ୱେଷ୍ଟଇଣ୍ଡିଜ ବିପକ୍ଷ ଦିନିକିଆ ସିରିଜ ଆରମ୍ଭ ହେବା ପୂର୍ବରୁ ଭାରତୀୟ ଦଳକୁ ବଡ଼ ଝଟକା । ଭରତୀୟ କ୍ରିକେଟ ଟିମରେ ପଶିଲା କରୋନା । ଟିମ ଇଣ୍ଡିଆର ୪ କ୍ରିକେଟର କରୋନା ଆକ୍ରାନ୍ତ ହୋଇଛନ୍ତି । ଓପନର ଶିଖର ଧାୱନ, ରିଜର୍ଭ ଓପନର ଋତୁରାଜ ଗାଏକୱାଡ, ମିଡିଲ ଅର୍ଡର ବ୍ୟାଟସମ୍ୟାନ ଶ୍ରେୟସ ଆୟାର,ନବଦୀପ ସଇନି ପଜିଟିଭ ଚିହ୍ନଟ ହୋଇଛନ୍ତି । ଖେଳାଳୀଙ୍କ ସହ ୩ ସପୋର୍ଟିଂ ଷ୍ଟାଫ ମଧ୍ୟ କରୋନା ସଂକ୍ରମିତ ଥିବା ଜଣାପଡିଛି । ଆକ୍ରାନ୍ତ ଚିହ୍ନଟ ହୋଇଥିବା ଖେଳାଳି ଓ ସପୋର୍ଟିଂ ଷ୍ଟାଫ ସମସ୍ତ ୭ ଜଣଙ୍କୁ ଆଇସୋଲେସନରେ ରଖାଯାଇଛି । ପୁଣି କୋଭିଡ ଟେଷ୍ଟ ପରେ ଚୂଡାନ୍ତ ନିଷ୍ପତ୍ତି ନେବେ ବିସିସିଆଇ । ଏମାନେ ଏକ ସପ୍ତାହ ସଙ୍ଗରୋଧରେ ରହିବେ,ତେଣୁ ପ୍ରଥମ ଦିନିକିଆ ମ୍ୟାଚ ଖେଳିବା ସମ୍ଭାବନା ନାହିଁ । ସେମାନଙ୍କ ସ୍ଥାନରେ ଏମ ଶାହାରୁଖ ଖାନ,ଆର ସାଇକିଶୋର, ରିଷି ଧାୱନଙ୍କୁ ସୁଯୋଗ ମିଳିପାରେ ।
ଭାରତୀୟ ଦଳ ଖେଳାଳି ୱେଷ୍ଟଇଣ୍ଡିଜ ବିପକ୍ଷ ଦିନିକିଆ ସିରିଜ ପାଇଁ ଅହମ୍ମଦାବାଦରେ ପହଞ୍ଚିଛନ୍ତି । ଏଠାରେ ୩ ମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳାଯିବ । ଆସନ୍ତା ୬ ତାରିଖରେ ଅହମ୍ମଦାବାଦରେ ଭାରତ-ୱେଷ୍ଟଇଣ୍ଡିଜ ମଧ୍ୟରେ ପ୍ରଥମ ଦିନିକିଆ ଖେଳାଯିବ । ତିନି ମ୍ୟାଚର ଦିନିକିଆ ସିରିଜ ପାଇଁ ଭାରତୀୟ କ୍ରିକେଟ କେଣ୍ଟ୍ରୋଲ ବୋର୍ଡ ୧୮ ଜଣିଆ ଦଳ ଘୋଷଣା କରିଥିଲା । ପରେ ଦଳରେ ଆଉ ଦୁଇ ଜଣ ଖେଳାଳିଙ୍କୁ ରିଜର୍ଭ ଭାବେ ସାମିଲ କରାଯାଇଛି । ତେବେ ଏମିତି ସ୍ଥିତିରେ ବିସିସିଆଇ କଣ ନିଷ୍ପତ୍ତି ନେଉଛି ତାହା ଦେଖିବାକୁ ବାକି ରହିଲା ।