ଭୁବନେଶ୍ବର: ଏବେ ରାଜ୍ୟ ରେ ଦିନ ତାପମାତ୍ରା ଅଧିକ ରହୁଛି। ଗତ ୨ ଦିନ ଧରି ପଶ୍ଚିମ ଓଡ଼ିଶା ର କିଛି ଅଞ୍ଚଳ ରେ ଦିନ ତାପମାତ୍ରା ୩୮.୦°C ଉପରେ ରହୁଛି। ସେହିପରି ଉପକୂଳ ଓଡ଼ିଶା ରେ ମଧ୍ୟ ଖରା, ଗରମ ଅନୁଭୂତ ହେଉଛି।
ତେବେ ଆସନ୍ତା ୩-୪ ଦିନ ଯାଏଁ ଦିନ ତାପମାତ୍ରା ରେ ବିଶେଷ ପରିବର୍ତ୍ତନ ହେବାର ସମ୍ଭାବନା ନାହିଁ ଏହି ସମୟ ରେ ଦିନ କିଛି ସ୍ଥାନ ରେ ତାପମାତ୍ରା ୧-୨°C କମ୍ ରହିପାରେ। ସେହିପରି ୮ ମାର୍ଚ୍ଚ ପରେ ଦିନ ତାପମାତ୍ରା ୨-୩°C ଯାଏଁ ବୃଦ୍ଧି ପାଇବାର ସମ୍ଭାବନା ରହିଛି ଏବଂ ୧୨ ମାର୍ଚ୍ଚ ଠାରୁ ତାପମାତ୍ରା ଆହୁରି ୨-୩°C ବୃଦ୍ଧି ପାଇପାରେ।
ସେହିପରି ଆସନ୍ତା ୪୮ ଘଣ୍ଟା ଯାଏଁ ରାତି ତାପମାତ୍ରା କିଛି ଅଞ୍ଚଳ ରେ ସାମାନ୍ୟ ହ୍ରାସ ପାଇବାର ସମ୍ଭାବନା ରହିଛି। ତେଣୁ ୫-୬ ତାରିଖ ରେ ରାତି ରେ ବିଭିନ୍ନ ଅଞ୍ଚଳ ରେ ସାମାନ୍ୟ ଥଣ୍ଡା ଅନୁଭୂତ ହୋଇପାରେ। ୮ ମାର୍ଚ୍ଚ ଠାରୁ ରାତି ତାପମାତ୍ରା ୨-୪°C ଯାଏଁ ବୃଦ୍ଧି ପାଇପାରେ।
ଆସନ୍ତା ୭ ଦିନ ଯାଏଁ ରାଜ୍ୟ ରେ ପାଗ ମୁଖ୍ୟତଃ ଶୁଖିଲା ରହିବ। ସକାଳ ସମୟ ରେ ଉପକୂଳ ଓ ଆଖପାଖ ଜିଲ୍ଲାର କିଛି ଅଞ୍ଚଳ ରେ ହାଲୁକା କୁହୁଡ଼ି ପ୍ରଭାବ ରହିପାରେ। ଅଧ୍ୟାପକ- ସାର୍ଥକ ମିଶ୍ର