ନୂଆଦିଲ୍ଲୀ; ପଳାତକ ବିଜୟ ମାଲ୍ୟାଙ୍କୁ ଲାଗିଲା ଆଉ ଏକ ଝଟକା । ସୁପ୍ରିମକୋର୍ଟରେ କେସ୍ ଲଢିବାକୁ ମନା କରିଦେଇଛନ୍ତି ତାଙ୍କ ଓକିଲ । ଜଷ୍ଟିସ୍ ଚନ୍ଦ୍ରଚୂଡ ଓ ହିମା କୋହଲିଙ୍କ ଖଣ୍ଡପୀଠକୁ ସେ କହିଛନ୍ତି, ମାଲ୍ୟା ଏବେ ସମ୍ଭବତଃ ବ୍ରିଟେନରେ ଅଛନ୍ତି । ହେଲେ ତାଙ୍କ ପାଖରେ କେବଳ ତାଙ୍କର ଇମେଲ୍ ରହିଛି । ତେଣୁ ଏପରି ସ୍ଥିତିରେ ତାଙ୍କ ସହିତ ସେ ଠିକ୍ ଭାବେ କଥାବାର୍ତ୍ତା ମଧ୍ୟ କରିପାରୁନାହାଁନ୍ତି । ତେଣୁ ସେ ଏହି ମାମଲାରୁ ଓହରିବା ପାଇଁ ଚାହୁଁଥିବା କୋର୍ଟକୁ ଜଣାଇଛନ୍ତି ।
ସେପଟେ ସୁପ୍ରିମକୋର୍ଟ ମଧ୍ୟ ମାଲ୍ୟାଙ୍କ ଓକିଲଙ୍କ ଏହି ଅପିଲକୁ ସ୍ୱୀକାର କରିନେଇଛି । ତେବେ ଏହି ମାମଲାର ଆଗାମୀ ଶୁଣାଣି ଜାନୁଆରୀ ମାସରେ ହେବାକୁ ଥିବାବେଳେ, ମାଲ୍ୟାଙ୍କ ଅଡୁଆ ବଢିପାରେ ବୋଲି ଜଣାପଡୁଛି । ସୂଚନା ଅନୁଯାୟୀ ବିଜୟ ମାଲ୍ୟା ବ୍ୟାଙ୍କ କୋଟି କୋଟି ଟଙ୍କାର ଋଣ ନେଇଥିଲେ ମଧ୍ୟ ଏହାକୁ ଫେରାଇ ନଥିଲେ । ଯେଉଁଥି ପାଇଁ ୨୦୧୭ ମସିହାରୁ ବିଜୟ ମାଲ୍ୟାଙ୍କ ବିରୋଧରେ ସୁପ୍ରିମକୋର୍ଟ କୋର୍ଟଙ୍କ ଆଦେଶକୁ ଅବମାନନା କରି ଦୋଷୀ ସାବ୍ୟସ୍ତ କରିଥିଲେ ।
ତେବେ ପଳାତକ ବିଜୟ ମାଲ୍ୟାକୁ ଭାରତ ଫେରାଇ ଆଣିବା ପ୍ରକ୍ରିୟା ଜାରି ରହିଛି । ଦୁଇ ବର୍ଷ ତଳେ ଏହି ପ୍ରକ୍ରିୟା ଆରମ୍ଭ କରାଯାଇଥିଲା । ଏହାପରେ ଏହି ମାମଲା ଆଇନର ଜାଲରେ ଛନ୍ଦି ହୋଇଯାଇଛି । ଯାହାର ଶୁଣାଣି ବର୍ତ୍ତମାନ ସୁପ୍ରିମକୋର୍ଟରେ ଜାରି ରହିଛି ।