ବଙ୍ଗୋପସାଗରରେ ଆଗକୁ ବଢ଼ୁଛି ବାତ୍ୟା ଜଓ୍ବାଦ
ପୁରୀରେ ସ୍ଥଳଭାଗ ଛୁଇଁଲା ବେଳକୁ ଦୁର୍ବଳ ହୋଇଯିବ
ଗତ ୬ ଘଣ୍ଟା ଧରି ୬ କିଲୋମିଟର ବେଗରେ ଆଗକୁ ବଢୁଛି
ଓଡ଼ିଶା ଉପରେ କମ ପ୍ରଭାବ ପକାଇବ, ଗଞ୍ଜାମ, ପୁରୀ, ଜଗତସିଂହପୁରରେ ଅଧିକ
ସର୍ବାଧିକ ୯୫ କିଲୋମିଟର ବେଗରେ ପବନ ବହିପାରେ
ଆସନ୍ତାକାଲି ମଧ୍ୟାହ୍ନରେ ପୁରୀ ଛୁଇଁପାରେ
ପାରାଦୀପରେ ୬୨ମିମି ବର୍ଷା ରେକର୍ଡ ହୋଇଥିବା ସୂଚନା
ପୁରୀରେ ଘଣ୍ଟାପ୍ରତି ୨୬ କିଲୋମିଟର ବେଗରେ ରହିଛି ପବନର ଗତି
ପୁରୀ ଉପକୂଳରେ ଲାଗିଲା ରେଡ୍ ଫ୍ଲାଗ୍, ୪ ବନ୍ଦରରେ ବିପଦ ସଙ୍କେତ ଜାରି
ଜଓ୍ବାଦ ପ୍ରଭାବରେ ଟ୍ରେନ୍ ବାତିଲ୍, ସରକାର ବି ସତର୍କ

ମଣିପୁର ଆକ୍ରମଣ ପାଇଁ ନିଜକୁ ଦାୟୀ କଲା ଏହି ସଂଗଠନ

0

ମଣିପୁରରେ ଆତଙ୍କବାଦୀ ଆକ୍ରମଣରେ ୭ ଜଣ ଆଖିବୁଜିଛନ୍ତି । ଜଣେ କର୍ଣ୍ଣେଲଙ୍କ ସମେତ ୪ ଯବାନ ସହିଦ ହୋଇଛନ୍ତି। ଏବଂ କର୍ଣ୍ଣେଲଙ୍କ ପରିବାରର ୨ ଜଣଙ୍କର ମୃତ୍ୟୁ ହୋଇଛି। ଏହି ଆକ୍ରମଣକୁ ନେଇ ସାରା ଦେଶ କ୍ରୋଧିତ। ଆତଙ୍କବାଦୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବା ପାଇଁ ଚର୍ଚ୍ଚା ହେଉଛି।
ଏହାରି ଭିତରେ ଆକ୍ରମଣ ପାଇଁ ନିଜକୁ ଦାୟୀ କରିଛି ମଣିପୁର ନାଗା ପିପୁଲ୍ସ ଫ୍ରଣ୍ଟ (ଏମଏନଏଫପି)।

ମଣିପୁର ନାଗା ପିପୁଲ୍ସ ଫ୍ରଣ୍ଟ ଆକ୍ରମଣ ପାଇଁ ନିଜକୁ ଦାୟୀ କରିବା ସହିତ ଏକ ବିବୃତି ଜାରି କରିଛି । ସେଥିରେ ଆକ୍ରମଣ ନେଇ ବିସ୍ତୁତ ଭାବରେ ଲେଖାଯାଇଛି। କୁହାଯାଇଛି ଯେ, ଆକ୍ରମଣକାରୀଙ୍କୁ ଏହା ଜଣାନଥିଲା ଯେ, ସେଥିରେ କର୍ଣ୍ଣେଲଙ୍କ ସ୍ତ୍ରୀ ଓ ପୁଅ ଥିଲେ। ଲେଖାଯାଇଥିବା ନୋଟରେ ସୈନିକମାନଙ୍କୁ ଏହା ପରାମର୍ଶ ଦିଆଯାଇଛି ଯେ, ସମ୍ବେଦନଶୀଳ ଅ ଳକୁ ସେମାନେ ପରିବାର ସଦସ୍ୟଙ୍କୁ ଆଣିବା ଉଚିତ୍ ନୁହେଁ।

ଏହି ମିଳିତ ବିବୃତି ଉପପ୍ରଚାର ସଚିବ ରୋବେନ ଖୁମାନ ଏବଂ ଥୋମାସ ନୁମାଇ ଜାରି କରିଛନ୍ତି। ତାଙ୍କ ତରଫରୁ ଏହି ଆକ୍ରମଣ ପାଇଁ ସମ୍ପୂର୍ଣ୍ଣ ନିଜକୁ ଦାୟୀ
କରିଛନ୍ତି। ଏବେ ସରକାର କେବେ ଓ କିଭଳି ଭାବେ ଏହି ସଂଗଠନ ବିରୋଧରେ କାର୍ଯ୍ୟାନୁଷ୍ଠାନ ନେଉଛି ତାହା ଦେଖିବାକୁ ବାକି ରହିଲା। ମଣିପୁର ମୁଖ୍ୟମନ୍ତ୍ରୀ
ବୀରେନ ସିଂହ ପୂର୍ବରୁ କହିସାରିଛନ୍ତି ଯେ, ଆକ୍ରମଣକାରୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ। କାହାକୁ ଛଡାଯିବନି।

ଆକ୍ରମଣରେ ସହିଦ ବିପ୍ଲବ ଓ ତାଙ୍କ ପତ୍ନୀ ଏବଂ ପୁଅଙ୍କ ମୃତଦେହ ଆଜି ସନ୍ଧ୍ୟା ସୁଦ୍ଧା ରାୟଗଡ଼ ପହଞ୍ଚିବ। ମୃତଦେହ ବିମାନ ଦ୍ୱାରା ରାୟପୁର ଏୟାରପୋର୍ଟରେ ପହଞ୍ଚିବ। ଏହା ପରେ ମୃତଦେହକୁ ସେନା ହେଲିକପ୍ଟର ଯୋଗେ ରାୟପୁରରୁ ନେଇ ଜିନ୍ଦଲ ଏୟାରଷ୍ଟ୍ରିପରେ ଅବତରଣ କରିବେ। ତାହା ପରେ ରାମଲୀଳା ମୈଦାନରେ ଅନ୍ତିମ ଦର୍ଶନ ପାଇଁ ମୃତଦେହକୁ ରଖାଯିବ।

ଶନିବାର ସକାଳ ପାଖାପାଖି ୧୦ଟା ସମୟରେ ମଣିପୁର ଚୁରାଚନ୍ଦ୍ରପୁର ଜିଲ୍ଲାର ସିଘାଂଟରେ ଆତଙ୍କବାଦୀ ମାନେ ଆକ୍ରମଣ କରିଥିଲେ। ୪୬ ଆସାମ ରାଇଫଲ୍ସର କମାଣ୍ଡିଙ୍ଗ ଅଫିସର କେ ଲ ବିପ୍ଲବ ତ୍ରିପାଠୀଙ୍କୁ ଟାର୍ଗେଟ କରି ଏହି ଆକ୍ରମଣ କରିଥିଲେ। ଏହି ଆକ୍ରମଣ ସେତେବେଳେ ହୋଇଥିଲା ଯେତେବେଳେ ୬ ଆସାମ ରାଇଫଲ୍ସର କମାଣ୍ଡିଙ୍ଗ ଅଫିସର କର୍ଣ୍ଣେଲ ବିପ୍ଲବ ତ୍ରିପାଠୀଙ୍କ ଫରୱାର୍ଡ କ୍ୟାମ୍ପରୁ ଫେରୁଥିଲେ।

Leave A Reply

Your email address will not be published.