ଖୋର୍ଦ୍ଧା: ଶେଷରେ ନିଜକୁ ଭୂତ ସଭାପତି ଦାବି କରୁଥିବା ତନ୍ତ୍ର ସାଧକ ଗିରଫ ହେଲେ। ବିପିନ୍ ରାଉତରାୟଙ୍କୁ ବାନ୍ଧିଲା ଖୋର୍ଦ୍ଧା ପୁଲିସ । ଜାମିନ୍ ନାମଞ୍ଜୁର ପରେ ଗଲେ ଜେଲ। ଦୁଇ ଦୁଇଟି ମାମଲାରେ ଭୂତଙ୍କ ସଭାପତି ଜ୍ୟୋତିଷ ବିପିନ ରାଉତରାୟକୁ ବାନ୍ଧିଲା ପୁଲିସ୍ । ଗିରଫ ପରେ ତାଙ୍କ ନାମରେ ଆସିଛି ସାଂଘାତିକ ଅଭିଯୋଗ ।
ବିପିନ ରାଉତରାୟ ନିଜକୁ ଭୂତମାନଙ୍କ ସଭାପତି କହି ଗଣମାଧ୍ୟମରେ ଥିଲେ ଚର୍ଚ୍ଚାରେ । ୨୦୧୩ ମସିହାରେ ନିଜ ଭାଇ ଏବଂ ୨୦୧୬ରେ ଆଉ ଜଣେ ସମ୍ପର୍କୀୟକୁ ଗୁଳି ମାରି ଫେରାର ହୋଇ ଯାଇଥିବା ଅଭିଯୋଗ ହୋଇଥିଲା । ପୈତୃକ ସମ୍ପତିକୁ ନେଇ ବିପିନ ତାଙ୍କୁ ୨୦୧୩ରେ ଗୁଳି ମାରି ପଙ୍ଗୁ କରିଦେଇଛି । ସେ ଏବେବି ଉଠି ପାରୁନାହାନ୍ତି । ତାଙ୍କ ପତ୍ନୀଙ୍କ ଆଖିରୁ ଲୁହ ଶୁଖୁନି।
ଦୁଇଟି ଗୁଳିମାଡ଼ ଘଟଣାରେ ତା ନାଁରେ ଥିଲା ଜାମିନ ବିହିନ ଗିରଫ ପରଓ୍ବାନା । ଗତକାଲି ଖୋର୍ଦ୍ଧା ସଦର ଥାନା ଅନ୍ତର୍ଗତ ନନ୍ଦପୁରରୁ ତାକୁ ଗିରଫ କରିଛି ପୋଲିସ୍ । ଗୁଳିମାଡ଼ ମାମଲାରେ ତାଙ୍କୁ କୋର୍ଟ ଚାଲାଣ କରିଛି ପୋଲିସ୍ । ତେବେ ତାଙ୍କ ଗିରଫଦାରି ପରେ ତାଙ୍କ ବିଷୟରେ ଅନେକ କଥା ଶୁଣିବାକୁ ମିଳୁଛି।