ପ୍ରମୁଖ ଖବର

ଭୀଷଣ ରୂପ ନେଲା ଲଘୁଚାପ: ୧୩ ଯାଏ ବର୍ଷିବ, ୧୧ରୁ କମିବ ପ୍ରକୋପ
ଭୁବନେଶ୍ବର ଇଡି ଅଧିକାରୀଙ୍କୁ ଜେରା କରିବ କୋଲକାତା ପୁଲିସ
ରାଜ୍ୟରେ ୨୪ ଘଣ୍ଟାରେ ୬୫୩ କରୋନା ସଂକ୍ରମିତ ଚିହ୍ନଟ, ସୁନ୍ଦରଗଡ଼ରୁ ସର୍ବାଧିକ ୧୭୩ ଜଣ
୧୮ ବର୍ଷରୁ କମ୍ ବର୍ଗରେ ଅଛନ୍ତି ୧୨୮ ଜଣ
ସ୍ୱାଧୀନତା ଦିବସ ସମାରୋହ ରେ ସ୍କୁଲରେ ଭାଗ ନେବେ ଛାତ୍ରଛାତ୍ରୀ; ଗଣଶିକ୍ଷା ମନ୍ତ୍ରୀଙ୍କ ସୂଚନା
ଭୁବନେଶ୍ୱରର ଟ୍ରାଫିକ ସମସ୍ୟା ସମାଧାନ ପାଇଁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ, ସ୍ଥିତି ଅନୁଧ୍ୟାନ କଲେ ୫ଟି ସଚିବ
ଓଡ଼ିଆ ଚଳଚ୍ଚିତ୍ର ସଂଳାପ ଲେଖକ ରଣଜିତ୍ ପଟ୍ଟନାୟକଙ୍କର ହୃଦ୍‌ଘାତରେ ପରଲୋକ

ଖାଇବା ତେଲ ଦର କମିବ; କେତେ ଜାଣନ୍ତୁ

0

ନୂଆଦିଲ୍ଲୀ: ବିଶ୍ବ ବଜାରରେ ଦର ହ୍ରାସ ପରେ କେନ୍ଦ୍ର ସରକାର ବୁଧବାର ଖାଇବା ତେଲ ଉତ୍ପାଦନକାରୀଙ୍କୁ ଦର ହ୍ରାସ ପାଇଁ ନିର୍ଦେଶ ଦେଇଛନ୍ତି। ସପ୍ତାହକ ମଧ୍ୟରେ ତେଲର ସର୍ବାଧିକ ଖୁଚୁରା ମୂଲ୍ୟ ବା ଏମ୍‌ଆର୍‌ପି ଉପରେ ଲିଟର ପିଛା ୧୦ ଟଙ୍କା ପର୍ଯ୍ୟନ୍ତ ହ୍ରାସ କରିବା ଲାଗି କୁହାଯାଇଛି। ଭାରତରେ ଯେତିକି ଖାଇବା ତେଲ ଆବଶ୍ୟକତା ହୋଇଥାଏ, ତାର ୬୦ ପ୍ରତିଶତରୁ ଅଧିକ ଆମଦାନୀ କରିବାକୁ ପଡ଼ିଥାଏ। ହେଲେ ଗତ କିଛି ମାସ ଧରି ବିଶ୍ବ ବଜାର ଚାପରେ ଖାଇବା ତୈଳ ଦର ଅହେତୁକ ବୃଦ୍ଧି ପାଇଥିଲା।

କେନ୍ଦ୍ର ସରକାରଙ୍କ ଖାଦ୍ୟ ସଚିବ ସୁଦର୍ଶନ ପାଣ୍ଢେ ସମସ୍ତ ଖାଇବା ତୈଳ ସଂଗଠନ ଏବଂ ପ୍ରମୁଖ ଉତ୍ପାଦକଙ୍କର ଏକ ବୈଠକ ଡାକିବା ସହିତ ସେମାନଙ୍କୁ ତୈଳ ଦର ହ୍ରାସ ପାଇଁ ଚାପ ସୃଷ୍ଟି କରିଛନ୍ତି। ଶ୍ରୀ ପାଣ୍ଡେ ଗଣମାଧ୍ୟମକୁ କହିଛନ୍ତି ଯେ ଗତ ସପ୍ତାହରେ ଖାଇବା ତୈଳର ମୂଲ୍ୟ ବିଶ୍ବ ବଜାରରେ ୧୦ ପ୍ରତିଶତ ଯାଏ ହ୍ରାସ ପାଇଛି। ଏଣୁ ଗ୍ରାହକମାନେ ଏହାଦ୍ବାରା ଲାଭବାନ୍ ହେବା ଉଚିତ୍।

ବିଶେଷକରି ଖଜୁରୀ ତେଲ, ସୋୟାବିନ୍ ଏବଂ ସୂର୍ଯ୍ୟମୁଖୀ ତେଲ ଭଳି ଆମଦାନୀ ହେଉଥିବା ଖାଇବା ତେଲରେ ଆସନ୍ତା ସପ୍ତାହରେ ଲିଟର ପିଛା ୧୦ ଟଙ୍କା ପର୍ଯ୍ୟନ୍ତ ହ୍ରାସ କରିବାକୁ ପ୍ରମୁଖ କଂପାନିମାନେ ପ୍ରତିଶ୍ରୁତି ଦେଇଥିବା ସେ କହିଛନ୍ତି। ଫଳରେ ଇନ୍ଧନ ତେଲର ଦର ହ୍ରାସ ପାଇବା ସମ୍ଭାବନା ଉଜ୍ଜଳ ହୋଇଛି।
ଏହାବ୍ୟତୀତ କେନ୍ଦ୍ର ସରକାର ସମାନ ବ୍ରାଣ୍ଡର ତୈଳ ବିଭିନ୍ନ ଜୋନ୍‌ରେ ଭିନ୍ନ ଭିନ୍ନ ଦରରେ ବିକ୍ରି ହେଉଥିବା କାରଣରୁ ଉଦ୍‌ବେଗ ପ୍ରକାଶ କରିଛନ୍ତି। ଯେହେତୁ ପରିବହନ ସହିତ ଅନ୍ୟାନ୍ୟ ଖର୍ଚ୍ଚ ଏମ୍‌ଆର୍‌ପିରେ ସାମିଲ ହୋଇସାରିଛି, ଏଣୁ ସବୁଠାରେ ତୈଳଦର ଗୋଟିଏ ପ୍ରକାର ହେବା ଉଚିତ୍ ବୋଲି କେନ୍ଦ୍ର କଂପାନିମାନଙ୍କୁ ପରାମର୍ଶ ଦେଇଛି। ରନ୍ଧନ ତୈଳ ଉପରେ ଗ୍ରାହକଙ୍କ ଅସନ୍ତୋଷ ଅଧିକ ରହୁଛି ବୋଲି କେନ୍ଦ୍ର ସରକାର ଏହି ଅବସରରେ ତୈଳ କଂପାନିମାନଙ୍କୁ ଜଣାଇ ଦେଇଛନ୍ତି।

Leave A Reply

Your email address will not be published.