ମୁମ୍ବାଇ; ନୂଆବର୍ଷରେ ନୂଆ ଜର୍ସିରେ ମଇଦାନକୁ ଓହ୍ଲାଉଛି ଟିମ ଇଣ୍ଡିଆ । ନୂଆବର୍ଷରେ ହେଉଥିବା ଭାରତ ଶ୍ରୀଲଙ୍କା ପ୍ରଥମ ଟି-୨୦ ସିରିଜ ପୂର୍ବରୁ ବଦଳିଛି ଟିମ ଇଣ୍ଡିଆର ଜର୍ସି । ଜର୍ସିରେ ପରିବର୍ତ୍ତନ ନେଇ ଟିମର ଲେଗ ସ୍ପିନର ୟୁଜବେନ୍ଦ୍ର ଚହଲଙ୍କ ଏକ ପୋଷ୍ଟରେ ଦେଖିବାକୁ ମିଳିଛି । ତାଙ୍କର ଏହି ଫଟୋରେ ଟିମ ଇଣ୍ଡିଆର ଜର୍ସିରେ କିଛି ପରିବର୍ତ୍ତନ କରାଯାଇଥିବା ଲକ୍ଷ୍ୟ କରାଯାଇଛି ।
ବର୍ତ୍ତମାନ ଟିମ ଇଣ୍ଡିଆର ଏହି ନୂଆ ଜର୍ସିରେ ନୂଆ କିଟ ସ୍ପନସରର ନା’ ଦେଖିବାକୁ ମିଳିବ । ଏହା ପୂର୍ବରୁ ପ୍ରଥମେ ଜର୍ସିରେ ବିସିସିଆଇର ଲୋଗୋ ସହ ଏମ.ପି.ଏଲ ସ୍ପୋର୍ଟସର ନା ଦେଖିବାକୁ ମିଳୁଥିଲା । କିନ୍ତୁ ଏବେ ନୁଆ ଜର୍ସିରେ ‘କିଲର’ ଲେଖାଥିବା ଦେଖିବାକୁ ମିଳିବ । ଏହା ପୂର୍ବରୁ ଟିମ ଇଣ୍ଡିଆର କିଟ ସ୍ପନସରର ରାଇଟସ କେବଳ ଏମପିଏଲ ସ୍ପୋର୍ଟସ ପାଖରେ ରହିଥିଲା ।
ତେବେ ଆଜି ସନ୍ଧ୍ୟା ୭ଟାରୁ ଟି-୨୦ର ପ୍ରଥମ ମ୍ୟାଚ୍ ମୁମ୍ବାଇର ୱାଙ୍ଖେଡ ଷ୍ଟାଡିୟମରେ ଦୁଇ ଟିମ ମୁହାଁମୁହିଁ ହେବେ । ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ ମଇଦାନକୁ ଓହ୍ଲାଇବ ଟିମ ଇଣ୍ଡିଆ । ତେବେ ଦ୍ୱିତୀୟ ମ୍ୟାଚଟି ଜାନୁଆରୀ ୫ ପୁନେ ଠାରେ ଖେଳାଯିବ, ଏହା ସହିତ ସିରିଜର ଫାଇନାଲ ମ୍ୟାଚଟି ଜାନୁଆରୀ ୭ ରାଜକୋଟରେ ଖେଳାଯିବ ।