ବୟସ ମାତ୍ର ୨୪ । ହେଲେ ୨୪ ବର୍ଷରେ ହୋଇପାରିଛନ୍ତି ୨୧ ପିଲାର ମାଆ । ଆପଣଙ୍କୁ କଥାଟା ଣୁଣିଲେ ଆଶ୍ଚର୍ଯ୍ୟ ଲାଗୁଥିବ ନିଶ୍ଚିତ । ଏଭଳି ଘଟଣା ଆସିଛି ଋଷ ଜର୍ଜିଆରୁ । ଜର୍ଜିଆରେ ୨୪ ବର୍ଷର ଜଣେ ଯୁବତୀ ୨୧ଟି ପିଲାର ମାଆ । ଆଉ ୨୧ ପିଲାର ଯତ୍ନ ନେବାକୁ ସେ ୧୬ ଜଣ ମହିଳାଙ୍କୁ ଘରେ ରଖିଛନ୍ତି ।
ଜର୍ଜିଆ ଜଣେ କୋଟିପତି ବ୍ୟକ୍ତି ଗୋଲିଫଙ୍କ ପତ୍ନୀଙ୍କ ବୟସ ୨୪ ବର୍ଷ । ସେ ଗତ ବର୍ଷ ମାର୍ଚ୍ଚରୁ ଚଳିତ ବର୍ଷ ଜୁଲାଇ ମଧ୍ୟରେ ସରୋଗେସି ମାଧ୍ୟମରେ ବାପା ମାଆ ହେବା ପାଇଁ ୧,୪୬ ୭୮,୧୫୬ ଟଙ୍କା ଖର୍ଚ୍ଚ କରିଛନ୍ତି । ଆଉ ୨୧ଟି ପିଲାର ବାପା, ମାଆ ହୋଇପାରିଛନ୍ତି । ଗୋଲିଫର ପୂର୍ବତନ ପତ୍ନୀଙ୍କର ମଧ୍ୟ ଦୁଇଟି ପିଲା ଅଛି ।
ତେବେ ପୂର୍ବ ପିଲାଙ୍କୁ ମିଶାଇ ଗୋଲିଫ ଓ କ୍ରୀଷ୍ଟିନାଙ୍କର ୨୩ଟି ସନ୍ତାନ ରହିଛି । ଗୋଲିଫ ଜଣେ କୋଟିପତି ବ୍ୟବସାୟୀ ହୋଇଥିବା ବେଳେ ପ୍ରତିଦିନ ଘରକୁ ବିଳମ୍ବରେ ଫେରିଥାନ୍ତି ।ତେଣୁ ଏକା କ୍ରୀଷ୍ଟିନା ଏତେ ପିଲାଙ୍କ ଯତ୍ନ ନେବା ସମ୍ଭବ ନୁହେଁ । ସେଥିପାଇଁ ପିଲାଙ୍କ ଲାଳନପାଳନ ପାଇଁ ସେ ୧୬ ଜଣ ମହିଳାଙ୍କୁ ରଖିଛନ୍ତି। ଏମାନେ ପିଲାଙ୍କର ଖାଇବା,ପିଇବା,ଶୋଇବା ସହ ସବୁ ପ୍ରକାର ଯତ୍ନ ନେଉଛନ୍ତି ।
କ୍ରୀଷ୍ଟିନା କହିଛନ୍ତି, ସେ ପିଲାଙ୍କର ଯତ୍ନ ନେବାକୁ ଭଲ ପାଆନ୍ତି । ସେ ସବୁବେଳେ ପିଲାଙ୍କ ସହ ରହିଥାନ୍ତି । ସେ ସବୁ କାମ କରିଥାନ୍ତି ଯାହା ସବୁ ମାଆ ତାଙ୍କ ପିଲାଙ୍କ ପାଇଁ କରନ୍ତି । ସକାଳୁ ଉଠିବା ପରେ ସେ ଘରେ କାମ କରୁଥିବା ସମସ୍ତଙ୍କୁ ଭିନ୍ନ ଭିନ୍ନ ଦାୟିତ୍ୱ ଦେଇଥାନ୍ତି । କ୍ରୀଷ୍ଟିନା କହିଛନ୍ତି ସେ ତାଙ୍କ ଜୀବନକୁ ଉପଭୋଗ କରୁଛନ୍ତି ।କେବେ ବି ବିରକ୍ତ ଭାବ ପ୍ରକାଶ କରନ୍ତି ନାହିଁ । କ୍ରୀଷ୍ଟିନା ଇନଷ୍ଟାଗ୍ରାମରେ ବହୁତ ଆକ୍ଟିଭ ଥାନ୍ତି । ଏବଂ ଦୈନଦିନ ଜୀବନ ବିଷୟରେ ସେୟାର କରିଥାନ୍ତି । ସୋସିଆଲ ମିଡିଆ ପ୍ଲାଟଫର୍ମରେ ତାଙ୍କୁ ଲକ୍ଷେ ୬୦ ହଜାର ଫଲୋ କରୁଛନ୍ତି । ସୋସିଆଲ ମିଡିଆରେ ସେୟାର କରିଥିବା ଅନେକ ଭିଡିଓଙ୍କ ସେ ଛୁଆଙ୍କ ସହ ଖେଳୁଥିବାର ନଜର ଆସିଥାନ୍ତି