ମୁମ୍ବାଇ: ବଲିଉଡ଼ ଷ୍ଟାର ଅକ୍ଷୟ କୁମାରଙ୍କ ମାଆଙ୍କ ପରଲୋକ । ଅନେକ ଦିନ ଧରି ତାଙ୍କ ମା ଅସୁସ୍ଥ ଥିଲେ । ଅକ୍ଷୟ କୁମାର ତାଙ୍କ ମାଆଙ୍କ ଦେହାନ୍ତି ନେଇ ସୋସିଆଲ ମିଡିଆରେ ସୂଚନା ଦେଇଛନ୍ତି । ତା ସହ ଏକ ଭାବବିହ୍ୱଳ ପୋଷ୍ଟ ସେୟାର କରିଛନ୍ତି।
ଅକ୍ଷୟ କୁମାର ଇନଷ୍ଟାରେ ଲେଖିଛନ୍ତି ଯେ, ଆଜି ସକାଳୁ ତାଙ୍କ ମାଆ ଅରୁଣା ଭାଟ୍ଟିଆଙ୍କ ପରଲୋକ ହୋଇଛି । ସେ ତାଙ୍କ ଜୀବନରେ ବହୁତ ଗୁରୁତ୍ୱପୂର୍ଣ୍ଣ ଥିଲେ। ଆଜି ତାଙ୍କୁ ବହୁତ କଷ୍ଟ ଅନୁଭବ ହେଉଥିବା ସେ କହିଛନ୍ତି । ସେ ଅଲଗା ଦୁନିଆରେ ତାଙ୍କ ବାପାଙ୍କ ସହ ପୁଣି ମିଶିଗଲେ ବୋଲି ଅକ୍ଷୟ ଲେଖିଛନ୍ତି । ଏଭଳି ଦୁଃଖଦ ସମୟର ସାମନା କରିବାକୁ ତାଙ୍କ ପରିବାର ପାଇଁ ପ୍ରାର୍ଥନା କରିବାକୁ ସେ ତ୍ୟାଙ୍କ ଫ୍ୟାନ୍ସଙ୍କୁ କହିଛନ୍ତି । ଅକ୍ଷୟ କୁମାରଙ୍କ ଏହି ପୋଷ୍ଟ ପରେ ବଲିଉଡ ଇଣ୍ଡଷ୍ଟ୍ରିର ଅନେକ କଳାକାର ଓ ଫ୍ୟାନ୍ସ ତାଙ୍କୁ ସାନ୍ତ୍ୱନା ଦେଇଛନ୍ତି ।