କାନାଡ଼ା: କାନାଡ଼ାର ପ୍ରଧାନମନ୍ତ୍ରୀ ପଦରୁ ଇସ୍ତଫା ଘୋଷଣା କରିଛନ୍ତି ଜଷ୍ଟିନ ଟ୍ରୁଡୁ। ଏହା ସହିତ ଲିବେରାଲ ପାର୍ଟି ନେତା ପଦରୁ ବି ଇସ୍ତଫା ଦେଇଛନ୍ତି। ୯ ବର୍ଷ କାଳ ପ୍ରଧାନମନ୍ତ୍ରୀ ପଦରେ ରହିବା ପରେ ଆଜି ସେ ଇସ୍ତଫା ଘୋଷଣା କରିଛନ୍ତି। ଜଷ୍ଟିନ କହିଛନ୍ତି, ନୂଆ ପ୍ରଧାନମନ୍ତ୍ରୀ ଦାୟିତ୍ଵ ନେବା ପର୍ଯ୍ୟନ୍ତ ସେ ପଦରେ ରହିବେ। ନୂଆ ନେତା ଖୋଜିବାକୁ ଦଳର ମୁଖ୍ୟଙ୍କୁ ଅନୁରୋଧ କରିଛି। ବିଭିନ୍ନ ପ୍ରସଙ୍ଗକୁ ନେଇ ବିଶେଷ କରି ଅର୍ଥନୀତିକୁ ନେଇ ନିଜ ଦଳ ଭିତରୁ ହିଁ ଚାପର ସମ୍ମୁଖୀନ ହୋଇଥିଲେ ଜଷ୍ଟିନ। ପ୍ରଧାନମନ୍ତ୍ରୀ ପଦ ଛାଡ଼ିବାକୁ ଦଳ ଭିତରୁ ହିଁ ବିଦ୍ରୋହ ହୋଇଥିଲା। ଏପରିକି କିଛି ବଡ଼ ବଡ଼ ମନ୍ତ୍ରୀ ତାଙ୍କୁ ବିରୋଧ କରି ଇସ୍ତଫା ଦେଇଥିଲେ।
୨୦୧୩ ରେ ଟ୍ରୁଡୋ ଲିବରାଲ୍ ପାର୍ଟିର ନେତୃତ୍ୱ ନେଇଥିଲେ ଯେତେବେଳେ ଏହା ବଞ୍ଚିବା ପାଇଁ ସଂଘର୍ଷ କରୁଥିଲା। ଇତିହାସରେ ପ୍ରଥମ ଥର ପାଇଁ ହାଉସ ଅଫ୍ କମନ୍ସରେ ତୃତୀୟ ସ୍ଥାନକୁ ହ୍ରାସ ପାଇ ଦଳ ପାଇଁ ତ୍ରାଣକର୍ତ୍ତା ସାଜିଥିଲେ ଟ୍ରୁଡୋ। ପରେ ଲିବରାଲ୍ ପାର୍ଟି ୨୦୧୫ ରେ କ୍ଷମତାକୁ ଫେରିଥିଲା। କିନ୍ତୁ ତାଙ୍କ କାର୍ଯ୍ୟକାଳ ଆଗକୁ ବଢିବା ସହିତ ତାଙ୍କର ବିଶ୍ୱସନୀୟତା ହ୍ରାସ ପାଇଲା ଏବଂ ତାଙ୍କ ସରକାର ଦୁର୍ନୀତି ଏବଂ ବିବାଦରେ ଛନ୍ଦି ହୋଇଗଲେ।
ଟ୍ରୁଡୋଙ୍କ ନେତୃତ୍ୱ ଏକାଧିକ ଦିଗରୁ ବିବାଦରେ ରହିଛି। ସମାଲୋଚକମାନେ ଯୁକ୍ତି କରନ୍ତି ଯେ ଖାଲିସ୍ତାନୀ ବିଚ୍ଛିନ୍ନତାବାଦୀ ହାରଦୀପ ସିଂ ନିଜାର ହତ୍ୟା ମାମଲାରେ ଭାରତ ବିରୋଧରେ ହୋଇଥିବା ଅଭିଯୋଗ ତାଙ୍କ ଘରୋଇ ବିବାଦରେ ବିଦ୍ରୋହ ଏବଂ ଦୁର୍ନୀତିର ଅଭିଯୋଗ ସମେତ ଘରୋଇ ଚ୍ୟାଲେଞ୍ଜଗୁଡିକରୁ ଲୋକଙ୍କୁ ବିଭ୍ରାନ୍ତ କରିବାକୁ ଚେଷ୍ଟା କରୁଛି।ଜୁନ୍ ୨୦୨୩ ରେ, ଖଲିସ୍ତାନୀ ଆତଙ୍କବାଦୀ ହାରଦୀପ ସିଂ ନିଜାରକୁ ଭାନକୋଭରରେ ହତ୍ୟା କରାଯାଇଥିଲା। ପରେ ଟ୍ରୁଡୋ ଭାରତୀୟ ଏଜେଣ୍ଟମାନଙ୍କୁ ଏହି ହତ୍ୟାକାଣ୍ଡରେ ସମ୍ପୃକ୍ତ ଥିବା ଅଭିଯୋଗ କରି କୂଟନୈତିକ ସ୍ତରରେ ବିବାଦ ସୃଷ୍ଟି କରିଥିଲେ।
ଆସନ୍ତା ଅକ୍ଟୋବରରେ କାନାଡ଼ାରେ ନିର୍ବାଚନ ହେବ। ଜଷ୍ଟିନଙ୍କ ପାଇଁ ତାଙ୍କ ସରକାର ଓ ଦଳର ଲୋକପ୍ରିୟତା କମିଥିବା, ଏପରିକି ଆସନ୍ତା ନିର୍ବାଚନରେ ତାଙ୍କ ଦଳ ହାରିବାର ଆଶଙ୍କା ଥିବା କୁହାଯାଉଛି। ଏହି କାରଣରୁ ବାଧ୍ୟ ହୋଇ ପ୍ରଧାନମନ୍ତ୍ରୀ ପଦରୁ ଇସ୍ତଫା ଘୋଷଣା କରିଛନ୍ତି ଜଷ୍ଟିନ। ତେବେ କାନାଡ଼ାବାସୀଙ୍କ ଧ୍ଯାନ ହଟାଇବାକୁ ସେ ଭାରତ ସହିତ କୂଟନୈତିକ ବିବାଦ ସୃଷ୍ଟି କରିଥିଲେ। ଏପରିକି ଖଲିସ୍ତାନୀ ଆତଙ୍କବାଦୀଙ୍କୁ ଖୋଲାଖୋଲି ସମର୍ଥନ କରିଥିଲେ। ଏହାକୁ ନେଇ କାନାଡ଼ା ଓ ଭାରତ ମଧ୍ୟରେ ବଡ଼ ବିବାଦ ଦେଖା ଦେଇଥିଲା। କିଛି ମାସ ତଳେ ପରସ୍ପରର କୂଟନୈତିକଙ୍କୁ ଦୁଇ ଦେଶ ବହିଷ୍କାର କରିବା ଭଳି ସ୍ଥିତି ଦେଖା ଦେଇଥିଲା। ଶେଷରେ ନିଜ ଦଳର ଚାପ ଯୋଗୁଁ ଇସ୍ତଫା ଦେବାକୁ ବାଧ୍ୟ ହୋଇ ଇସ୍ତଫା ଦେଇଛନ୍ତି ଜଷ୍ଟିନ ଟ୍ରୁଡୁ।