ପ୍ରମୁଖ ଖବର

ସାତ ବର୍ଷ ପରେ ପୁଣି ହକି ଇଣ୍ଡିଆ ଲିଗ୍‌: ଡିସେମ୍ବର ୨୭ରୁ ଟୁର୍ଣ୍ଣାମେଣ୍ଟ ଆରମ୍ଭ, ଓଡ଼ିଶାର ଟିମ୍‌ ଖେଳିବ ମ୍ୟାଚ୍‌
ସୁପ୍ରିମକୋର୍ଟରୁ ଜାମିନ ମିଳିଲା ପରେ ମଧ୍ୟ ଜେଲରୁ ବାହାରି ପାରିବେନି କେଜ୍ରିୱାଲ
ଆସ୍ଥା ଭୋଟ୍ ହାରିଲେ ନେପାଳ ପ୍ରଧାନମନ୍ତ୍ରୀ ପ୍ରଚଣ୍ଡ
ରଥ ଉପରକୁ ମୋବାଇଲ ମନା; ନିୟମ ଭାଙ୍ଗିଲେ ହେବ କଡା କାର୍ଯ୍ୟାନୁଷ୍ଠାନ
ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବେ ନିଯୁକ୍ତ ହେଲେ ଅରବିନ୍ଦ ପାଢ଼ୀ
ଫୁଟବଲ ଆସୋସିଏଶନ ଅଫ ଓଡ଼ିଶାର ସଭାପତି ହେଲେ ସମୀର ଦେ
ରାଜଭବନ କର୍ମଚାରୀଙ୍କୁ ମାଡମାରିଲେ ରାଜ୍ୟପାଳ ରଘୁବର ଦାସଙ୍କ ପୁଅ
ଭୁବନେଶ୍ୱର ସପ୍ତମ ବାଟାଲିୟନ କ୍ୟାମ୍ପସରୁ ଜଣେ ଯବାନଙ୍କ ଝୁଲନ୍ତା ମୃତଦେହ ଜବତ

ବିଜେପି ଅଡୁଆ ବଢାଇଦେଲେ

0
  • ଭୁବନେଶ୍ୱର: ଓଡିଶା ବିଧାନସଭାରେ ସ୍ମିତାରାଣୀ ହତ୍ୟା ମାମଲାରେ ମୁଖ୍ୟ ବିରୋଧୀ ବିଜେପି ମୁହାଁମୁହିଁ ସ୍ଥିତିରେ ଅଛି। ଠିକ ସେତିକିବେଳେ ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉଭୟ ବିଜେଡି ଓ ଏନସିପିକୁ ସେମାନଙ୍କ ସଂସଦରେ ଶୃଙ୍ଖଳିତ ବ୍ୟବହାର ଲାଗି ଉଚ୍ଚ ପ୍ରଶଂସା କରିଛନ୍ତି। ଗୃହ ଭିତରକୁ ନ ଆସି ବି ଲୋକମାନେ ତାଙ୍କୁ ଭଲ ପାଉଛନ୍ତି ଓ କ୍ଷମତାରେ ରଖିଛନ୍ତି। ଏଥିରୁ ବିଜେପି ସମେତ ଅନ୍ୟ ଦଳ ଶିଖିବା ଉଚିତ ବୋଲି ପ୍ରଧାନମନ୍ତ୍ରୀ କହିଥିଲେ। ମୋଦୀଙ୍କ ଏଭଳି ମନ୍ତବ୍ୟ ରାଜ୍ୟ ବିଜେପିର ବିଧାନସଭା ପ୍ରଦର୍ଶନକୁ ବିତର୍କ ଭିତରକୁ ଟାଣିଆଣିଛି। କେବଳ ସେତିକି ନୁହେଁ, ସରକାରୀ ଦଳକୁ ମଧ୍ୟ ବିଧାନସଭାରେ ବଳ ମିଳିଛି। ବିରୋଧୀ ହଟ୍ଟଗୋଳ କଲେ ଏବେ ଏହି ଅସ୍ତ୍ର ଫିଙ୍ଗି ସରକାରୀ ଦଳ ପ୍ରତି ଆକ୍ରମଣ କରିବେ।
  • ରାଜନୈତିକ ମହଲ କିନ୍ତୁ ପ୍ରଧାନମନ୍ତ୍ରୀଙ୍କ ଏଭଳି ମନ୍ତବ୍ୟକୁ ଦୁଇଟି ଦୃଷ୍ଟିରୁ ବିଚାର କରୁଛନ୍ତି। ପ୍ରଥମତଃ, ଶିବସେନା ଦୂରେଇ ଯିବା ପରେ ବିଜେଡି ଆବଶ୍ୟକତା କେନ୍ଦ୍ର ସରକାର ପାଇଁ ସଂସଦରେ ବଢିଛି। ଏଣୁ ପ୍ରଧାନମନ୍ତ୍ରୀ ଏହି ମଲମରେ ବିଜେଡିକୁ ନିକଟରେ ରଖିପାରିଛନ୍ତି। ସେହିପରି ଏନସିପି ତତ୍କାଳ ମହାରାଷ୍ଟ୍ର ସରକାର ଗଠନ ନେଇ ଖେଳିବା ଆରମ୍ଭ କରିଦେଇଛି। ଦ୍ବିତୀୟତଃ, ମୋଦୀ ଧୀରେ ଧୀରେ ନିଜକୁ ପୋଖତ ଓ ବିଚକ୍ଷଣ ନେତା ଭାବେ ପ୍ରମାଣିତ କରୁଛନ୍ତି। ଏହି ମନ୍ତବ୍ୟ ତାର ଗୋଟିଏ ଝଲକ।
  • ହେଲେ କେନ୍ଦ୍ରର ଏଭଳି ଗୋଟିଚାଳନା ରାଜ୍ୟ ବିଜେପି ପାଇଁ ଅଡୁଆ ବଢାଇଦେଇଛି। ଜାତୀୟ ସ୍ତରରେ ନବୀନଙ୍କ ପ୍ରତିଷ୍ଠା ଓ ଦଳ ଉପରେ ଥିବା ପକଡ ଚର୍ଚ୍ଚାକୁ ଆସିଛି। ନବୀନ ଧୀରେ ଧୀରେ ନିଜର ବ୍ୟକ୍ତିତ୍ୱ ଅଲଗା ଢଙ୍ଗରେ ସମସ୍ତଙ୍କ ସାମ୍ନାକୁ ଆଣୁଛନ୍ତି। ଏଥିରେ ବିଜେଡିର ତ ଲାଭ ହିଁ ଲାଭ। ନବୀନଙ୍କ ଲୋକପ୍ରିୟତା ବଢିବ। କିନ୍ତୁ ବିରୋଧୀ ଦଳ ଉପରେ ସନ୍ଦେହ ସୃଷ୍ଟିହେବା ଅମୂଳକ ନୁହେଁ।
Leave A Reply

Your email address will not be published.