ନ୍ୟୁଜ୍ ବ୍ୟୁରୋ: ତାମିଳନାଡୁ ମୁଖ୍ୟମନ୍ତ୍ରୀ ସି. ଜୋସେଫ ବିଜୟ ଆସନ୍ତା ମେ’ ୨୨ରେ ନୂଆଦିଲ୍ଲୀ ଗସ୍ତରେ ଯାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବେ। ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ଗ୍ରହଣ ପରେ ଏହା ତାଙ୍କର ପ୍ରଥମ ବଡ଼ ଦିଲ୍ଲୀ ଗସ୍ତ ହେବାକୁ ଯାଉଛି। ରାଜନୈତିକ ଓ ପ୍ରଶାସନିକ ଦୃଷ୍ଟିରୁ ଏହି ସାକ୍ଷାତକାରକୁ ଗୁରୁତ୍ୱପୂର୍ଣ୍ଣ ବୋଲି ଦେଖାଯାଉଛି।
ପ୍ରଧାନମନ୍ତ୍ରୀଙ୍କ ସହ ହେବାକୁଥିବା ବୈଠକରେ ତାମିଳନାଡୁ ପାଇଁ କେନ୍ଦ୍ରୀୟ ଆର୍ଥିକ ସହାୟତା, ଭିତ୍ତିଭୂମି ପ୍ରକଳ୍ପ, ଶିଳ୍ପ ଉନ୍ନୟନ, ରେଳ ଓ ସଡ଼କ ପ୍ରକଳ୍ପ ସହ ବିଭିନ୍ନ ପ୍ରଶାସନିକ ପ୍ରାଥମିକତା ଉପରେ ଆଲୋଚନା ହେବ। ରାଜ୍ୟର ଆର୍ଥିକ ବିକାଶ ଓ ନୂତନ ବିନିଯୋଗ ଆକର୍ଷଣ ପାଇଁ କେନ୍ଦ୍ରର ସହଯୋଗ ନେଇ ମଧ୍ୟ ଚର୍ଚ୍ଚା ହୋଇପାରେ। ବିଜୟ ଦିଲ୍ଲୀ ଗସ୍ତ ସମୟରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ଙ୍କ ସହ ମଧ୍ୟ ସାକ୍ଷାତ କରିପାରନ୍ତି। ଏହା ସହ ରାଷ୍ଟ୍ରପତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଓ ଉପରାଷ୍ଟ୍ରପତି ସି. ପି. ରାଧାକୃଷ୍ଣନଙ୍କୁଙ୍କୁ ସୌଜନ୍ୟମୂଳକ ଭେଟିବାର କାର୍ଯ୍ୟକ୍ରମ ମଧ୍ୟ ରହିଛି।
ଏହି ଗସ୍ତ ଅବସରରେ ବିଜୟ ବିଭିନ୍ନ ଶିଳ୍ପପତି, କୂଟନୀତିଜ୍ଞ, ଆଇନ ବିଶେଷଜ୍ଞ ଓ ନିବେଶକମାନଙ୍କ ସହ ଆଲୋଚନା କରିପାରନ୍ତି। ତାମିଳନାଡୁରେ ନୂତନ ନିବେଶ, ରୋଜଗାର ସୃଷ୍ଟି ଓ ଶିଳ୍ପ ବିକାଶକୁ ନେଇ ସରକାରଙ୍କ ଭବିଷ୍ୟତ ରଣନୀତି ଉପରେ ମଧ୍ୟ ଏହି ଆଲୋଚନା କେନ୍ଦ୍ରିତ ହେବ ବୋଲି କୁହାଯାଉଛି। ନୂତନ ସରକାର ଗଠନ ପରେ କେନ୍ଦ୍ର ସହ ସମ୍ପର୍କକୁ ଆହୁରି ମଜବୁତ କରିବା ଓ ରାଜ୍ୟର ଉନ୍ନୟନ କାର୍ଯ୍ୟକ୍ରମକୁ ଗତିଶୀଳ କରିବା ପାଇଁ ବିଜୟଙ୍କ ଏହି ଦିଲ୍ଲୀ ଗସ୍ତକୁ ରାଜନୈତିକ ମହଳ ଗୁରୁତ୍ୱ ସହ ନଜର ରଖିଛି।