୩୫ ଦିନରେ ପହଞ୍ଚିଛି ଋଷ-ୟୁକ୍ରେନ ମଧ୍ୟରେ ଯୁଦ୍ଧ । ତୁର୍କୀର ଇସ୍ତାନବୁଲରେ ଋଷ-ୟୁକ୍ରେନ ମଧ୍ୟରେ ୩ ଘଣ୍ଟା ଧରି ହୋଇଥିବା ଆଲୋଚନାରେ ଋଷ ଆକ୍ରମଣ କମ କରିବା ନେଇ କହିଛି । ବୈଠକରେ ଉଭୟ ଦେଶର ପ୍ରତିନିଧି ମଣ୍ଡଳ କହିଛନ୍ତି, ଆଲୋଚନା ସକାରାତ୍ମକ ହୋଇଛି । ଦୁଇ ଦେଶ ସହମତିରେ ଅସ୍ତ୍ରବିରତି ପାଇଁ ରାଜି ହୋଇଛନ୍ତି । ବୈଠକ ପରେ ଋଷ ଘୋଷଣା କରିଛି ଯେ, ୟୁକ୍ରେନର ଦୁଇଟି ସହ କିଭ୍ ଓ ଚେର୍ନିଭରୁ ସୈନ୍ୟ ହଟାଇବ । ସେପଟେ ୟୁକ୍ରେନ ଏହି ଆଲୋଚନା ବେଳେ ଋଷ ସମ୍ମୁଖରେ ଅନେକ ପ୍ରସ୍ତାବ ରହିଛି ।
ୟୁକ୍ରେନ କହିଛି , ଯଦି ସୁରକ୍ଷା ପ୍ରତିଶ୍ରୁତି ମିଳେ,ତେବେ ଆମେ ନିରପେକ୍ଷ ରହିବୁ ଓ ସାମରିକ ମିଳିତ ମଞ୍ଚ ରେ ଯୋଗଦେବୁ ନାହିଁ । ୟୁକ୍ରେନ ଏହା ମଧ୍ୟ କହିଛି ଯେ, ଆମେ ନିଜ ମାଟିରେ ବିଦେଶୀ ସେନାର ବେସ୍ ନିର୍ମାଣ ହେବାକୁ ଦେବୁ ନାହିଁ ଏବଂ ପରମାଣୁ ଅସ୍ତ୍ର ମଧ୍ୟ ହାସଲ କରିବୁ ନାହିଁ । ଏହା ସହ ଡୋନବାସ ଓ କ୍ରିମିଆ ଉପରେ ଦାବି କରାଯିବନି କି ୟୁକ୍ରେନକୁ ୟୁରୋପୀୟ ୟୁନିଅନରେ ଯୋଗଦେବାକୁ ଋଷ ବିରୋଧ କରିବ ନାହିଁ ବୋଲି ୟୁକ୍ରେନ କହିଛି । ୟୁକ୍ରେନ ରାଷ୍ଟ୍ରପତି ଜେଲେନସ୍କି କହିଛନ୍ତି,ଆଲୋଚନାରୁ ସକାରାତ୍ମକ ଦିଗ ମିଳିଛି । କିନ୍ତୁ ଅନ୍ତର୍ଜାତୀୟ ଗଣମାଧ୍ୟମର ଖବର ଅନୁସାରେ ଆଗକୁ ପୁଟିନଙ୍କୁ ଭେଟିପାରନ୍ତି ଜେଲେନସ୍କି ।