- ୨୮ ତାରିଖ ଦିନ ଜଣେ ଡାକ୍ତରଙ୍କୁ ଗଣଦୁଷ୍କର୍ମ ପରେ ପୋଡି ହତ୍ୟା କରିଥିଲେ
- ଖସି ପଳାଇବାକୁ ଉଦ୍ୟମ କରୁଥିବା ବେଳେ ପୁଲିସ ଏନକାଉଣ୍ଟର କରିଥିଲା
ହାଇଦ୍ରାବାଦ: ହାଇଦ୍ରାବାଦ ଡାକ୍ତରାଣୀ ଗଣଦୁଷ୍କର୍ମ ଓ ହତ୍ୟା ମାମଲାରେ ୪ ଅଭିଯୁକ୍ତ ମୃତ୍ୟୁବରଣ କରିଛନ୍ତି। ପୁଲିସ ଏନକାଉଣ୍ଟରରେ ସେମାନଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ପୁଲିସ ହାତକୁ ଖସି ପଳାଇବାକୁ ଉଦ୍ୟମ କରୁଥିବା ବେଳେ ହାଇଦ୍ରାବାଦ ୪୪ନମ୍ବର ଜାତୀୟ ରାଜପଥ ଅନ୍ତର୍ଗତ ସାଦନଗର ନିକଟସ୍ଥ ଚେତନାପାଲି ଓଭରବ୍ରିଜ ଉପରେ ପୁଲିସ ବାଧ୍ୟ ହୋଇ ସେମାନଙ୍କ ଉପରକୁ ଗୁଳି ଚଳାଇଥିଲା। ଫଳରେ ଘଟଣାସ୍ଥଳରେ ସେମାନଙ୍କର ମୃତ୍ୟୁ ହୋଇଥିବା ଖବର ମିଳିଛି। ଏହି ରାସ୍ତାରେ ହିଁ ଡାକ୍ତରଙ୍କୁ ଅଭିଯୁକ୍ତମାନେ ଗଣଦୁଷ୍କର୍ମ କରି ପୋଡି ମାରିଦେଇଥିଲେ।
ନଭେମ୍ବର ୨୮ ତାରିଖ ଦିନ ହୋଇଥିବା ଏହି ସାଂଘାତିକ ଅପରାଧରେ ପୁଲିସ ୨୯ ତାରିଖ ଦିନ ଅଭିଯୁକ୍ତମାନଙ୍କୁ ଗିରଫ କରିଥିଲା। ଗତକାଲି ପୁଲିସ ଅପରାଧୀମାନଙ୍କୁ ଘଟଣାସ୍ଥଳକୁ ନେଇ କେଉଁଭଳି ଭାବେ ଏହି ଅପରାଧ ଘଟାଇଥିଲେ, ପୁଲିସ ତାର ତନାଘନା ଚଳାଇଥିବା ବେଳେ ସେମାନେ ଖସିଯିବାକୁ ଉଦ୍ୟମ କରିଥିଲେ। ଫଳରେ ପୁଲିସ ବାଧ୍ୟ ହୋଇ ଗୁଳି ଚଳାଇଥିବା ପ୍ରାରମ୍ଭିକ ଖବରରୁ ପ୍ରକାଶ।
ଏହି ଖବର ଜଣାପଡିବା ପରେ ସମଗ୍ର ଦେଶରେ ହଇଚଇ ସୃଷ୍ଟି ହୋଇଛି।