ସିଧାପ୍ରସାରଣକୁ ବାରର ବିରୋଧ

ହାଇକୋର୍ଟରେ ମାମଲାର ସିଧାପ୍ରସାରଣ ଗତକାଲିଠୁ ଆରମ୍ଭ ହୋଇଥିବା ବେଳେ ଏହାକୁ ନେଇ ଦେଖାଦେଇଛି ଅସନ୍ତୋଷ । ହାଇକୋର୍ଟ ବାର ଆସୋସିଏସନ ପକ୍ଷରୁ ଏହାକୁ ବିରୋଧ କରାଯାଇ ମୁଖ୍ୟ ବିଚାରପତିଙ୍କ କୋର୍ଟ ବର୍ଜନ କରିଛନ୍ତି ଆଇନଜୀବୀ । ପ୍ରତିବାଦରେ ବୁଧବାର ଯାଏ ମୁଖ୍ୟ ବିଚାରପତିଙ୍କ କୋର୍ଟ ବର୍ଜନ କରିଛନ୍ତି ଆଇନଜୀବୀ ।
ହାଇକୋର୍ଟ ଅଫ ଲାଇଭ ଷ୍ଟ୍ରିମିଂ ଅଫ କୋର୍ଟ ପ୍ରୋସେଡିଙ୍ଗ ରୁଲ୍ସ ୨୦୨୧କୁ ପ୍ରତ୍ୟାହାର ଦାବିରେ ଜିଦରେ ଅଡିବସିଛନ୍ତି ଆଇନଜୀବୀ । ସୁପ୍ରିମକୋର୍ଟରେ ଏଭଳି ବ୍ୟବସ୍ଥା ନାହିଁ କି ଏ ସଂପର୍କରେ ଆଇନଜୀବୀଙ୍କ ମତାମତ ଲୋଡା ଯାଇନାହିଁ ବୋଲି ବାର ପକ୍ଷରୁ କୁହାଯାଇଛି । କୋର୍ଟ କାର୍ଯ୍ୟ ସମ୍ପୂର୍ଣ୍ଣ ସ୍ୱାଭାବିକ ହେବା ପର୍ଯ୍ୟନ୍ତ ଏହାକୁ ସ୍ଥଗିତ ରଖବାକୁ ହାଇକୋର୍ଟ ବାର ଆସୋସିଏସନ ପକ୍ଷରୁ ଦାବି କରାଯାଇଛି । ଆସନ୍ତାକାଲି ବାରର ପରବର୍ତୀ ପଦକ୍ଷେପ ନେଇ ବୈଠକ ବସିବ ।
ହାଇକୋର୍ଟର ଶୁଣାଣୀର ଲାଇଭ ଷ୍ଟ୍ରିମିଂ ଗତକାଲିଠୁ ଆରମ୍ଭ ହୋଇଛି । ମୁଖ ବିଚାରପତିଙ୍କ ଖଣ୍ଡପୀଠ ଶୁଣାଣୀର ପ୍ରକ୍ରିୟାକୁ ସିଧାପ୍ରସାରଣ କରାଯାଇଛି । ସିଧାପ୍ରସାରଣର ୱେବ ଲିଙ୍କ ହାଇକୋର୍ଟଙ୍କ ୱେବସାଇଟରେ ଏବଂ ସମ୍ପୃକ୍ତ ଖଣ୍ଡପୀଠଙ୍କ ଜଜ ଲିଷ୍ଟରେ ପ୍ରକାଶ ପାଇବ । କିନ୍ତୁ ପାରିବାରିକ ବିବାଦ, ଶିଶୁ ଓ ବାଳ ଅପରାଧ ସମ୍ପର୍କିତ ମାମଲା,ଜାତୀୟ ସୁରକ୍ଷା ସଂପର୍କିତ ମାମଲାର ସିଧାପ୍ରସାରଣ ହୋଇପାରିବନାହିଁ ବୋଲି କୋର୍ଟ କହିଛନ୍ତି ।