ପ୍ରମୁଖ ଖବର

ଦୁଇ ବର୍ଷ ପରେ ବଡଦାଣ୍ଡରେ ଭକ୍ତ ଓ ଭଗବାନଙ୍କ ମିଳନ ହେଉଥିବାରୁ ପ୍ରବଳ ଗହଳି
ପବିତ୍ର ରଥଯାତ୍ରା ଅବସରରେ ଓଡ଼ିଶାବାସୀଙ୍କୁ ଶୁଭେଚ୍ଛା ଜଣାଇଲେ ରାଜ୍ୟପାଳ ଓ ମୁଖ୍ୟମନ୍ତ୍ରୀ
୨୪ ଘଣ୍ଟାରେ ଦେଶରେ ୧୭,୦୭୦ ଜଣ କୋଭିଡ୍-୧୯ ଆକ୍ରାନ୍ତ; ୨୩ଜଣ ମୃତ
ଆଜି ୨୦୦ ଟପିଲା ନୂଆ ସଂକ୍ରମିତଙ୍କ ସଂଖ୍ୟା: ଗତ ୨୪ ଘଣ୍ଟା ମଧ୍ୟରେ ୨୦୪ କରୋନା ପଜିଟିଭ, ୧୮ ଜଣ ୧୮ ବର୍ଷରୁ କମ୍ ବୟସର
ଭୁବନେଶ୍ବରକୁ ଫେରିଲା କରୋନା କଟକଣା; ବଢ଼ିଲା ଶଯ୍ୟା ସଂଖ୍ୟା, ବଢ଼ିବ ନମୁନା ପରୀକ୍ଷା
କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତ ବିଏମ୍‌ସି, ପୁଣି ମାସ୍କ ବାଧ୍ୟତାମୂଳକ
ଦୁର୍ଘଟଣାରେ ବରିଷ୍ଠ ଫଟୋ ସାମ୍ବାଦିକ ଅଶୋକ ପଣ୍ଡାଙ୍କ ମୃତ୍ୟୁ
କମିଲା ଏଲ୍‌ପିଜି ସିଲିଣ୍ଡର ଦର
ମୁଣ୍ଡଳୀ ନିକଟରେ ମହାନଦୀକୁ ଡେଇଁଲେ ଯୁବତୀ। ଗୁରୁତର ଅବସ୍ଥାରେ ଉଦ୍ଧାର କଲେ ମତ୍ସ୍ୟଜୀବୀ
ସାରା ଦେଶରେ ଆଜିଠୁ ସିଙ୍ଗଲ ୟୁଜ ପ୍ଲାଷ୍ଟିକ ବ୍ୟାନ , ତିଆରି କିମ୍ବା ବିକ୍ରି କଲେ ୭ ବର୍ଷ ଜେଲ ଦଣ୍ଡ, ଲକ୍ଷେ ଟଙ୍କାର ଜରିମାନା

୫୦ଲକ୍ଷ କୋଟି ଗିଳିଦେଲା କରୋନା

0

ମୁଣ୍ଡ ଗୋଳମାଳ କରିଦେଲାଣି ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ରିପୋର୍ଟ

ତିନିବର୍ଷର କରୋନା କ୍ଷତିକୁ ବିଚାରକୁ ନେଇ ରିପୋର୍ଟ ପ୍ରସ୍ତୁତ କରାଯାଇଛି

୧୦ବର୍ଷ ପଛକୁ ଚାଲିଗଲା ଦେଶ, ମୁକୁଳିବ କେମିତି ସେ ଚନ୍ତା ଘାରିଛି

ଚତୁର୍ଥ ଲହର ଆରମ୍ଭ ହୋଇଥିବା ପରିପ୍ରେକ୍ଷୀରେ କ୍ଷତି ପରିମାଣ ବଢ଼ିପାରେ

ମୁମ୍ବାଇ: କୋଭିଡ୍-୧୯ର ଅତି ଭୟାନକ ଦିଗ ଏବେ ଧୀରେ ଧୀରେ ସାମ୍ନାକୁ ଆସୁଛି। ତିନିବର୍ଷରେ ପାଖାପାଖି ୫୦ଲକ୍ଷ କୋଟି ଟଙ୍କା ବରବାଦ ହୋଇଯାଇଥିବା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ତାର ଏକ ରିପୋର୍ଟରେ ଜଣାଇଛି। ୨୦୨୦-୨୧ରେ ୧୯.୧ ଲକ୍ଷ କୋଟି ଟଙ୍କା ନଷ୍ଟଭ୍ରଷ୍ଟ ହୋଇଯାଇଥିବା ରିପୋର୍ଟ କହିଛି। ସେହିଭଳି ୨୦୨୧-୨୨ରେ ୧୭.୧ ଲକ୍ଷ କୋଟି ଏବଂ ୨୦୨୨-୨୩ରେ ୧୬.୪ ଲକ୍ଷ କୋଟି ଟଙ୍କା ଦେଶ ହରାଇଥିବା ଏହି ରିପୋର୍ଟ ଆକଳନ କରିଛି। ଏତିକି ଅର୍ଥ ଭରଣା କରିବା ଲାଗି ପାଖାପାଖି ୧୦ବର୍ଷ ସମୟ ଲାଗିବ ବୋଲି ଏଥିରେ କୁହାଯାଇଛି। ରିଜର୍ଭ ବ୍ୟାଙ୍କର ଗବେଷଣା ଟିମ୍ ଏହାକୁ ପ୍ରସ୍ତୁତ କରିଛି। ଏଥିସହିତ ଏହି ରିପୋର୍ଟ ଏବେ ଅର୍ଥନୀତିଜ୍ଞମାନଙ୍କ ମୁଣ୍ଡକୁ ଗୋଳମାଳ କରିଦେଲେଣି। ଏତେ ପରିମାଣ ଅର୍ଥ କେମିତି ଓ କିଭଳି ଭରଣା ହେବ ତାହାକୁ ନେଇ ସମସ୍ତେ ଅଡୁଆରେ ପଡିଛନ୍ତି। ଦେଶକୁ କରୋନା କେତେ ପଛକୁ ଟାଣିନେଲା, ଇଏ ତାର ଏକ ନମୁନା ବୋଲି କୁହାଯାଇଛି।

କୋଭିଡ୍ ମହାମାରୀ ଦେଶରେ ୫ଲକ୍ଷରୁ ଅଧିକ ଲୋକଙ୍କ ଜୀବନ ନେଇଛି। ଏହି ତଥ୍ୟ ସରକାରୀ। କିନ୍ତୁ ବେସରକାରୀ ଭାବେ ଏହି ସଂଖ୍ୟା କେତେ ଗୁଣ ଅଧିକ ହେବ; ତାହା ଆକଳନ କରିବା ମୁସ୍କିଲ୍। କ୍ଷତି କେବଳ ଏତିକିରେ ସୀମିତ ନାହିଁ, ପିଲାମାନଙ୍କ ଶିକ୍ଷା ବ୍ୟବସ୍ଥାକୁ ଏହା ବରବାଦ କରିଦେଇଛି ଓ ଅନେକ ଲୋକଙ୍କୁ ଦୁର୍ଦିନ ଭିତରକୁ ନେଇ ଛିଡା କରିଛି। ଏହା ବ୍ୟତୀତ ସାଧାରଣ ଗରିବ, ଖଟିଖିଆ ମଣିଷର ଆର୍ଥିକ ସ୍ଥିତିକୁ କୋଭିଡ୍ ପ୍ରଚଣ୍ଡ ପ୍ରହାର ଦେଇଥିଲା।

ହଜାର ହଜାର ଶ୍ରମିକ ରାଜରାସ୍ତାକୁ ଚାଲିଆସିବା ସହିତ ଦିନ ଦିନ ଧରି ଚାଲିଥିବା ଦୃଶ୍ୟ ଦେଖିଥିଲା ଭାରତ। ଏବେ ରିଜର୍ଭ ବ୍ୟାଙ୍କର ଏହି ରିପୋର୍ଟ ଆସିବା ପରେ ଏହାର ଭୀଷଣତା ସାମ୍ନାକୁ ଆସିଛି।ଏହି ରିପୋର୍ଟ ଆକଳନ କରି କହୁଛି ଯେ ଜିଡିପି ୬.୫ ପ୍ରତିଶତରୁ ୮.୫ ପ୍ରତିଶତ ଭିତରେ ରହିବ।

ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ ଯଦିଓ ଆଶ୍ବାସନା ଦେଇଛନ୍ତି ଯେ ଖୁବ୍ ଶୀଘ୍ର ଆମେ ଏଭଳି ଏକ ପରିସ୍ଥିତିରୁ ମୁକୁଳିବା ବା ପ୍ରତ୍ୟାବର୍ତ୍ତନ କରିବା। ତଥାପି ଲାଗିଥିବା ଏହି ଚୋଟର କ୍ଷତ କିନ୍ତୁ ଢେର୍ ଗଭୀର ହୋଇଥିବାରୁ ଦେଶ ପଛକୁ ଚାଲିଯାଇଥିବା ଅର୍ଥନୀତିଜ୍ଞମାନଙ୍କୁ ବିଚଳିତ କରୁଛି। ପୁଣି ଯେହେତୁ ଚତୁର୍ଥ ଲହର ଆରମ୍ଭ ହୋଇଗଲାଣି, ଏହି କ୍ଷତିର ପରିମାଣ ଆହୁରି ବଢିପାରେ।

Leave A Reply

Your email address will not be published.