‘ଯଦି ଯୁଦ୍ଧ ଶେଷ ନିଷ୍ପତ୍ତି ହୁଏ, ଆମେ ନିଶ୍ଚୟ ବିଜୟୀ ହେବୁ’

0

ଗଲୱାନ ପ୍ରସଙ୍ଗରେ ସେନା ମୁଖ୍ୟ ଏମଏମ ନରବଣେଙ୍କ ବଡ଼ ବୟାନ । ନରବଣେ କହିଛନ୍ତି ,ସୀମାକୁ ନେଇ ଭାରତ ଓ ଚୀନ ମଧ୍ୟରେ ଲାଗିରହିଥିବା ବିବାଦର ଶେଷ ନିଷ୍ପତ୍ତି ଯୁଦ୍ଧ ହୁଏ,ତେବେ ଆମେ ନିଶ୍ଚୟ ବିଜୟୀ ହେବୁ । ସେ କହିଛନ୍ତି ଯେ, ପିପୁଲ ଲିବରେସନ ଆର୍ମିସହ ଗତବର୍ଷା ଜାନୁଆରୀରେ ଆଲୋଚନା ପରେ ପଶ୍ଚିମକ୍ଷେତ୍ରରେ ସକାରାତ୍ମକ ବିକାଶ ହୋଇଛି । ଏହା ସହ ଉଭୟଙ୍କ ମଧ୍ୟରେ ଆଲୋଚନା ପରେ ସାମାନ୍ୟ ବିପଦ କମ ହୋଇଛି ।ଆବଶ୍ୟକ ସୁରକ୍ଷା ଉପାୟ ବି ଅବଲମ୍ବନ କରାଯାଉଛି । ଏହା ସହ ଭାରତ ତରଫରୁ ସେଠାରେ ସେନା ମୁତୟନ କରାଯାଇଛି ।

ନରବଣେ କହିଛନ୍ତି, ବିଭିନ୍ନ ସ୍ଥାନରେ ଆତଙ୍କବାଦୀଙ୍କ ସଂଖ୍ୟା ବୃଦ୍ଧି ପାଇଛି । ଆତଙ୍କବାଦ ବିରୋଧରେ ଭାରତ ଜିରୋ ଟଲେରେନ୍ସ ନୀତି ଆପଣାଇଛି ।ସେ କହିଛନ୍ତି ଯେ, ଲଦାଖର କିଛି ସ୍ଥାନରେ ସମସ୍ୟା ରହୁଛି । ବିପଦକୁ ଦୃଷ୍ଟିରେ ରଖି ସେହି ସବୁ ସ୍ଥାନମାନଙ୍କରେ ସେନା ମୁତୟନ କରାଯାଇଛି । କହିରଖୁ କି, ଚୀନ ଓ ଭାରତ ତରଫରୁ ଆଜି ସକାଳୁ ଚଶୁଲ-ମୋଳଦୋ ଠାରେ କୋର କମାଣ୍ଡ ସ୍ତରୀୟ ଚତୃର୍ଦ୍ଦଶ ବୈଠକ ବସିଥିଲା । ଭାରତ ତରଫରୁ ଫାୟାର ଆଣ୍ଡ କ୍ୟୁରୀ କୋର କମାଣ୍ଡର ଲେଫ୍ଟନା ଜେନେରାଲ ଅନିନ୍ଧ୍ୟା ସେନଗୁପ୍ତ ବୈଠକରେ ଯୋଗ ଦେଇଥିଲେ ।୩ ମାସ ପରେ ଭାରତ ଓ ଚୀନ ପୂର୍ବ ଲଦାଖରେ ୨୦ ମାସ ଧରି ଚାଲିଥିବା ସେନା ଗତିରୋଧ ପ୍ରସଙ୍ଗରେ ସମାଧାନ କରିବାକୁ ଚେଷ୍ଟା କରାଯାଉଛି ।

ଅକ୍ଟୋବର ୧୦ରେ ୧୩ ତମ ରାଉଣ୍ଡ ଆଲୋଚନା ହୋଇଥିଲା । ହେଲେ ଉଭୟର ପକ୍ଷରୁ ଆଲୋଚନା ପରେ ଭାରତୀୟ ସେନା ସହ ଆଲୋଚନାରେ କୌଣସି ଅଗ୍ରଗତି ହୋଇନାହିଁ । ନଭେମ୍ବର ୧୮ରେ ଉଭୟ ଦେଶର କୂଟନୀତିଜ୍ଞ ଆଲୋଚନାରେ ଭାରତ ଓ ଚୀନ ଲଦାଖରେ ଚାଲିଥିବା ବିବାଦ ଉପରେ ୧୪ ତମ ରାଉଣ୍ଡ ଆଲୋଚନା ପାଇଁ ସହମତି ପ୍ରକାଶ ପାଇଥିଲା ।

Leave A Reply

Your email address will not be published.