ଆଗକୁ ଭାରତକୁ ବିପଦ

ଵାଶିଂଟନ: ଆସନ୍ତା ନିର୍ବାଚନ ସମୟରେ ଭାରତରେ ବଡ଼ ସାଂପ୍ରଦାୟିକ ହିଂସା ଓ ଆତଙ୍କବାଦୀ ଆକ୍ରମଣ ଘଟିପାରେ । ଆଫଗାନିସ୍ତାନ ମଧ୍ୟ ଏଥିରୁ ମୁକୁଳିପାରିବ ନାହିଁ ।
ଆମେରିକାର ଗୁଇନ୍ଦା ନିର୍ଦେଶକ ଡାନ୍‍ କୋଟ୍‍ସ ଓ ସିଆଇଏ ନିର୍ଦେଶକ ଜିନା ହାସ୍‍ପେଲ୍‍ ଏଭଳି ଚେତାବନୀ ଦେଇଛନ୍ତି । ଏକ ରିପୋର୍ଟରେ କୁହାଯାଇଛି, ପାକିସ୍ତାନୀ ଆତଙ୍କବାଦୀ ସଂଗଠନ ଏ ନେଇ ପୂରା ଦମରେ ଉଦ୍ୟମ ଚଳାଇଛି । ପାକିସ୍ତାନ ଆତଙ୍କବାଦୀଙ୍କ ଭୂସ୍ୱର୍ଗ ପାଲଟି ସାରିଲେଣି । ସେଠାକାର ସରକାର ଏହାକୁ ନିୟନ୍ତ୍ରଣ କରିବା ବଦଳରେ ପ୍ରୋତ୍ସାହନ ଓ ସମର୍ଥନ ଦେଉଛନ୍ତି । ସେହିଭଳି ଏହି ରିପୋର୍ଟ ଆହୁରି କହୁଛି ଯେ ନରେନ୍ଦ୍ର ମୋଦୀ ସରକାର ଯଦି ଆଗାମୀ ଦିନରେ କେବଳ ହିନ୍ଦୁତ୍ୱ କାର୍ଡ ଖେଳି ନିର୍ବାଚନକୁ ଓହ୍ଲାନ୍ତି, ତେବେ ସାଂପ୍ରଦାୟିକ ହିଂସା ସମ୍ଭାବନାକୁ ଏଡାଇ ଦେଇ ହେବ ନାହିଁ ।