ପ୍ରମୁଖ ଖବର

କାଲିଠୁ କ୍ଷୟକ୍ଷତି ଆକଳନ କରାଯିବ: ମନ୍ତ୍ରୀ
ଲାଞ୍ଚ ନେଇ ଧରାପଡ଼ିଲେ ସିଟି-ଜିଏସ୍‌ଟି ଅଧିକାରୀ
ଏସଆଇ ପରୀକ୍ଷା ଜାଲିଆତି: ଗିରଫ ୧୧୪ ପରୀକ୍ଷାର୍ଥୀଙ୍କୁ ମିଳିଲା ଜାମିନ
ଟ୍ରକ୍‌ ପଛରେ ପିଟି ହେଲା ବସ୍, ଡ୍ରାଇଭର ଓ ହେଲ୍‌ପର ମୃତ
ରାଫେଲରେ ଉଡିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ
ରାଉରକେଲା-ରାଞ୍ଚି ସେକ୍ସନରେ ଟ୍ରେନ୍ ଦୁର୍ଘଟଣାଗ୍ରସ୍ତ
ଯୁକ୍ତ ୨ ଫର୍ମ ପୂରଣ ପାଇଁ ଘୁଞ୍ଚିଲା ତାରିଖ

ଗୃହବନ୍ଦୀ ସାପ, ମେଡିକାଲରେ ଝିଅ

0

ଭୁବନେଶ୍ବର: ଘରେ ବନ୍ଦୀ ଅଛି ସାପ । ଆଉ ଚିକିତ୍ସା ପାଇ ହସ୍ପିଟାଲକୁ ଅଣାଗଲା କୁନି ଝିଅ। ସାପ କାମୁଡାରେ ମାସେ କାଳ ଯନ୍ତ୍ରଣାରେ କୁନି ଝିଅଟି ଛଟପଟ ହେବା ପରେ ଜିଲ୍ଲା ପ୍ରଶାସନର ହସ୍ପକ୍ଷେପ ଯୋଗୁଁ ଚିକିତ୍ସା ପାଇଁ କଟକ ଏସସିବିକୁ ଝିଅଟିକୁ ଅଣାଯାଇଛି । ବିଷଧର ସାପ କାମୁଡିବା ପରେ ଝିଅଟିର ଡାହାଣ ହାତ ପଚି ନଷ୍ଟ ହେବାକୁ ବସିଥିବା ବେଳେ ଝିଅଟି ଖୁବ ଶୀଘ୍ର ସୁସ୍ଥ ହୋଇଯିବ ବୋଲି ଆଶ।। ରହିଛି । ସେପଟେ ଆଶ୍ଚର୍ଯ୍ୟକର କଥା ହେଉଛି ଝିଅଟିକୁ କାମୁଡିଥିବା ସାପଟି ମାସେ ହେବ ଘର ଭିତରେ ବନ୍ଦୀ ରହିଲା।

ଅନ୍ଧ ବିଶ୍ୱାସ କୁହନ୍ତୁ ବା ଅର୍ଥାଭାବ। ନବରଙ୍ଗପୁର ରାଇଘର ବ୍ଲକ ବାଲିଝର ଗାଁର କୁନି ଝିଅ ମଂଜୁଳା । ମାସେ ତଳେ ବାପା କାମକୁ ଯାଇଥିଲେ, ମାଆ ଘର କାମ କରୁଥିଲେ, ଭାଇ ସହ ଘର ବାହାରେ ଖେଳୁଥିଲା ୯ ବର୍ଷୀୟ ଝିଅ ମଞ୍ଜୁଳା । ଖେଳି ଖେଳି ପକ୍ଷୀ ଧରିବାକୁ ଏକ ଗଛରେ ଚଢି ଯାଇଥିଲା, ସେଠାରେ ତାକୁ ଏକ ନାଗ ସାପ କାମୁଡି ଦେଇଥିଲା ।। ନାଗ ସାପ କାମୁଡିବା ସତ୍ୱେ ସୌଭାଗ୍ୟରୁ ଝିଅଟି ବଂଚି ଯାଇଛି । ହେଲେ ଝିଅଟିର ଡାହାଣ ହାତ ପଚି ନଷ୍ଟ ହେବାକୁ ବସିଲାଣି । ଅର୍ଥ ଅଭାବରରୁ ମଂଜୁଳାର ଚିକିତ୍ସା ପାଇଁ ନେଇପାରୁନଥିଲେ ପରିବାର ଲୋକ।

କୁନି ଝିଅଟି ମାସେ ହେଲା ଯନ୍ତ୍ରଣାରେ ଛଟପଟ ହେବା ପରେ ଜିଲ୍ଲା ପ୍ରଶାସନ ନଜରକୁ ଖବର ଆସିଥିଲା । ଛୋଟ ଝିଅଟିକୁ ରାଇଘର ବିଡିଓଙ୍କ ପ୍ରତ୍ୟକ୍ଷ ତତ୍ୱାବଧାନରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ପ୍ରାଥମିକ ଚିକିତ୍ସା କରିବା ପରେ ଅଧିକ ଚିକିତ୍ସା ପାଇଁ ସ୍ୱତନ୍ତ୍ର ଆମ୍ବୁଲାନ୍ସ ଯୋଗେ କଟକ ଏସସିବି ମେଡିକାଲକୁ ଅଣାଯାଇଛି । ଏବଂ ହସ୍ପିଟାଲରେ ସମସ୍ତ ଡାକ୍ତରୀ ଖର୍ଚ୍ଚ ରାଜ୍ୟ ସରକାର ବହନ କରିବେ ବୋଲି କହିଛନ୍ତି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ।

Leave A Reply

Your email address will not be published.