ମୁମ୍ବାଇ: ମାର୍ଚ୍ଚ ୨୨ରୁ ଆରମ୍ଭ ହେବାକୁ ଥିବା ଆଇପିଏଲ ୨୦୨୫ ପୂର୍ବରୁ ବିସିସିଆଇ କେତେକ ପରିବର୍ତ୍ତନ କରିଛି। ମୁମ୍ବାଇରେ ଏକ ଗୁରୁତ୍ୱପୂର୍ଣ୍ଣ ପ୍ରି-ସିଜନ ବୈଠକରେ ସମସ୍ତ ୧୦ ଅଧିନାୟକ ଏବଂ ଟିମ୍ ମ୍ୟାନେଜରଙ୍କୁ ଭେଟି କ୍ରିକେଟ୍ ବଲରେ ଲାଳ ବ୍ୟବହାରକୁ ପ୍ରତ୍ୟାହାର କରିବା ଏବଂ ସନ୍ଧ୍ୟା ମ୍ୟାଚ୍ ସମୟରେ ଦ୍ୱିତୀୟ ଇନିଂସରେ ଦ୍ବିତୀୟ ନୂଆ ବଲ୍ ପ୍ରଚଳନ କରିବାକୁ ସୂଚନା ଦେଇଛନ୍ତି।
ଭାରତର ଦ୍ରୁତ ବୋଲର ମହମ୍ମଦ ସାମି ଡେଥ୍ ଓଭରରେ ବୋଲରଙ୍କ କ୍ରୋଧକୁ ନେଇ ଚିନ୍ତା ପ୍ରକଟ କରିବା ପରେ ଲାଳ ବ୍ୟବହାର ଉପରେ ଲାଗିଥିବା ନିଷେଧାଦେଶ ପ୍ରତ୍ୟାହାର କରିବା ସହ ରିଭର୍ସ ସ୍ୱିଙ୍ଗର ଅଭାବ ମୁଖ୍ୟତଃ ଦିନିକିଆରେ ସେମାନଙ୍କ ମନୋବଳକୁ ଆହୁରି ଖରାପ କରିଛି। ଲାଳ ଲଗାଇଲେ ବୋଲରଙ୍କୁ ରିଭର୍ସ ସୁଇଂ କରାଇବାରେ ସଫଳ ହୋଇଥାଏ। ମାର୍ଚ୍ଚ ୨୨ରୁ ଆଇପିଏଲର ୧୮ତମ ସଂସ୍କରଣ ଆରମ୍ଭ ହୋଇଯିବ। ୧୦ଟି ଟିମ ମଧ୍ୟରେ ୧୩ଟି ସ୍ଥାନରେ ୬୫ ଦିନରେ ୭୪ ମ୍ୟାଚ ଖେଳାଯିବ। ଫାଇନାଲ ଏବଂ ପ୍ଲେଅଫର ସମସ୍ତ ମୁକାବିଲା ୨୦ରୁ ୨୫ ମେ ପର୍ଯ୍ୟନ୍ତ ହାଇଦ୍ରାବାଦ ଓ କୋଲକାତାରେ ଆୟୋଜିତ ହେବ।