ପ୍ରମୁଖ ଖବର

ଦୁଇ ବର୍ଷ ପରେ ବଡଦାଣ୍ଡରେ ଭକ୍ତ ଓ ଭଗବାନଙ୍କ ମିଳନ ହେଉଥିବାରୁ ପ୍ରବଳ ଗହଳି
ପବିତ୍ର ରଥଯାତ୍ରା ଅବସରରେ ଓଡ଼ିଶାବାସୀଙ୍କୁ ଶୁଭେଚ୍ଛା ଜଣାଇଲେ ରାଜ୍ୟପାଳ ଓ ମୁଖ୍ୟମନ୍ତ୍ରୀ
୨୪ ଘଣ୍ଟାରେ ଦେଶରେ ୧୭,୦୭୦ ଜଣ କୋଭିଡ୍-୧୯ ଆକ୍ରାନ୍ତ; ୨୩ଜଣ ମୃତ
ଆଜି ୨୦୦ ଟପିଲା ନୂଆ ସଂକ୍ରମିତଙ୍କ ସଂଖ୍ୟା: ଗତ ୨୪ ଘଣ୍ଟା ମଧ୍ୟରେ ୨୦୪ କରୋନା ପଜିଟିଭ, ୧୮ ଜଣ ୧୮ ବର୍ଷରୁ କମ୍ ବୟସର
ଭୁବନେଶ୍ବରକୁ ଫେରିଲା କରୋନା କଟକଣା; ବଢ଼ିଲା ଶଯ୍ୟା ସଂଖ୍ୟା, ବଢ଼ିବ ନମୁନା ପରୀକ୍ଷା
କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତ ବିଏମ୍‌ସି, ପୁଣି ମାସ୍କ ବାଧ୍ୟତାମୂଳକ
ଦୁର୍ଘଟଣାରେ ବରିଷ୍ଠ ଫଟୋ ସାମ୍ବାଦିକ ଅଶୋକ ପଣ୍ଡାଙ୍କ ମୃତ୍ୟୁ
କମିଲା ଏଲ୍‌ପିଜି ସିଲିଣ୍ଡର ଦର
ମୁଣ୍ଡଳୀ ନିକଟରେ ମହାନଦୀକୁ ଡେଇଁଲେ ଯୁବତୀ। ଗୁରୁତର ଅବସ୍ଥାରେ ଉଦ୍ଧାର କଲେ ମତ୍ସ୍ୟଜୀବୀ
ସାରା ଦେଶରେ ଆଜିଠୁ ସିଙ୍ଗଲ ୟୁଜ ପ୍ଲାଷ୍ଟିକ ବ୍ୟାନ , ତିଆରି କିମ୍ବା ବିକ୍ରି କଲେ ୭ ବର୍ଷ ଜେଲ ଦଣ୍ଡ, ଲକ୍ଷେ ଟଙ୍କାର ଜରିମାନା

ବିଲଡରଙ୍କ ଉପରେ ‘ରେରା’ ଛାଟ

0

ଭୁବନେଶ୍ବର ସାଗର କମ୍ପ୍ଲେକ୍ସ ଉପରେ ଦଶ ଲକ୍ଷ ଜରିମାନା

ଭୁବନେଶ୍ବର: ଆପଣ ଘର କିଣୁଛନ୍ତି କି? କିଣୁଥିବା ବିଲଡର ରେରାରେ ପଞ୍ଜିକୃତ ଅଛନ୍ତି ନା ନାହାନ୍ତି? ଏକଥା ପ୍ରଥମେ ଦେଖନ୍ତୁ। ଅନ୍ୟଥା ଆପଣ ଠକାମିର ଶିକାର ହୋଇପାରନ୍ତି। ଏମିତି ସଚେତନତା ସହିତ ରେରା ଏବେ ବିଲଡରଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ଆରମ୍ଭ କରିଦେଇଛି। ବିନା ପଞ୍ଜୀକରଣରେ ଯେଉଁ ସବୁ ବିଲଡର ଘର ନିର୍ମାଣ କରି କିଣାବିକା କରୁଛନ୍ତି, ସେମାନଙ୍କୁ ଦଣ୍ଡିତ କରୁଛି ସଂସ୍ଥା। ଏହି କ୍ରମରେ ଗତ ୨୬ ତାରିଖ ଦିନ ଭୁବନେଶ୍ବର ସାଗର କଂପ୍ଲେକ୍ସକୁ ୧୦ଲକ୍ଷ ଟଙ୍କା ଜରିମାନା କରାଯାଇଥିବା ଜଣାପଡିଛି।

ଭୁବନେଶ୍ବର ବିଜୟ ବିହାର ଠାରେ ଆଶାପୁରା ହୋମ ନାମରେ ନିର୍ମାଣକାରୀ ସଂସ୍ଥା ବିଜୟ କଂପ୍ଲେକ୍ସ ଦ୍ବାରା ଏକ ପ୍ରକଳ୍ପ ଚାଲିଛି। ଏ ସଂପର୍କରେ ରେରାରେ ଅଭିଯୋଗ ପରେ ସଂପୃକ୍ତ କର୍ତ୍ତୃପକ୍ଷ ତଦନ୍ତ ଆରମ୍ଭ କରିଥିଲେ। ଜଣାପଡିଥିଲା ୟେ ବିନା ପଞ୍ଜୀକରଣରେ କେତେକଙ୍କୁ ଗୃହ ବିକ୍ରି ହୋଇଛି। ଏ ସଂପର୍କରେ ରେରା ସଂପୃକ୍ତ ସଂସ୍ଥାକୁ କାରଣ ଦର୍ଶାଅ ନୋଟିସ ବି ଜାରି କରିଥିଲା। ଏହି ସଂସ୍ଥା ନୋଟିସର ଉତ୍ତର ଦେବା ସହିତ କ୍ଷମା ମାଗିଥିଲା। ତା ପରେ ବି କର୍ତ୍ତୃପକ୍ଷ କିନ୍ତୁ ସାଧାରଣ ଲୋକଙ୍କ ସ୍ବାର୍ଥରୁ ଗୁରୁତ୍ବ ଦେଇ ଏହି ସଂସ୍ଥାକୁ ଜରିମାନା କରିଚନ୍ତି। ଦଶଲକ୍ଷ ଟଙ୍କାର ଜରିମାନା ଏହି ସଂସ୍ଥା ଉପରେ ଧାର୍ଯ୍ୟ କରାଯାଇଥିବା ଜଣାପଡିଛି।

ରେରା ପକ୍ଷରୁ କୁହାଯାଇଛି ଯେ ଗ୍ରାହକମାନେ ବିଲଡରମାନେ ଦେଖାଉଥିବା ଲୋଭର ବଶବର୍ତ୍ତୀ ହୁଅନ୍ତୁ ନାହିଁ। ସେମାନେ କେବଳ ପଞ୍ଜୀକୃତ ସଂସ୍ଥା ସହିତ ଯୋଗାଯୋଗ କରନ୍ତୁ। ଅନ୍ୟଥା ଭବିଷ୍ୟତରେ ସେମାନେ ବିପଦ ସାମ୍ନା କରିପାରନ୍ତି ବୋଲି କର୍ତ୍ତୃପକ୍ଷ ଜଣାଇଛନ୍ତି।

Leave A Reply

Your email address will not be published.