ଭୁବନେଶ୍ଵର : ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ଇ-କେଓ୍ବାଇସିକୁ ନେଇ ଶନିବାର ଏକ ବଡ଼ ଘୋଷଣା କରିଛନ୍ତି। ରାସନ କାର୍ଡରେ ଇ-କେଓ୍ବାଇସି ଅବଧିକୁ ପୁଣି ବଢାଯାଇଛି । ରାସନ କାର୍ଡରେ ଇ-କେଓ୍ବାଇସି କରିବାକୁ ଆଜି ଶେଷ ଦିନ ଥିବା ବେଳେ ଲୋକଙ୍କ ଆବଶ୍ୟକତା ଦେଖି, ସମୟ ସୀମାକୁ ଆସନ୍ତା ୩୧ମାର୍ଚ୍ଚ ଯାଏଁ ବୃଦ୍ଧି ନେଇ ସୂଚନା ଦେଇଛନ୍ତି ଖାଦ୍ୟ ଓ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ।
ତେବେ ପୂର୍ବରୁ ଆଜି ଶେଷ ତାରିଖ ଥିବା ବେଳେ ଆଉ ଇ-କେଓ୍ବାଇସି ଭରିବା ନେଇ ସମୟ ଅବଧି ବଢିବନି ସୂଚାଇ ଦିଆଯାଇଥିଲା । ଯାହାକୁ ନେଇ ସକାଳୁ ସକାଳୁ ବିଭିନ୍ନ ଇ-କେଓ୍ବାଇସି କେନ୍ଦ୍ର ପ୍ରବଳ ଭିଡ ଦେଖିବାକୁ ମିଳିଥିଲା । ଯାହାକୁ ଦୃଷ୍ଟିରେ ରଖି ପୁଣି ୫ମ ଥର ପାଇଁ ଇ-କେଓ୍ବାଇସି ସମୟ ଅବଧି ବୃଦ୍ଧି କରିଛନ୍ତି । ଏନେଇ ମନ୍ତ୍ରୀ କହିଛନ୍ତି, ନେଟ୍ୱାର୍କ ସମସ୍ୟା ପାଇଁ କିଛି ସ୍ଥାନରେ ଇ-କେଓ୍ବାଇସି ଅପଡେଟ୍ ହେଉନାହିଁ । ଆଉ ଏବେ ପର୍ଯ୍ୟନ୍ତ ପ୍ରାୟ ୩୨ ଲକ୍ଷରୁ ଅଧିକ ହିତାଧିକାରୀ ରହିଛନ୍ତି, ଯେଉଁମାନଙ୍କ ଇ-କେଓ୍ବାଇସି ଅପଡେଟ୍ ହୋଇନାହିଁ । ଲୋକଙ୍କ ସମସ୍ୟା ଦେଖି ଅବଧି ବୃଦ୍ଧି କରାଯାଇଛି ।
ମନ୍ତ୍ରୀ ଆହୁରି ବି କହିଛନ୍ତି, ଏବେ ଯାଏଁ ୯୦ ପ୍ରତିଶତ ଇ-କେଓ୍ବାଇସି ଅପଡେଟ୍ ହୋଇସାରିଛି । ଆହୁରି ୩୩ ଲକ୍ଷ ବାକି ରହିଛି । ନେଟଓ୍ବର୍କ ସମସ୍ୟା ସହ ବିଭିନ୍ନ କାରଣରୁ ଲୋକ ନ-କେଓ୍ବାଇସି କରିନାହାନ୍ତି । ନେଟଓ୍ବର୍କ ସ୍ଲୋ ନେଇ ଲୋକଙ୍କ ଆବେଦନ ଆସିଥିଲା । ୧୧୧ଟି ସ୍ଥାନରେ ସ୍ଲୋ ନେଟଓ୍ବର୍କ ଓ ୨୩୦ ସ୍ଥାନରେ ଜିରୋ ନେଟଓ୍ବାର୍କ ରହିଛି । ଏଥିପାଇଁ ରାଜ୍ୟରେ ମୋଟ ୩୪୧ ପଏଣ୍ଟରେ ନେଟଓ୍ବର୍କ ଡିଭାଇସ୍ ଲଗାଯିବ ।