ନ୍ୟୁଜ୍ ବ୍ୟୁରୋ: ଇଣ୍ଡିଆ ଏଆଇ ଇମ୍ପାକ୍ଟ ସମ୍ମିଳନୀରେ ବିଲ୍ ଗେଟ୍ସ ଯୋଗଦେବେ ନାହିଁ ବୋଲି ଯେଉଁ ଖବର ପ୍ରଚାର ହୋଇଥିଲା, ତାହାକୁ ବିଲ୍ ଆଣ୍ଡ ମେଲିଣ୍ଡା ଗେଟ୍ସ ଫାଉଣ୍ଡେସନର ଭାରତ କାର୍ଯ୍ୟାଳୟ ପକ୍ଷରୁ ଖଣ୍ଡନ କରାଯାଇଛି। ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁସାରେ ସେ ଏହି ସମ୍ମିଳନୀରେ ଯୋଗଦେଇ ସମ୍ବୋଧନ କରିବେ ବୋଲି ଫାଉଣ୍ଡେସନ ପକ୍ଷରୁ ସ୍ପଷ୍ଟ କରାଯାଇଛି।
ସେ ଗତକାଲି ଆନ୍ଧ୍ର ପ୍ରଦେଶର ଅମରାବତୀ ଗସ୍ତରେ ଥିଲେ। କୃତ୍ରିମ ବୁଦ୍ଧିମତ୍ତା ଓ ପ୍ରଯୁକ୍ତି ମାଧ୍ୟମରେ ରାଜ୍ୟର ବିକାଶ ତ୍ୱରାନ୍ୱିତ ହେଉଥିବା ଦେଖି ସେ ସନ୍ତୋଷ ପ୍ରକାଶ କରିଥିଲେ। ଏନ୍. ଚନ୍ଦ୍ରବାବୁ ନାଇଡୁଙ୍କ ଆତିଥ୍ୟ ପାଇଁ ସେ ଧନ୍ୟବାଦ ଜଣାଇଥିଲେ। ସୋମବାର ସେ ରାଜ୍ୟର ଏକାଧିକ କାର୍ଯ୍ୟକ୍ରମରେ ଭାଗ ନେଇଥିଲେ। ଏହା ସହିତ ଗୁଣ୍ଟୁର ଜିଲ୍ଲାରେ କୃଷ୍ଣା ନଦୀ କୂଳର ଏକ ଗ୍ରାମରେ ଥିବା କଦଳୀ ବଗିଚାକୁ ମଧ୍ୟ ସେ ପରିଦର୍ଶନ କରିଥିଲେ।