ଭୁବନେଶ୍ବର: ଆଜି ଦକ୍ଷିଣ ପୂର୍ବ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହୋଇଛି । ଏହି କ୍ଷେତ୍ର ୧୫ ତାରିଖ ସୁଦ୍ଧା ଶକ୍ତିଶାଳୀ ହୋଇ ଅବପାତ ରୂପ ନେବ ଓ ୧୬ ତାରିଖ ସନ୍ଧ୍ୟା ବେଳକୁ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ବାତ୍ୟା ରୂପ ନେବାର ସମ୍ଭାବନା ଅଛି । ଏହି କ୍ଷେତ୍ର ୧୭ ତାରିଖ ଯାଏଁ ଉତ୍ତର ପଶ୍ଚିମ ଦିଗ ରେ ଅଗ୍ରସର ହେବ ଓ ଏହା ପରେ ଉତ୍ତର ଉତ୍ତର ପୂର୍ବ ଦିଗ ରେ ଆଗକୁ ବଢିବ।
ବଙ୍ଗୋପସାଗର ରେ ଏହି ବାତ୍ୟା କୁ ଶକ୍ତିଶାଳୀ କରାଇବା ପାଇଁ ଅନୁକୂଳ ପରିବେଶ ରହିଛି । ବାତ୍ୟା ସୃଷ୍ଟି ପାଇଁ ସମୁଦ୍ର ପୃଷ୍ଟ ର ତାପମାତ୍ରା ୨୭°କିମ୍ବା ଏହା ଠାରୁ ଅଧିକ ରହିବା ଦରକାର କିନ୍ତୁ ବର୍ତ୍ତମାନ ସମୟ ବଙ୍ଗୋପସାଗର ରେ ତାପମାତ୍ରା ଯଥେଷ୍ଟ ଅଧିକ ୩୦-୩୧° ରହିଛି । MJO ବର୍ତ୍ତମାନ ଫେଜ୍ ୨ ରେ ରହିଛି ଓ ୧୭ ତାରିଖ ପରେ ଏହା ଫେଜ୍ ୪ କୁ ଯିବ ଯାହା ଫଳରେ ଏହା ଆସନ୍ତା ୮ ଦିନ ଯାଏ ବାତ୍ୟା ଶକ୍ତିଶାଳୀ କରାଇବାରେ ସହାୟକ କରିବ।
ଅଧିକାଂଶ ମଡେଲ ଙ୍କ ଆକଳନ ଅନୁସାରେ ଏହି କ୍ଷେତ୍ର ଆସନ୍ତା ୧୬ ତାରିଖ ବେଳକୁ ଦକ୍ଷିଣ ପଶ୍ଚିମ ବଙ୍ଗୋପସାଗରରେରେ ବାତ୍ୟା ରୂପ ନେବ । ଏହି ବାତ୍ୟା ଏହା ପରେ ଆହୁରି ଘନୀଭୂତ ହୋଇ ଭୀଷଣ ବାତ୍ୟା(Severe cyclonic Strom) ର ରୂପ ନେବା ସହ ଉତ୍ତର ପଶ୍ଚିମ କିମ୍ବା ଉତ୍ତର ପୂର୍ବ ବଙ୍ଗୋପସାଗରରେ ରେ ପହଞ୍ଚିବ।
ହେଲେ ଏହି ବାତ୍ୟା କେଉଁଠାରେ ଲ୍ୟାଣ୍ଡଫଲ୍ କରିବ , ଭାରତ ପୂର୍ବ ଉପକୂଳ କୁ ଆସିବ କିମ୍ବା ଭାରତ ପୂର୍ବ ଉପକୂଳ ରେ ସମାନ୍ତରାଳ ଭାବରେ ଗତି କରି ବାଂଲାଦେଶ ଆଡେ ଯିବ ଏହା କୁ ନେଇ ବିଭିନ୍ନ ମଡେଲଙ୍କ ଭିନ୍ନ ଭିନ୍ନ ମତ ରହିଛି । ତେବେ ୨୦-୨୧ ତାରିଖ ବେଳକୁ ଏହି କ୍ଷେତ୍ର ଲ୍ୟାଣ୍ଡ ଫଲ୍ କରିବାର ସମ୍ଭାବନା ରହିଛି ବୋଲି ସାର୍ଥକ ମିଶ୍ର ପୂର୍ବାନୁମାନ କରିଛନ୍ତି।