ଭୁବନେଶ୍ବର; ପଶ୍ଚିମ କେନ୍ଦ୍ରୀୟ ତତ୍ ସଂଲଗ୍ନ ଦକ୍ଷିଣ ପଶ୍ଚିମ ବଙ୍ଗୋପସାଗର ରେ ରହିଥିବା ଡିପ୍ରେଶନ ଏବେ ଦୁର୍ବଳ ହୋଇ ଉତ୍ତର ତାମିଲନାଡ଼ୁ ଓ ଦକ୍ଷିଣ ଆନ୍ଧ୍ର ପ୍ରଦେଶ ଉପକୂଳ ରେ ସଦୃଶ ଲଘୁଚାପ ରୂପ ରେ ରହିଛି ଏବଂ ୨୪ ଘଣ୍ଟା ମଧ୍ୟରେ ଏହି କ୍ଷେତ୍ର ପଶ୍ଚିମ ଉତ୍ତର ପଶ୍ଚିମ ଦିଗ ରେ ଅଗ୍ରସର ହୋଇ ଆହୁରି ଦୂର୍ବଳ ହୋଇଯିବ ।
ଆସନ୍ତା ୨୪ ଘଣ୍ଟା ଯାଏଁ ରାତି ତାପମାତ୍ରା ରେ ବିଶେଷ ପରିବର୍ତ୍ତନ ହେବନାହିଁ କିନ୍ତୁ ଆସନ୍ତା କାଲି ରାତି ରୁ ରାତି ତାପମାତ୍ରା ରାଜ୍ୟର ଅଧିକାଂଶ ଅଞ୍ଚଳ ରେ ସ୍ଵାଭାବିକ ଠାରୁ ୨-୩°ସି ଯାଏଁ କମିବାକୁ ଲାଗିବ। ତେଣୁ ପୁଣି ଶୀତ ଅନୁଭୂତ ହେବ। ୨୪ ତାରିଖ ଠାରୁ ରାଜ୍ୟ ର ଅଧିକାଂଶ ଅଞ୍ଚଳ ରେ ରାତି ତାପମାତ୍ରା ସ୍ଵାଭାବିକ ଠାରୁ ୩-୪°ସିଯାଏଁ କମିବାର ସମ୍ଭାବନା ରହିଥିବା ହେତୁ ଅଧିକ ଶୀତ ଅନୁଭୂତ ହେବ।
ଆସନ୍ତା ୨୪ ଘଣ୍ଟା ମଧ୍ୟରେ ମାଲକାନଗିରି, କୋରାପୁଟ ଜିଲ୍ଲା ର ଗୋଟିଏ ଦୁଇଟି ସ୍ଥାନରେ ଅଳ୍ପ ବର୍ଷା ସମ୍ଭାବନା ରହିଛି । ଏହା ପରେ ରାଜ୍ୟ ରେ ପାଗ ମୁଖ୍ୟତଃ ଶୁଖିଲା ରହିବ।
ପୂର୍ବାନୁମାନ-ସାର୍ଥକ ମିଶ୍ର