ଭୁବନେଶ୍ୱର: ପୋଲିସ କମିଶନର ଭାବେ ଦାୟିତ୍ୱ ନେଲେ ସଞ୍ଜୀବ ପଣ୍ଡା । ପୂର୍ବତନ ସିପି ସୌମେନ୍ଦ୍ର ପ୍ରିୟଦର୍ଶୀଙ୍କ ଠାରୁ ଦାୟିତ୍ୱ ନେଇଛନ୍ତି ।୧୯୯୪ ବ୍ୟାଚର ଆଇପିଏସ ସଞ୍ଜୀବ ପଣ୍ଡା ଟ୍ୱିନ ସିଟିର ପୋଲିସ କମିଶନର ଭାବେ ଦାୟିତ୍ୱ ନେଇଛନ୍ତି । ପୂର୍ବରୁ ଗୁଇନ୍ଦା ବିଭାଗର ନିର୍ଦେଶକ ଭାବେ ଦାୟିତ୍ୱ ତୁଲାଇ ଥିବା ଏହି ଅଫିସର ସମ୍ଭାଳିବେ କଟକ ଏବଂ ଭୁବନେଶ୍ୱର । ଆଉ ନୂଆ କମିଶନର ହିସାବରେ ଦାୟିତ୍ୱ ନେବା ପରେ ସମସ୍ତ ଚ୍ୟାଲେଞ୍ଜକୁ ଗ୍ରହଣ କରିବାକୁ ଆହ୍ୱାନ ସେ ଦେଇଛନ୍ତି ।
ଦାୟିତ୍ୱ ଗ୍ରହଣ କରିବା ପରେ ପ୍ରିତକ୍ରିୟାରେ କହିଛନ୍ତି ଯେ, ମୁଁ ଆଜି ଟ୍ୱଇନ ସିଟି କଟକ ଏବଂ ଭୁବନେଶ୍ୱରର ପୁଲିସ କମିଶନର ଭବେ ଦାୟିତ୍ୱ ଗ୍ରହଣ କଲି । ଏବଂ ମୁଁ ଆଶା କରୁଛି ଆମ ସହରବାସୀ ପୁଲିସକୁ ତାର କାର୍ଯ୍ୟ କରିବାରେ ସହଯୋଗ କରିବେ । ଲୋକଙ୍କ ସହାୟତାରେ ଆମେ କମିଶନର ପୁଲିସକୁ ଆଗକୁ ନେବୁ । ଅପରାଧ ନିରାକରଣ, ଟ୍ରାଫିକ ଡିଉଟି, ଏବଂ ସାଇବର କ୍ରାଇମ ଏବେ ବହୁତ ମାତ୍ରରେ ଦେଖାଯାଉଛି । ମହିଳା, ଶିଶୁ , ଅନୁସୂଚିତ ଜାତି, ଜନଜାତି ଯାହା ସମସ୍ୟା ରହିଛି ତାହା ସମାଧାନ କରିବାକୁ ଚେଷ୍ଟା କରିବୁ ବୋଲି କହିଛନ୍ତି ପୋଲିସ କମିଶନର ।