ବିଦେଶ ମାଟିରେ ଭାରତୀୟଙ୍କ ରାଜ୍ । ଆନ୍ତର୍ଜାତୀୟ ମୂଦ୍ରା ପାଣ୍ଠି(ଆଇଏମଏଫ)ର ବଡ଼ ଘୋଷଣା । ବିଶିଷ୍ଟ ଅର୍ଥନୀତିଜ୍ଞ ଗୀତା ଗୋପିନାଥ ହେବେ ଆଇଏମଏଫର ପ୍ରଥମ ମ୍ୟାନେଜିଂ ଡାଇରେକ୍ଟର । ଆସନ୍ତା ଜାନୁଆରୀ ୨୧ ତାରିଖରୁ ସେ ଏହି ପଦର ଦାୟିତ୍ୱ ସମ୍ଭାଳିବେ । ଆଇଏମଏଫଓ ପକ୍ଷରୁ କୁହାଯାଇଛି ଯେ, ବର୍ତମାନର ଡେପୁଟି ମ୍ୟାନେଜିଂ ଡାଇରେକ୍ଟର ଜିଓଫ୍ରେ ଓକାମୋଟେ ୨୦୨୨ ଆରମ୍ଭରେ ତାଙ୍କ ପଦରୁ ଇସ୍ତଫା ଦେବେ । ଏବଂ ତାଙ୍କ ସ୍ଥାନରେ ଆଇଏମଏଫର ମୁଖ୍ୟ ଅର୍ଥନୀତିଜ୍ଞ ଭାବରେ କାର୍ଯ୍ୟରତ ଥିବା ଗୀତା ଗୋପିନାଥ ନିଯୁକ୍ତ ହେବେ ।
ଗୀତା ଗୋପିନାଥ ୩ ବର୍ଷ ଧରି ଆନ୍ତର୍ଜାତୀୟ ମୂଦ୍ରା ପାଣ୍ଠିରେ ମୁଖ୍ୟ ଅର୍ଥନୀତିଜ୍ଞ ଭାବରେ କାମ କରିଆସୁଛନ୍ତି । ୨୦୨୨ରେ ହାୱାର୍ଡ ବିଶ୍ୱବିଦ୍ୟାଳୟରେ ଗୀତା ଗୋପିନାଥଙ୍କୁ ପୁନଃ ଏକାଡେମିକ କାର୍ଯ୍ୟ କରିବାର ଥିଲା । କିନ୍ତୁ ତା ପୂର୍ବରୁ ତାଙ୍କୁ ଡେପୁଟି ମ୍ୟାନେଜିଂ ଡାଇରେକ୍ଟର ଭାବେ ପଦୋନ୍ନତି ମିଳିଛି । ଆଇଏମଫର ପରିଚାଳନା ନିର୍ଦ୍ଦେଶକ କ୍ରିଷ୍ଣାଲିନା ଜିଓଗ୍ରାଭିଆ କହିଛନ୍ତି ଯେ, ଗୀତା ଗୋପିନାଥ ହେଉଛନ୍ତି ପ୍ରଥମ ମହିଳା ମୁଖ୍ୟ ଅର୍ଥନୀତିଜ୍ଞ । ଗୀତା ଗୋପିନାଥଙ୍କ ପଦୋନ୍ନତି ନେଇ ସେ ଖୁସି ଜାହିର କରିଛନ୍ତି ।
ତେବେ ବିଦେଶ ମାଟିରେ ଭାରତୀୟଙ୍କ କମାଲ ଦେଖିବାକୁ ମିଳିଆସୁଛି । ବିଶ୍ୱର ଅନେକ ବଡ଼ ବଡ଼ କମ୍ପାନୀର ବସ ଏବେ ଭାରତୀୟ । କିଛି ଦିନ ତଳେ ଟୁଇଟର ସିଇଓ ଭାବେ ପରାଗ ଅଗ୍ରୱାଲଙ୍କୁ ମଧ୍ୟ ନିଯୁକ୍ତ କରାଯାଇଛି । । ବଡ଼ ବଡ଼ ପଦବୀରେ ନିଯୁକ୍ତି ହୋଇ ଭାରତୀୟଙ୍କ ଏଭଳି ସଫଳତା ଦେଶର ଗୌରବ ବଢାଇଛି ।