୨୪ ଘଣ୍ଟାରେ ନେବ ଡିପ୍ରେସନ ର ରୂପ
ଭୁବନେଶ୍ବର: ଗତକାଲି ଦକ୍ଷିଣ ପୂର୍ବ ବଙ୍ଗୋପସାଗର ରେ ରହିଥିବା ଲଘୁଚାପ କ୍ଷେତ୍ର ପଶ୍ଚିମ – ଉତ୍ତର ପଶ୍ଚିମ ଦିଗ ରେ ଅଗ୍ରସର ହୋଇ ଆଜି ସକାଳେ ସଦୃଶ ଲଘୁଚାପ କ୍ଷେତ୍ର ର ରୂପ ନେଇଛି। ଏହି କ୍ଷେତ୍ର ଆସନ୍ତା ୨୪ ଘଣ୍ଟା ମଧ୍ୟରେ ପଶ୍ଚିମ ଉତ୍ତର ପଶ୍ଚିମ ଦିଗ ରେ ଅଗ୍ରସର ହୋଇ ଦକ୍ଷିଣ ବଙ୍ଗୋପସାଗର ର କେନ୍ଦ୍ରୀୟ ଭାଗ ରେ ଡିପ୍ରେଶନ ର ରୂପ ନେବ ଓ ପରବର୍ତ୍ତୀ ୨ ଦିନରେ ଅଧିକ ଘନୀଭୂତ ହୋଇ ଉତ୍ତର ପଶ୍ଚିମ ଦିଗ ରେ ଅଗ୍ରସର ହୋଇ ତାମିଲନାଡୁ – ଶ୍ରୀଲଙ୍କା ଉପକୂଳ ନିକଟ ରେ ଆସି ପହଞ୍ଚିବ।
କିଛି ମଡେଲ ଙ୍କ ଆକଳନ ଅନୁଯାୟୀ ଏହି କ୍ଷେତ୍ର ଟି ତାମିଲନାଡୁ – ଶ୍ରୀଲଙ୍କା ଉପକୂଳ ନିକଟସ୍ଥ ଦକ୍ଷିଣ ପଶ୍ଚିମ ବଙ୍ଗୋପସାଗର ରୁ ଉତ୍ତର ଦିଗରେ ଗତି କରିପାରେ। ତେବେ ଏହି ସିଷ୍ଟମ୍ ଟି ବାତ୍ୟା ରେ ରୂପାନ୍ତରିତ ହୋଇପାରେ ବୋଲି ECMWF, GFS ମଡେଲ ଆକଳନ କରୁଛନ୍ତି । ଏହି ସମୟରେ ସିଷ୍ଟମ୍ ଘନୀଭୂତ ହୋଇ ପାଣିପାଗ ଓ ସାମୁଦ୍ରିକ ଉପାଦାନ ଅନୁକୂଳ ରହିଛି।
ଏହି ସିଷ୍ଟମ୍ ପ୍ରଭାବ ରେ ତାମିଲନାଡୁ, ପୁଡୁଚେରୀ, ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳ ରେ ପ୍ରବଳ ରୁ ଅତି ପ୍ରବଳ ବର୍ଷା ସମ୍ଭାବନା ରହିଛି। ଓଡ଼ିଶା ରେ ଏହି ସିଷ୍ଟମ୍ ପ୍ରଭାବ ରେ ୨୮ ରୁ ୩୦ ତାରିଖ ଯାଏଁ ଉପକୂଳ ଓଡ଼ିଶା ରେ ପାଗ କେତେକାଂଶ ରେ ମେଘୁଆ ରହିବା ସହ ବର୍ଷା ସମ୍ଭାବନା ରହିଛି।