କରୋନା କଟକଣା ଭିତରେ ଆସନ୍ତାକାଲିଠାରୁ ଆରମ୍ଭ ହେବାକୁ ଯାଉଛି ଟୋକିଓ ପାରାଲିମ୍ପିକ୍ । ଏଥିରେ ୪୦ ଜଣ ପୁରୁଷ, ୧୪ ଜଣ ମହିଳାଙ୍କ ସମେତ ୫୪ ଜଣିଆ ଭାରତୀୟ ଦଳ ଅଂଶଗ୍ରହଣ କରିବେ। ଟେବୁଲ ଟେନିସ.ଶକ୍ତି ଉତ୍ତୋଳନ ଓ ତାଏକୋଣ୍ଡା ଖେଳାଳିମାନେ ଟୋକିଓରେ ପହଞ୍ଚିସାରିଛନ୍ତି। ଟୋକିଓରେ
ପହଞ୍ଚି ସାରିଥିବା ଟେବୁଲ ଟେନିସ ଖେଳାଳି ସୋନାଲ ପଟେଲ ଓ ଭାବିନା ପଟେଲଙ୍କର ୨୫ରେ ମ୍ୟାଚ ରହିଛି । ତେଣୁ ସେମାନେ ଉଦଘାଟନୀ ଉତ୍ସବରୁ
ଦୂରେଇ ରହିବେ। ଏହି ଉତ୍ସବରେ ଉାରତୀୟ ଦଳରୁ ମୋଟ ୧୧ ଜଣ ସଦସ୍ୟ ସାମିଲ ହେବେ। ଓଡିଆ ପୁଅ ପାରା ବ୍ୟାଡମିଣ୍ଟନ ଖେଳାଳି ପ୍ରମୋଦ
ଭଗତଙ୍କ ଉପରେ ସ୍ୱତନ୍ତ୍ର ନଜର ରହିଛି।
ପାରାଲିମ୍ପିକ୍ରେ ଭାରତ ସର୍ବଶ୍ରେଷ୍ଠ ପ୍ରଦର୍ଶନ କରିବ ବୋଲି ଆଶା କରାଯାଉଛି। ଏବେ ସୁଦ୍ଧା ୭ ଭାରତୀୟ ଟୋକିଓରେ ଅଂଶ ଗ୍ରହଣ କରିସାରିଛନ୍ତି। ପ୍ରତିଯୋଗିତାରେ ଅଂଶଗ୍ରହଣ କରୁଥିବା ଭାରତୀୟ କ୍ରୀଡାବିତମାନଙ୍କ ମଧ୍ୟରୁ ଏକାଧିକ ପଦକ ଆଶା ରଖିଛନ୍ତି। ପୁରୁଷ ସିଙ୍ଗଲସ ବ୍ୟାଡମିଣ୍ଟନରେ ଓଡିଆ ପୁଅ
ପ୍ରମୋଦ ଭଗତ ପାରାଲିମ୍ପିକ୍ରେ ଭାଗ ନେଇଛନ୍ତି। ତାଙ୍କ ଉପରେ ସ୍ୱତନ୍ତ୍ର ନଜର ରହିଛି। ସେ ଦୁବାଇ ଟୁର୍ଣ୍ଣାମେଣ୍ଟରେ ଦୁଇଟି ସ୍ୱର୍ଣ୍ଣ ଓ ଗୋଟିଏ ବ୍ରୋଞ୍ଜ ପଦକ ଜିତିଥିଲେ। ତେଣୁ ପାରାଲିମ୍ପିକ୍ରେ ସେ ସ୍ୱର୍ଣ୍ଣ ଜିତିବା ନେଇ ଆଶା ରହିଛି।
ସେହିପରି କ୍ଲବ ଥ୍ରୋ ଏଫ୍ ୫୧ରେ ଧରମବୀର ନୈନ, ଏଫ୫୨ ଡିସକସ ଥ୍ରୋରେ ବିନୋଦ କୁମାର, ଟି୪୭ ଉଚ୍ଚଡିଆଁରେ ରାମ ପାଲ, ଟି ୬୩ ହାଇଜମ୍ପ୍ରେ
ମାରିୟାପ୍ପାନ ଥାଙ୍ଗାଭାଲୁ, ଟି ୬୪ ଉଚ୍ଚ ଡିଆଁରେ ପ୍ରବୀଣ କୁମାର, ପୁରୁଷ ଜାଭଲିନ ଥ୍ରୋରେ ଦେବେନ୍ଦ୍ର ଝାଝାରିଆ, ମହିଳା ୫୦ କିଗ୍ରା ଶକ୍ତି ଉତ୍ତୋଳନରେ ସାକିନା ଖାତୁନ,ବନ୍ଧୁକ ଚାଳନା ପୁରୁଷ ବର୍ଗରେ ମନୀଷ ନରୱାଲ, ଦୀପେନ୍ଦର ସିଂହଙ୍କ ଉପରେ ନଜର ରହିଛି। ଏହି ପାରାଲିମ୍ପିକ୍ସ ୫୪ ଜଣ ପ୍ରତିଯୋଗୀ ଭାଗ
ନେବେ, ଯାହା ସର୍ବାଧିକ। ଆଜି ଜାପାନ ସମ୍ରାଟ ନାରୁହିତୋ କ୍ରୀଡାର ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି।