ପଶ୍ଚିମବଙ୍ଗ: ବିଜେପି ନେତା ଶୁଭେନ୍ଦୁ ଅଧିକାରୀ ସୋମବାର ନନ୍ଦୀଗ୍ରାମ ନିର୍ବାଚନମଣ୍ଡଳୀ ପାଇଁ ତାଙ୍କର ନାମାଙ୍କନ ପତ୍ର ଦାଖଲ କରିଛନ୍ତି। ଆସନ୍ତା ନିର୍ବାଚନରେ ଦଳ ନିର୍ଣ୍ଣାୟକ ବିଜୟ ହାସଲ କରିବ ବୋଲି ସେ ଦୃଢୋକ୍ତି ପ୍ରକାଶ କରିଛନ୍ତି।
ପୂର୍ବ ମେଦିନୀପୁର ଜିଲ୍ଲାର ହଳଦିଆରେ ଉପ-ବିଭାଗୀୟ ଅଧିକାରୀଙ୍କ ସମ୍ମୁଖରେ ସେ ନାମାଙ୍କନ ଦାଖଲ କରିଥିଲେ। ଏହି ସମୟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ପୂର୍ବତନ ରାଜ୍ୟ ବିଜେପି ସଭାପତି ଦିଲୀପ ଘୋଷଙ୍କ ସହ ବହୁ ବରିଷ୍ଠ ନେତା ଉପସ୍ଥିତ ଥିଲେ।
ନାମାଙ୍କନ ଦାଖଲ ପରେ ଶ୍ରୀ ଅଧିକାରୀ କହିଥିଲେ ଯେ, ଏଥର ଭୋଟରମାନଙ୍କ ମଧ୍ୟରେ ବିଜେପି ପ୍ରତି ଭାରି ଆକର୍ଷଣ ଦେଖାଯାଉଛି ଏବଂ ଦଳ ଜିତିବାକୁ ପୂର୍ଣ୍ଣ ଆତ୍ମବିଶ୍ୱାସୀ। ସେ ଆହୁରି କହିଛନ୍ତି ଯେ ପଶ୍ଚିମବଙ୍ଗରେ ସ୍ୱଚ୍ଛ, ଦୁର୍ନୀତିମୁକ୍ତ ଓ ବିକାଶମୁଖୀ ସରକାର ଗଠନ ପାଇଁ ବିଜେପି ପ୍ରତିବଦ୍ଧ। ଏଥର ସେ ଦୁଇଟି ଆସନରୁ ପ୍ରତିଦ୍ୱନ୍ଦିତା କରିବେ। ନନ୍ଦୀଗ୍ରାମ ସହିତ, ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଗଡ଼ ଭବାନୀପୁରରୁ ମଧ୍ୟ ଲଢ଼ିବେ। ଉଭୟ ଆସନରୁ ବିଜୟୀ ହେବେ ବୋଲି ସେ ଦାବି କରିଛନ୍ତି। ତୃଣମୂଳ କଂଗ୍ରେସ ବିରୋଧରେ ଭବାନୀପୁରରେ ଏଥର ଏକ ହାଇ-ପ୍ରୋଫାଇଲ୍ ନିର୍ବାଚନୀ ଲଢ଼େଇ ହେବାକୁ ଯାଉଛି।