ପ୍ରମୁଖ ଖବର

ଭୁବନେଶ୍ବର: ତଳସରା ବିଧାୟକ ଭବାନୀ ଭୋଇ ବିଜେପିର ଉପ ବାଚସ୍ପତି ପ୍ରାର୍ଥୀ
ନୂଆ ଆୟକର ବ୍ୟବସ୍ଥାରେ ବଦଳିଲା ଛାଡସୀମା, ପୁରୁଣା ବ୍ୟବସ୍ଥାରେ ଅପରିବର୍ତ୍ତିତ, ଷ୍ଟାଣ୍ଡାର୍ଡ ଡିଡକ୍ସନ ୭୫୦୦୦କୁ ବୃଦ୍ଧି
୧୫ ପ୍ରତିଶତ ସୀମା ଶୁଳ୍କ ହ୍ରାସ ନେଇ ଅର୍ଥମନ୍ତ୍ରୀଙ୍କ ଘୋଷଣା: ଶସ୍ତା ହେବ ସୁନା, ରୂପା, କ୍ୟାନ୍ସର ଔଷଧ, ମୋବାଇଲ
ଏଥର ବଜେଟ୍ ରେ ନୂଆ ଚାକିରିଆଙ୍କ ପାଇଁ ଖୁସି ଖବର, ତିନୋଟି କିସ୍ତିରେ ମିଳିବ ୧୫ ହଜାର

କିଏ ପାଇବେ ଟିକେଟ୍‍, କିଏ ପଡିବ ବାଦ୍‍

0

ତିନି ଥର ହାରିଥିଲେ ମିଳିବନି ଟିକେଟ୍‍
ଗୋଟିଏ ପରିବାରକୁ ଜଣକୁ ମିଳିବ
କଂଗ୍ରେସ ଶିବିରରେ କମ୍ପନ, ବରିଷ୍ଠ ବିଚଳିତ

ଭୁବନେଶ୍ୱର: ଗୋଟିଏ ପରିବାରକୁ ଗୋଟିଏ ଟିକେଟ୍‍ । ତିନି ଥର ହାରିଥିଲେ ଟିକେଟ୍‍ ମନା । ଟିକେଟ୍‍ ବଣ୍ଟନ ପ୍ରକ୍ରିୟାରେ ଏମିତି ନିଷ୍ପତ୍ତି ନେଇଛି କଂଗ୍ରେସ ।
କଂଗ୍ରେସ ହାଇକମାଣ୍ଡଙ୍କ ଏଭଳି ନିଷ୍ପତ୍ତିକୁ ନେଇ ଦଳର ଶୀର୍ଷସ୍ତରରେ କମ୍ପନ ସୃଷ୍ଟି ହେଲାଣି । ଖୋଦ୍‍ ନିରଞ୍ଜନ ପଟ୍ଟନାୟକ ଏଥର ନିର୍ବାଚନରେ ଛିଡା ହେବା ସମ୍ଭାବନା କ୍ଷୀଣ । କାରଣ ତାଙ୍କ ପୁଅ ସୁଲିଆ ପଟ୍ଟନାୟକ ବାଲେଶ୍ୱର ଲୋକସଭା ଆସନରୁ ଆଶାୟୀ ତାଲିକାରେ ଅଛନ୍ତି । ସଂଗ୍ରାମ ଜେନା ଯଦି ଭଦ୍ରକରୁ ଛିଡା ହୁଅନ୍ତି, ତେବେ ପୂର୍ବତନ ପିସିସି ସଭାପତି ଜୟଦେବ ଜେନାଙ୍କ ପ୍ରାର୍ଥିତ୍ୱ ଉପରେ ପ୍ରଶ୍ନ ଚିହ୍ନ ଛିଡା ହେବ । କଂଗ୍ରେସ ବରିଷ୍ଠ ନେତା ଭକ୍ତ ଦାସ ଓ ତାଙ୍କ ପୁଅ ଉଭୟ ଟିକେଟ୍‍ ଆଶାୟୀ ଅଛନ୍ତି । ସେମାନଙ୍କ ମଧ୍ୟରୁ ଜଣକୁ ନେତା ହେବାର ନିଶା ଛାଡିବାକୁ ପଡିବ । କେବଳ ଏଇ ତିନି ଜଣ ନୁହଁନ୍ତି, ଲଗାତାର ହାରିବା ତାଲିକାରେ କଂଗ୍ରେସର ବହୁ ନେତାଙ୍କ ନାମ ଆସିବ । ଏପରିକି ଦଳର ବରିଷ୍ଠ ନେତା ଜଗନ୍ନାଥ ପଟ୍ଟନାୟକଙ୍କ ଠାରୁ ଆରମ୍ଭ କରି ପ୍ରକାଶ ଦେବତା, ଯୁଧିଷ୍ଠିର ସାମନ୍ତରାୟଙ୍କ ପର୍ଯ୍ୟନ୍ତ ବହୁ ନେତା ନିର୍ବାଚନ ପ୍ରାର୍ଥୀ ହେବା ଦୌଡରୁ ଓହରିବାକୁ ବାଧ୍ୟ ହେବେ । ଏହି ଖବର କଂଗ୍ରେସର ବରିଷ୍ଠ ନେତାମାନଙ୍କୁ ବିଚଳିତ କରିଦେଇଛି ।
କଂଗ୍ରେସ ମୁଖିଆଙ୍କ ଏଭଳି ଫର୍ମୁଲାକୁ ନେଇ କିନ୍ତୁ ଦଳର ଯୁବ ପିଢି ବେଶ୍‍ ଖୁସି । କାରଣ ଚିରାଚରିତ ମୁହଁ କାରଣରୁ କଂଗ୍ରେସ ନୂଆ ପିଢିର ଭୋଟରଙ୍କ ପାଖେ ପହଞ୍ଚିପାରୁନାହାନ୍ତି । ଏହି ନେତାମାନେ ରାସ୍ତାରେ ବାଟ ଓଗାଳି ଛିଡା ହେଉଛନ୍ତି । ଏଣୁ ଆଉ କିଛି ହେଉ କି ନ ହେଉ, ରାଜ୍ୟ କଂଗ୍ରେସ ସାମ୍ନାକୁ କିଛି ନୂଆ ନେତା ଏହାଦ୍ୱାରା ଆସିପାରିବେ, ଯେଉଁମାନେ କି ଦଳକୁ ଆଉ କିଛି ବର୍ଷ ପର୍ଯ୍ୟନ୍ତ ଟାଣିନେବେ ବୋଲି ରାଜନୈତିକ ପର୍ଯ୍ୟବେକ୍ଷକ ମହଲ ମତ ରଖୁଛନ୍ତି ।

Leave A Reply

Your email address will not be published.