ପ୍ରମୁଖ ଖବର

ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ଗୁଳିମାଡ଼ । ଏକ ନିର୍ବାଚନୀ ସଭାରେ ତାଙ୍କ ଗୁଳି ମାଡ଼ ହୋଇଛି, କାନକୁ ଛୁଇଁ ଚାଲିଗଲା ଗୁଳି
ଜୁଲାଇ ୧୯ରେ ହେବ ସିୟୁଇଟି-ୟୁଜି ପୁନଃ ପରୀକ୍ଷା, ଏନଟିଏ କଲା ଘୋଷଣା
ଦିଗପହଣ୍ଡିରେ ବଡ ଅଘଟଣ, ବିଦ୍ୟୁତ୍ ସଂସ୍ପର୍ଶରେ ଆସି ୧୦ ଶିଶୁ ଗୁରୁତର
କଟକ ତ୍ରିସା ମେଡିକାଲ ଅଗ୍ନିକାଣ୍ଡ ଘଟଣାରେ ଜଣେ ଶିଶୁ ମୃତ
ରତ୍ନଭଣ୍ଡାର ନିକଟ‌ରେ ଅସୁସ୍ଥ ହୋଇପଡିଲେ ପୁରୀ ଏସପି ପିନାକ ମିଶ୍ର, ଚିକିତ୍ସା କରୁଛନ୍ତି ଡାକ୍ତର ସିବିକେ ମହାନ୍ତି
ଶ୍ରୀମନ୍ଦିର ବାହାରକୁ ଆସି ଅସୁସ୍ଥ ଥିବା କଥାକୁ ଖଣ୍ଡନ କଲେ ଏସପି ପିନାକ ମିଶ୍ର
ଦିନ ୧ଟା ୨୮ ମିନିଟ୍ ସମୟରେ ଖୋଲାଯିବ ରତ୍ନଭଣ୍ଡାର, ୧୧ ଜଣ ଭିତରକୁ ଯିବେ: ଜଷ୍ଟିସ ବିଶ୍ବନାଥ ରଥ
ଯାଞ୍ଚ କମିଟିରୁ ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥ ଓ ଡାକ୍ତର ସିବିକେ ମହାନ୍ତି ଭିତରକୁ ଯିବେ
ଆଜି ଆଡ଼ପ ମଣ୍ଡପରେ ଶ୍ରୀଜିଉଙ୍କ ଶେଷ ଦର୍ଶନ
ନୀଳାଦ୍ରି ବିଜେ ପର୍ଯ୍ୟନ୍ତ ପୁରୀରେ ରହିବେ ଉପମୁଖ୍ୟମନ୍ତ୍ରୀ ଓ ଦୁଇମନ୍ତ୍ରୀ

ଅତ୍ୟନ୍ତ ଭୀଷଣ ରୂପ ଧରି ଆସିବ ‘ଅମ୍ଫାନ୍’

0
  • ଓଡ଼ିଶା ପ୍ରତି ସିଧାସଳଖ ବିପଦ ନାହିଁ, ସନ୍ଧ୍ୟାରେ ବାତ୍ୟା ରୂପ ନେବ
  • ଓଡ଼ିଶା ଅତିକ୍ରମ କରିବା ବେଳେ ସର୍ବୋଚ୍ଚସ୍ତରରେ ଥିବ ବାତ୍ୟା
  • ଉପକୂଳରେ ଭାରି ବର୍ଷା, ଉତ୍ତର ଓଡ଼ିଶାରେ ଅତି ପ୍ରବଳ ବର୍ଷା ସମ୍ଭାବନା
  • ପବନର ବେଗ ଉପକୂଳରେ ୫୫, ଉତ୍ତର ଓଡ଼ିଶାରେ ୭୫ କିଲୋମିଟର ହୋଇପାରେ

ଭୁବନେଶ୍ବର: ଅତ୍ୟନ୍ତ ଭୀଷଣ ରୂପ ଧରି ଆଗକୁ ମାଡ଼ିବ। ଘଣ୍ଟା ପ୍ରତି ୧୬୦ରୁ ୧୭୦ କିଲୋମିଟର ବେଗରେ ପବନ ବହିବ। ମଝିରେ ମଝିରେ ୧୯୦ କିଲୋମିଟର ବେଗରେ ଆସି ଝଟକା ଦେବ। ଆଜି ସନ୍ଧ୍ୟା ସାଢେ ପାଞ୍ଚଟା ବେଳେ ସାମୁଦ୍ରିକ ଝଡ ରୂପ ନେବା ପରେ ଏମିତି ଭାବେ ସମୁଦ୍ରରୁ ଯାଇ ସ୍ଥଳଭାଗ ପର୍ଯ୍ୟନ୍ତ ପ୍ରଳୟ ରଚିବ ସମ୍ଭାବ୍ୟ ବାତ୍ୟା ଅମ୍ଫାନ୍।

ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଅଧିକ ଘନୀଭୂତ ହୋଇ ଆଜି ସକାଳେ ଅବପାତ ରୂପ ନେଇଛି। ୧୨ ଘଣ୍ଟା ମଧ୍ୟରେ ଏହା ବାତ୍ୟା ରୂପ ନେବ। ସେତେବେଳକୁ ବାତ୍ୟା ସ୍ଥଳୀରେ ପବନର ବେଗ ୬୦ରୁ ୭୦ କିଲୋମିଟର ଥିବ। କିନ୍ତୁ ଏହାର ରୂପ ପରିବର୍ତନ ପରେ ଧୀରେ ଧୀରେ ଅଧିକ ଭୀଷଣ ରୂପ ଧାରଣ କରି ଆଗକୁ ବଢିବ। ୧୭ ତାରିଖ ପର୍ଯ୍ୟନ୍ତ ଏହା ଉତ୍ତର ପଶ୍ଚିମ ଦିଗକୁ ମୁହାଁଇବା ପରେ ପୁଣି ଦିଗ ପରିବର୍ତନ କରି ଉତ୍ତର-ପୂର୍ବ ଆଡ଼କୁ ଗତି କରିବ। ସେତେବେଳେ ଏହା ଭୀଷଣ ରୂପ ଧାରଣ କରିଥିବ, ଯେତେବେଳେ କି ପବନର ବେଗ ଥିବ ୧୧୦ରୁ ୧୨୦ କିଲୋମିଟର। ୧୮ ତାରିଖରେ ଏହା ଭେରି ସିଭିୟର ସାଇକ୍ଲୋନିକ୍ ଷ୍ଟର୍ମର ରୂପ ନେବ।

ଓଡ଼ିଶା ପାଇଁ ବିପଦ ହେଉଛି, ଏହା ଯେତିକି ଉତ୍ତରକୁ ଯିବ, ସେତିକି ଉପକୂଳ ଆଡ଼କୁ ମାଡ଼ିବ। ୧୯ ତାରିଖ ଦିନ ଓଡ଼ିଶା ଓ ପଶ୍ଚିମବଙ୍ଗ ଉପକୂଳର ଅଧିକ ପାଖରେ ଏହା ଆଗକୁ ବଢିବ।ସେତେବେଳକୁ ବାତ୍ୟା ଅତି ଭୀଷଣ ବା ଏକ୍ସଟ୍ରିମ୍ଲି ଭେରି ସିଭିୟର ସାଇକ୍ଲୋନିକ୍ ଷ୍ଚର୍ମରେ ପରିଣତ ହୋଇସାରିଥିବ। ଏହି ଅବସ୍ଥାରେ ସେ ପାଖାପାଖି ୧୨ ଘଣ୍ଟା ରହିବ। ଅର୍ଥାତ୍ ଯେଉଁ ସମୟରେ ବାତ୍ୟା ପାରାଦୀପ ଉପକୂଳରୁ ବାଲେଶ୍ବର ଯାଏ ସ୍ଥଳଭାଗର କିଛି ଦୂରରେ ଯାଉଥିବ, ସେତେବେଳେ ବାତ୍ୟାର ପ୍ରକୋପ ସର୍ବୋଚ୍ଚ ସୀମା ଛୁଇଁଯାଇଥିବ। ପଶ୍ଚିମବଙ୍ଗ ଉପକୂଳରେ ସ୍ଥଳଭାଗ ଛୁଇଁବା ପରେ ଏହା ଦୁର୍ବଳ ହେବା ଆରମ୍ଭ କରି ବାଂଲାଦେଶ ଆଡ଼କୁ ମୁହାଁଇବ।

୧୮ ତାରିଖ ସନ୍ଧ୍ୟାରୁ ଓଡ଼ିଶା ଉପକୂଳରେ ବର୍ଷା ହେବ। ବିଶେଷକରି ଉତ୍ତର ଓଡ଼ିଶାର କିଛି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ। ଉପକୂଳରେ ପବନର ବେଗ ଘଣ୍ଟା ପ୍ରତି ୪୫ରୁ ୫୫ କିଲୋମିଟର ବହିବ ଏବଂ ମଝିରେ ମଝିରେ ୬୫ କିଲୋମିଟର ବେଗରେ ଆସି ଝଟକା ଦେବ। ହେଲେ ଉତ୍ତର ଓଡ଼ିଶାରେ ପବନର ବେଗ ୭୫ କିଲୋମିଟର ପର୍ଯ୍ୟନ୍ତ ଛୁଇଁପାରେ।

Leave A Reply

Your email address will not be published.