ପଞ୍ଜାବ: ପଞ୍ଜାବରେ ଆମ ଆଦମୀ ପାର୍ଟିର ଅନେକ ରାଜ୍ୟସଭା ସାଂସଦ ଭାରତୀୟ ଜନତା ପାର୍ଟିରେ ଯୋଗଦେବା ପରେ ରାଜନୈତିକ ପରିସ୍ଥିତି ହଠାତ୍ ଉତ୍ତେଜନାପୂର୍ଣ୍ଣ ହୋଇଉଠିଛି। ଏହି ଘଟଣା ଦଳ ଭିତରେ ଗଭୀର ସଙ୍କଟ ସୃଷ୍ଟି କରିଥିବାବେଳେ କର୍ମୀମାନଙ୍କ ମଧ୍ୟରେ ଅସନ୍ତୋଷ ଦୃଶ୍ୟମାନ ହୋଇଛି। ବିଶେଷକରି ପୂର୍ବତନ କ୍ରିକେଟର ଏବଂ ସାଂସଦ ହରଭଜନ ସିଂହଙ୍କ ବିରୋଧରେ କର୍ମୀମାନଙ୍କ କ୍ରୋଧ ସର୍ବସାଧାରଣରେ ପ୍ରକାଶ ପାଇଛି। କେତେକ ସ୍ଥାନରେ ତାଙ୍କ ବାସଭବନ ବାହାରେ “ବିଶ୍ୱାସଘାତକ” ଲେଖି ପ୍ରତିବାଦ କରାଯାଇଛି।
ଏହା ସହିତ, ଲୁଧିଆନାରେ ରାଜେନ୍ଦ୍ର ଗୁପ୍ତାଙ୍କଙ୍କ କାର୍ଯ୍ୟାଳୟର କାନ୍ଥରେ “ପଞ୍ଜାବର ବିଶ୍ୱାସଘାତକ” ଲେଖାଯାଇଥିବା ଦେଖିବାକୁ ମିଳିଛି। ଏହି ପ୍ରତିକ୍ରିୟା ଦଳୀୟ ଭିତରେ ବୃଦ୍ଧି ପାଉଥିବା ଅସନ୍ତୋଷର ଗମ୍ଭୀରତାକୁ ସ୍ପଷ୍ଟ କରୁଛି।
ସାତ ଜଣ ଆପ୍ ରାଜ୍ୟସଭା ସାଂସଦ ରାଘବ ଚଢା, ସନ୍ଦୀପ ପାଠକ, ସ୍ୱାତୀ ମାଲିୱାଲ, ହରଭଜନ ସିଂହ, ରାଜିନ୍ଦର ଗୁପ୍ତା, ଅଶୋକ ମିତ୍ତଲ ଏବଂ ବିକ୍ରମ ସାହାନି ଭାଜପାରେ ଯୋଗ ଦେଇଥିବା ଖବର ମିଳିଛି। ଏହି ଯୋଗଦାନ ଆପ୍ ପାଇଁ ବଡ଼ ଝଟକା ବୋଲି ଦେଖାଯାଉଛି ଏବଂ ଦଳର ଆନ୍ତରିକ ଏକତା ଉପରେ ପ୍ରଶ୍ନ ଉଠିଛି।
ଏହି ପରିସ୍ଥିତି ମଧ୍ୟରେ ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନ ପରିସ୍ଥିତିକୁ ସମ୍ଭାଳିବା ପାଇଁ ସକ୍ରିୟ ହୋଇଛନ୍ତି। ଦଳୀୟ ସୂତ୍ର ଅନୁଯାୟୀ, ସେ ଦଳର ବିଧାୟକମାନଙ୍କ ସହିତ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସହ ସାକ୍ଷାତ ପାଇଁ ସମୟ ମାଗିଛନ୍ତି। ଏହା ମାଧ୍ୟମରେ ଦଳର ଅବସ୍ଥା ଓ ରାଜନୈତିକ ପରିସ୍ଥିତି ସମ୍ପର୍କରେ ଉଚ୍ଚସ୍ତରରେ ଆଲୋଚନା କରାଯିବା ସମ୍ଭାବନା ରହିଛି। ଆପ୍ରୁ ଭାଜପାକୁ ସାଂସଦମାନଙ୍କ ଏହି ପରିବର୍ତ୍ତନ ପଞ୍ଜାବର ରାଜନୀତିକୁ ନୂଆ ମୁଖ ଦେଇଥିବାବେଳେ, ଆଗାମୀ ଦିନରେ ଏହାର ପ୍ରଭାବ ଆଉ ଅଧିକ ସ୍ପଷ୍ଟ ହେବ ବୋଲି ଆଶା କରାଯାଉଛି।