ନୂଆଦିଲ୍ଲୀ: କେନ୍ଦ୍ର ଗୃହ ତଥା ସହଯୋଗ ମନ୍ତ୍ରୀ ଅମିତ ଶାହାଙ୍କ ଅଧ୍ୟକ୍ଷତାରେ ସରକାରୀ ଭାଷା ସଂସଦୀୟ କମିଟି ସରକାରୀ ଭାଷା ସମ୍ବନ୍ଧୀୟ ଯାଞ୍ଚର ସୁପାରିସ ରିପୋର୍ଟର ଦଶମ ବିଭାଗକୁ ଆଜି ରାଷ୍ଟ୍ରପତିଙ୍କୁ ପ୍ରଦାନ କରିଛନ୍ତି। ରାଷ୍ଟ୍ରପତି ଭବନରେ ଏହି ଅବସରରେ ସରକାରୀ ଭାଷା ଉପରେ ସଂସଦୀୟ କମିଟିର ଉପାଧ୍ୟକ୍ଷ ଭର୍ତ୍ତୃହରି ମହତାବ, ପ୍ରଥମ ଉପ-କମିଟିର ସଂଯୋଜକ ଶ୍ରୀ ରାମଚନ୍ଦ୍ର ଜାଙ୍ଗଡା, ସହ ସଂଯୋଜକ ରଙ୍ଗ ଅପ୍ପା ବାର୍ନେ, ଦ୍ୱିତୀୟ ଉପ-କମିଟିର ସଭାପତି ରୀତା ବହୁଗୁଣା ଯୋଶୀ ପ୍ରମୁଖ ଉପସ୍ଥିତ ଥିଲେ।
ସରକାରୀ ଭାଷା ଉପରେ ସଂସଦୀୟ କମିଟି ଦ୍ୱାରା ପ୍ରସ୍ତୁତ ରିପୋର୍ଟର ଏହି ବିଭାଗ ପୂର୍ବ ନଅ ଖଣ୍ଡରେ ପ୍ରତ୍ୟାଖ୍ୟାନ କରାଯାଇଥିବା ଅନେକ ପ୍ରସଙ୍ଗ ଉପରେ ମତ ରହିଛି। ଏଥିରେ ମୁଖ୍ୟ ସୁପାରିସ ହେଉଛି, ହିନ୍ଦୀ ସହ ଜଡିତ ଅନୁଷ୍ଠାନଗୁଡ଼ିକୁ ମଜବୁତ କରିବା। କେବଳ ସେତିକି ନୁହେଁ, ନିଯୁକ୍ତି ପରୀକ୍ଷାରେ ହିନ୍ଦୀ ଏବଂ ଇଂରାଜୀ ମଧ୍ୟରୁ କିଭଳି ଗୋଟିଏ ବାଛିବା ଏବଂ ହିନ୍ଦୀକୁ ସୁପ୍ରିମକୋର୍ଟରେ ବାଧ୍ୟତାମୂଳକ ଭାବେ ବ୍ୟବହାର କରିବା ଇତ୍ୟାଦି ରହିଛି।
ଏହି ଅବସରରେ ଗୃହ ଓ ସହଯୋଗ ମନ୍ତ୍ରୀ ଅମିତ ଶାହା ତାଙ୍କ ମାନ୍ୟବର ରାଷ୍ଟ୍ରପତିଙ୍କୁ ଭାରତ ସରକାରଙ୍କ ହିନ୍ଦୀର ସ୍ଥିତି ସମ୍ପର୍କରେ କହିଛନ୍ତି। ଜଣାଇଛନ୍ତି ଯେ କୃଷି ମନ୍ତ୍ରଣାଳୟ ସାଧାରଣ ଜନତାଙ୍କ ଚିନ୍ତାଧାରା ସହିତ ଜଡିତ। ପ୍ରତିରକ୍ଷା ମନ୍ତ୍ରଣାଳୟ, ଗ୍ରାମ୍ୟ ଉନ୍ନୟନ ମନ୍ତ୍ରଣାଳୟ ଏବଂ ରେଳ ମନ୍ତ୍ରଣାଳୟ, ଗୃହ ମନ୍ତ୍ରଣାଳୟ ଆଦି କେନ୍ଦ୍ର ସରକାରଙ୍କ ମୋଟ ୬ ଟି ମନ୍ତ୍ରଣାଳୟରେ ହିନ୍ଦୀର ବ୍ୟବହାର ଅତ୍ୟନ୍ତ ଉତ୍ସାହଜନକ ଅଟେ।
ଏହି ଅବସରରେ ରାଷ୍ଟ୍ରପତି କହିଛନ୍ତି ଯେ ଅଣ-ହିନ୍ଦୀ ଭାଷାଭାଷୀ ରାଜ୍ୟଗୁଡିକର ଲୋକମାନେ ହିନ୍ଦୀ ସମ୍ବନ୍ଧରେ ଭଲ କାମ କରୁଛନ୍ତି। ସେମାନେ ହିନ୍ଦୀକୁ ପ୍ରୋତ୍ସାହିତ କରୁଛନ୍ତି। ଏଣୁ ସେମାନଙ୍କୁ ଉତ୍ସାହିତ କରାଯିବା ଆବଶ୍ୟକ।