- ଆଉ ୬୧ କୋଭିଡ ମୃତ୍ୟୁର ହିସାବ
- ଲାଲ ବଳୟରୁ ହଟୁନି ଖୋର୍ଦ୍ଧା,କଟକ
ଭୁବନେଶ୍ବର: ଦେଶରେ ୮ ରାଜ୍ୟରେ କରୋନା ସ୍ଥିିତି ଚିନ୍ତାଜନକ ଥିବା ବେଳେ ଏହି ତାଲିକାରେ ଓଡିଶାର ନାଁ ରହିଛି । ଓଡିଶାର ଅଧିକାଂଶ ଜିଲ୍ଲାରେ ସଂକ୍ରମଣ ହାର ୧୦ ପ୍ରତିଶତ ଉପରେ ରହିଛି । ଖୋର୍ଦ୍ଧାରେ ସଂକ୍ରମଣ କମିବା ବଦଳରେ ବଢି ବଢି ଚାଲିଛି । ସେପଟେ ମୟୂରଭଂଜରେ ମଧ୍ୟ ସଂକ୍ରମଣ ହାର ରେକର୍ଡ ସ୍ତରରେ ରହିବା ନେଇ ସ୍ୱାସ୍ଥ୍ୟବିଭାଗ ଚିନ୍ତିତ ହୋଇଛି । ସେହିପରି ରାଜ୍ୟରେ ବଳକା କୋଭିଡ ମୃତ୍ୟୁର ସମୀକ୍ଷା ପରେ ମୃତ୍ୟୁସଂଖ୍ୟା ୫୦ ଉପରେ ରହୁଥିବା ବେଳେ ଆଜି ୬୧ ମୃତ୍ୟୁର ହିସାବ ଦିଆଯାଇଛି।
ରାଜ୍ୟରେ ଗତ ୨୪ ଘଂଟାରେ ୭୮ ହଜାର ୫୬୦ କରୋନା ନମୂନା ପରୀକ୍ଷା ହୋଇଥିବା ବେଳେ ସଂକ୍ରମଣ ହାର ରହିଛି ୩.୫୭% । ଖୋର୍ଦ୍ଧାରୁ ସର୍ବାଧିକ ୫୯୦ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି କଟକରୁ୪୪୧, ବାଲେଶ୍ୱରରୁ ୧୫୩,ଢେଙ୍କାନାଳରୁ ୧୨୪,ଜଗତସିଂହପୁରରୁ ୧୧୯,ମୟୂରଭଂଜରୁ ୧୦୯,ଯାଜପୁରରୁ ୨୫୨,ପୁରୀରୁ ୧୩୮ ଆକ୍ରାନ୍ତ ଚିହ୍ନଟ ହୋଇଛନ୍ତି । ନୂଆ ଆକ୍ରାନ୍ତକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୯ ଲକ୍ଷ ୩୫ ହଜାର ୧୩୬ରେ ପହଚିଂଛି । ସକ୍ରିୟ ସଂକ୍ରମିତଙ୍କ ସଂଖ୍ୟା ରହିଛି ୨୭ ହଜାର ୪୨୯ ।
ସେହିପରି ଆଜି ୬୧ ମୃତ୍ୟୁର ହିସାବ ଦିଆଯାଇଥିବା ବେଳେ ଖୋର୍ଦ୍ଧାର ସର୍ବାଧିକ ୧୧ ଆକ୍ରାନ୍ତଙ୍କ ମୃତ୍ୟୁ ହୋଇଛି । ବରଗଡ, ଗଞ୍ଜାମ, ମୟୂରଭଞ୍ଜ, ପୁରୀରୁ ୬ ଲେଖାଏଁ, ସମ୍ବଲପୁର, ସୁନ୍ଦରଗଡରୁ ୫ ଲେଖାଏଁ, କେନ୍ଦୁଝରରୁ ୪, କଟକ, ଢେଙ୍କାନାଳ, ନୟାଗଡରୁ ୨ ଜଣ ଲେଖାଏଁ, ବୌଦ୍ଧ, ଗଜପତି, ଝାରସୁଗୁଡା, କେନ୍ଦ୍ରାପଡା, ନୂଆପଡା, ରାୟଗଡାରୁ ଜଣେ ଲେଖାଏଁ କରୋନା ଆକ୍ରାନ୍ତ ପ୍ରାଣ ହରାଇଛନ୍ତି । ଏହାକୁ ମିଶାଇ ରାଜ୍ୟରେ ମୃତ୍ୟୁ ସଂଖ୍ୟା ୪ ହଜାର ୪୭୬କୁ ବୃଦ୍ଧି ପାଇଛି ।