ନୂଆଦିଲ୍ଲୀ: ୭୨ତମ ଜାତୀୟ ଚଳଚ୍ଚିତ୍ର ପୁରସ୍କାର ସମାରୋହ ପାଇଁ ସୋମବାର ଗୁଜରାଟର ନର୍ମଦା ଜିଲ୍ଲା ଏକତା ନଗରରେ ପହଞ୍ଚିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ। ମଙ୍ଗଳବାର ହେବାକୁ ଥିବା ସମାରୋହରେ ସେ ମୁଖ୍ୟ ଅତିଥି ଭାବେ ଯୋଗଦେଇ ୨୦୨୪ ବର୍ଷର ଚଳଚ୍ଚିତ୍ର ପାଇଁ ବିଜେତାମାନଙ୍କୁ ପୁରସ୍କୃତ କରିବେ। ପ୍ରଥମଥର ପାଇଁ ଦିଲ୍ଲୀ ବାହାରେ ଏକତା ନଗରରେ ଏହି ସମାରୋହ ଆୟୋଜିତ ହେଉଛି। ଭାରତୀୟ ସିନେମାରେ ୫ ଦଶନ୍ଧିରୁ ଅଧିକ ସମୟର ଅବଦାନ ପାଇଁ ବରିଷ୍ଠ କନ୍ନଡ଼ ଅଭିନେତା ଅନନ୍ତ ନାଗଙ୍କୁ ୨୦୨୪ର ଦାଦାସାହେବ ଫାଲକେ ପୁରସ୍କାର ପ୍ରଦାନ କରାଯିବ।
‘ଆର୍ଟିକଲ୍ ୩୭୦’କୁ ଶ୍ରେଷ୍ଠ ଫିଚର୍ ଫିଲ୍ମ ଏବଂ ୟାମି ଗୌତମଙ୍କୁ ଶ୍ରେଷ୍ଠ ଅଭିନେତ୍ରୀ ସମ୍ମାନ ମିଳିଛି। ‘ବ୍ରହ୍ମୟୁଗମ୍’ ଓ ‘ଚନ୍ଦୁ ଚାମ୍ପିଅନ୍’ ପାଇଁ ମମୁଟି ଓ କାର୍ତ୍ତିକ ଆର୍ଯ୍ୟନ୍ ଯୁଗ୍ମ ଭାବେ ଶ୍ରେଷ୍ଠ ଅଭିନେତା ହୋଇଛନ୍ତି। ‘ଅମରନ୍’ ପାଇଁ ରାଜକୁମାର ପେରିଆସାମୀ ଶ୍ରେଷ୍ଠ ନିର୍ଦ୍ଦେଶକ ଏବଂ ‘କଲ୍କି ୨୮୯୮ ଏଡି’ ଶ୍ରେଷ୍ଠ ଲୋକପ୍ରିୟ ଚଳଚ୍ଚିତ୍ର ପୁରସ୍କାର ପାଇଛି।