ଭୁବନେଶ୍ବର: ୧୯୯୭ ବ୍ୟାଚ୍ର ବରିଷ୍ଠ ଆଇପିଏସ୍ (ଏଡ଼ିଜି ପାହ୍ୟାର ଅଫିସର) ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବତନ୍ତ୍ର ସଚିବ ଧୀରେନ୍ଦ୍ର ଶାମ୍ବାଜୀ କୁଟ୍ଟେଙ୍କୁ ରାଷ୍ଟ୍ରପତି ପୁଲିସ ପଦକ ମିଳିବ। ୨୦୨୩ ସାଧାରଣତନ୍ତ୍ର ଦିବସ ଅବ୍ୟବହିତ ପୂର୍ବରୁ କେନ୍ଦ୍ର ଗୃହ ମନ୍ତ୍ରାଳୟ ଏହି ଘୋଷଣା କରିଛନ୍ତି। ଶ୍ରୀ କୁଟ୍ଟେ ଜଣେ ଦକ୍ଷ ଓ ସଚ୍ଚୋଟ ପୁଲିସ ଅଫିସର ଭାବେ ଓଡ଼ିଶା ପୁଲିସରେ ଜଣାଶୁଣା।
ସୂଚନାଯୋଗ୍ୟ; ୨୦୧୩ରେ ସେ ଡିଆଇଜି ଥିବା ବେଳେ ଉଲ୍ଲେଖନୀୟ କୃତିତ୍ବ ପାଇଁ ପୁଲିସ ପଦକ ପାଇଥିଲେ। ଶ୍ରୀ କୁଟ୍ଟେଙ୍କ ବ୍ୟତୀତ କଟକ ଭିଜିଲାନ୍ସରେ କାର୍ଯ୍ୟରତ କନଷ୍ଟେବଳ ପ୍ରଫୁଲ୍ଲ କୁମାର ରାଉତଙ୍କୁ ବି ରାଷ୍ଟ୍ରପତି ପୁଲିସ ପଦକ ମିଳିବ। ୨୦୨୩ ଅଗଷ୍ଟ ୧୫ ତାରିଖ ଦିନ ଉଭୟଙ୍କୁ ଏହି ପଦକ ପ୍ରଦାନ କରାଯିବ।