କରୋନା ସଂକ୍ରମଣ ଭିତରେ ୫ଟି ରାଜ୍ୟରେ ହେବାକୁ ଯାଉଛି ବିଧାନସଭା ନିର୍ବାଚନ । ଆଜି ନିର୍ବାଚନ କମିଶନ ସୁଶୀଲ ଚନ୍ଦ୍ର ଗଣମାଧ୍ୟମକୁ ଏନେଇ ସୂଚନା ଦେଇଛନ୍ତି । ୫ଟି ରାଜ୍ୟରେ ନିର୍ବାଚନ ୭ଟି ପର୍ଯ୍ୟାୟରେ ହେବାକୁ ଥିବା ବେଳେ ଫେବୁଆରୀ ୧୦ରେ ଉତ୍ତରପ୍ରଦେଶରେ ଭୋଟ ପଡିବା ସହିତ ଏହା ଆରମ୍ଭ ହେବ । ପଞ୍ଜାବ,ଉତ୍ତରାଖଣ୍ଡ ଓ ଗୋଆରେ କେବଳ ଗୋଟିଏ ପର୍ଯ୍ୟାୟରେ ବିଧାନସଭା ଭୋଟ ହେବ । ସେହିପରି ମଣିପୁରରେ ୨ଟି ପର୍ଯ୍ୟାୟରେ ବିଧାନସଭା ନିର୍ବାଚନ ହେବ ।
ଜାଣନ୍ତୁ, କେଉଁ ତାରିଖରେ କେଉଁ ରାଜ୍ୟରେ ପଡିବ ଭୋଟ?
ଉତ୍ତରପ୍ରଦେଶ
ପ୍ରଥମ ପର୍ଯ୍ୟାୟ-ଫେବୃଆରୀ ୧୦
ଦ୍ୱିତୀୟ ପର୍ଯ୍ୟାୟ-ଫେବୃଆରୀ ୧୪
ତୃତୀୟ ପର୍ଯ୍ୟାୟ-ଫେବୃଆରୀ ୨୦
ଚତୃର୍ଥ ପର୍ଯ୍ୟାୟ-ଫେବୃଆରୀ ୨୩
ପ ମ ପର୍ଯ୍ୟାୟ-ଫେବୃଆରୀ ୨୭
ଷଷ୍ଠ ପର୍ଯ୍ୟାୟ-ମାର୍ଚ୍ଚ ୩
ସପ୍ତମ ପର୍ଯ୍ୟାୟ- ମାର୍ଚ୍ଚ ୭
ଭୋଟ ଗଣତି- ମାର୍ଚ୍ଚ ୧୦
ମଣିପୁର
ପ୍ରଥମ ପର୍ଯ୍ୟାୟ-ଫେବୃଆରୀ ୨୭
ଦ୍ୱିତୀୟ ପର୍ଯ୍ୟାୟ-ମାର୍ଚ୍ଚ ୩
ଭୋଟ ଗଣତି- ମାର୍ଚ୍ଚ ୧୦
ପଞ୍ଜାବ,ଗୋଆ,ଉତ୍ତରାଖଣ୍ଡ
ପ୍ରଥମ ପର୍ଯ୍ୟାୟ-ଫେବୃଆରୀ ୧୪
ଭୋଟ ଗଣତି-ମାର୍ଚ୍ଚ ୧୦
ତେବେ ୫ ରାଜ୍ୟର ନିର୍ବାଚନ ପ୍ରଚାର ଉପରେ ନିର୍ବାଚନ ଆୟୋଗ କଟକଣା ଲଗାଇଛନ୍ତି । ଜାନୁଆରୀ ୧୫ ଯାଏ ପ୍ରାର୍ଥୀ କୌଣସି ରାଲି କିମ୍ବା ରୋଡ ଶୋ କରିପାରିବେ ନାହିଁ । ପ୍ରଚାର ବେଳେ ଶୋଭାଯାତ୍ରା ଓ ପଦଯାତ୍ରା ଉପରେ କଟକଣା ଲଗାଯାଇଛି । ସେହିପରି ରାତି ୮ରୁ ସକାଳ ୮ଟା ଯାଏ ନିର୍ବାଚନ ପ୍ରଚାର କରିପାରିବେନି ପ୍ରାର୍ଥୀ । ତେବେ କରୋନା ସଂକ୍ରମଣ ପାଇଁ ଏଭଳି ନିଷ୍ପତ୍ତି ନେଇଛନ୍ତି ନିର୍ବାଚନ କମିଶନ । ଭର୍ଚୁଆଲ ଓ ଡିଜିଟାଲ ମାଧ୍ୟମରେ ପ୍ରଚାର କରିବାକୁ ପରାମର୍ଶ ଦିଆଯାଇଛି । ଜାନୁଆରୀ ୧୫ ପରେ ସ୍ଥିତି ଦେଖି ଏହା ଉପରେ ବିଚାର କରାଯିବ ।