ଭୁବନେଶ୍ୱର: ଖଲିସ୍ତାନୀ ଆତଙ୍କୀ ପନ୍ନୁ ଧମକ ପରେ ଭୁବନେଶ୍ୱର ବଜୁ ପଟ୍ଟନାୟକ ବିମାନ ବନ୍ଦର ଭିତରୁ ଠାବ ହୋଇଛି ଅଜଣା ବ୍ୟାଗ। ବିମାନବନ୍ଦରରେ ଅଜଣା ବ୍ୟାଗକୁ ନେଇ ସନ୍ଦେହ ବଢ଼ିବାରେ ଲାଗିଛି। ତେବେ ବ୍ୟାଗ୍ କାହାର ସେଥିରେ କ’ଣ ଅଛି ଏହାକୁ ନେଇ ସିଆଇଏସଏଫ ଡଗ ସ୍କ୍ବାଡ ଯାଞ୍ଚ କରୁଛି I ତେବେ ବ୍ୟାଗ୍ଟି କାହାର, ତାହା ସ୍ପଷ୍ଟ ହୋଇନି। ଏହାକୁ ସିଆଇଏସଏଫ ବିମାନ ବନ୍ଦର ଭିତରକୁ ନେଇଛନ୍ତି।
ରାଜ୍ୟରେ ଏଥର ୫୯ତମ ସର୍ବଭାରତୀୟ ଆଇଜିପି/ଡିଜିପି ସମ୍ମିଳନୀ ଆୟୋଜିତ ହୋଇଥିବା ବେଳେ ଏବେ ଭୁବନେଶ୍ବରରେ ଜମିଛି ସବୁ ରାଜ୍ୟର ପୋଲିସ ମୁଖିଆଙ୍କ ଆସର। ଏହାରି ଭିତରେ ଏବେ ରାଜ୍ୟରେ ସକ୍ରିୟ ହୋଇଛି ଖଲ୍ଲିସ୍ତାନୀ ଉଗ୍ରବାଦୀ ଗୁରୁପତଓ୍ବନ୍ତ ପନ୍ନୁନ୍। ଗୋଟେ ପରେ ଗୋଟେ ଧମକ ଦେଇ ଓଡିଶାକୁ ଚେତାବନୀ ଦେଉଛି।
ଖଲିସ୍ତାନୀ ଆତଙ୍କୀ ପନ୍ନୁ ଧମକ ପରେ ବିମାନବନ୍ଦରରେ ସୁରକ୍ଷା ବ୍ୟବସ୍ଥାକୁ ଆହୁରି କଡ଼ା କଡ଼ି କରାଯାଇଥିଲା। ସିଆଇଏସ୍ ଏଫ୍ ଓ ଡଗ୍ ସ୍କ୍ୱାଡ୍ ବିମାନ ବନ୍ଦର ବାହାର ଓ ଭିତରେ ଯାଞ୍ଚ କରୁଥିଲେ। ଏହି ସମୟରେ ବିମାନ ବନ୍ଦର ଭିତରେ ଏକ ନୀଳ ରଙ୍ଗର ଠାବ କରାଯାଇଥିଲା। ଯାହାକୁ ନେଇ ସନ୍ଦେହ ବଢ଼ିଛି।
ସୂଚନାଯୋଗ୍ୟ, ବରିଷ୍ଠ ସାମ୍ବାଦିକ ଅକ୍ଷୟ ସାହୁଙ୍କୁ ଖଲିସ୍ତାନୀ ଆତଙ୍କୀ ପନ୍ନୁ ଆଜି ଏକ ଧମକ ପୂର୍ଣ୍ଣ ଏକ ଇ-ମେଲ୍ ପଠାଇଥିଲା। ଯେଉଁଥିଲେ ଖଲିସ୍ତାନୀ ଆତଙ୍କୀ ପନ୍ନୁ ଭୁବନେଶ୍ୱର ବିଜୁ ପଟ୍ଟନାୟକ ବିମାନବନ୍ଦରକୁ ଟାର୍ଗେଟ କରିଥିଲା। ଆସନ୍ତକାଲି ଭୁବନେଶ୍ୱର ବିମାନ ବନ୍ଦରରୁ ଉଡ଼ାଣ ନ ଭରିବାକୁ ଇ-ମେଲ୍ ଅଡିଓ ମେସେଜ କରି ଚେତାବନୀ ଦେଇଥିଲା ଖଲିସ୍ତାନୀ ଆତଙ୍କୀ ପନ୍ନୁ। ଏଥିସହ ଡିଜିପି ସମ୍ମିଳନୀକୁ ଭଣ୍ଡୁର କରିବାକୁ ଧମକ ଦିଆଯାଇଥିଲା।