଶ ଦେଇଛନ୍ତି ଏବଂ ଗୁରୁବାର ଅପରାହ୍ନ ୪ଟା ଭିତରେ ଅନୁପାଳନ ରିପୋର୍ଟ ପଠାଇବାକୁ କୁହାଯାଇଛି ।