ଦିଲ୍ଲୀରେ କରୋନା ସଂକ୍ରମଣ ବେକାବୁ ଥିବା ବେଳେ ଏବେ ଅଦିନିଆ ବର୍ଷା ସ୍ଥିତିକୁ ଆହୁରି ବିଗାଡିଦେଇଛି । ସଂକ୍ରମଣ ବଢିଚାଲିଥିବା ଏବେ ବର୍ଷା ଚିନ୍ତା ବଢାଇଛି । ବିଭିନ୍ନ ସ୍ଥାନରେ ପାଣି ଜମିଥିବାରୁ ଲୋକେ ହନ୍ତସନ୍ତ ହେଉଛନ୍ତି । ଦିଲ୍ଲୀ ଓ ଏନସିଆର ସମେତ ଉତ୍ତର ଭାରତର ଅଧିକାଂଶ ସ୍ଥାନରେ ଜାନୁଆରୀ ମାସରେ ମୌସମୀ ବର୍ଷା ଭଳି ବର୍ଷା ହୋଇଛି । ଦିଲ୍ଲୀ ଓ ଏହାର ଆଖପାଖ ଅ ଳରେ ଆଜି ମଧ୍ୟ ବର୍ଷା ଜାରି ରହିଛି ।
ଭାରତୀୟ ପାଣିପାଗବିଭାଗ(ଆଇଏମଡି)ଅନୁସାରେ, ଉତ୍ତରପ୍ରଦେଶ,ପଞ୍ଜାବ,ହରିୟାଣାର କିଛି ଅଞ୍ଚଳରେ ଏଭଳି ପାଗ ରହିବାର ସମ୍ଭାବନା ରହିଛି ।ଆଇଏମଡି ଅନୁଯାୟୀ ଉତ୍ତର ଦିଲ୍ଲୀ,ଦକ୍ଷିଣ-ପୂର୍ବ ଦିଲ୍ଲୀ,ନୂଆଦିଲ୍ଲୀ, ଲୋଦିରୋଡ,ପୂର୍ବ ଦିଲ୍ଲୀ, ଯମୁନାନଗର,କର୍ଣ୍ଣଲ, କୁରୁକ୍ଷେତ୍ର, ପାନୀପଥ,ଗୋହାନା,ସୋନିପଥ ଓ ଏହାର ଆଖପାଖ ଅଞ୍ଚଳରେ ଝିପିଝିପି ବର୍ଷା ଜାରି ରହିବ ।
ଆଇଏଡି ଜାନୁଆରୀ ୧୦ ପର୍ଯ୍ୟନ୍ତ ଉତ୍ତରପ୍ରଦେଶ,ପଞ୍ଜାବ,ହରିୟାଣା, ଚଣ୍ଡିଗଡ଼,ପଶ୍ଚିମ ମଧ୍ୟପ୍ରଦେଶ,ପୂର୍ବ ମଧ୍ୟପ୍ରଦେଶରେ ମଧ୍ୟମ ବର୍ଷା ଓ ବଜ୍ରପାତ ହେବାର ସମ୍ଭାବନା ଥିବା ପୂର୍ବାନୁମାନ କରିଛି । ଶନିବାର ଦିନ ଜାନୁଆରୀରେ ଦିଲ୍ଲୀରେ ଯେତିକି ପରିମାଣର ବର୍ଷା ହୋଇଛି, ତାହା ୨୨ ବର୍ଷର ରେକର୍ଡ ଭାଙ୍ଗିଛି । ପାଣିପାଗ ବିଭାଗ ଅନୁଯାୟୀ,ସଫଦରଜଙ୍ଗ ବୈଧଶାଳରେ ସକାଳ ସାଢେ ୮ପର୍ଯ୍ୟନ୍ତ ୪୧ ମିଲିମିଟର ବର୍ଷା ରେକର୍ଡ କରାଯାଇଥିଲା ।ଯାହା ଜାନୁଆରୀ ମାସରେ ଗତ ୨୨ ବର୍ଷ ମଧ୍ୟରେ ସର୍ବାଧିକ । ତେବେ ବର୍ଷା ଯୋଗୁଁ ରାସ୍ତା ଉପରେ ଓ ବିଭିନ୍ନ ତଳିଆ ଅଞ୍ଚଳରେ ପାଣି ଜମୁଥିବାରୁ ଲୋକେ ହନ୍ତସନ୍ତ ହୋଇଛନ୍ତି ।