ନୂଆଦିଲ୍ଲୀ; ଘୋଷଣା ହେଲା ଅର୍ଥନୀତିରେ ନୋବେଲ ପୁରସ୍କାର । ଚଳିତ ବର୍ଷ ଲାଗି ୩ ଜଣଙ୍କୁ ମିଳିବ ନୋବେଲ ପୁରସ୍କାର । ବେନ ବର୍ନାନକେ, ଡଗଲସ ଡାଏମଣ୍ଡ, ଫିଲିପ ଡାଇବଭିଗ , ଏହି ୩ ଜଣଙ୍କୁ ବ୍ୟାଙ୍କ ଓ ଆର୍ଥିକ ସଂକଟ ବିଷୟରେ ଗବେଷଣା ପାଇଁ ସମ୍ମାନଜନକ ପୁରସ୍କାର ମିଳିବ । ତେବେ ଏହି ତିନି ଅର୍ଥନୀତିଜ୍ଞ ଆମେରିକାର ହୋଇଥିବା ଜଣାପଡିଛି ।
ଚୟନ କମିଟି କହିଛି ଯେ, ବୁଡି ଯାଉଥିବା ଅର୍ଥନୀତିର ଉତ୍ଥାନ ପାଇଁ ଏହି ତିନିଜଣ ବିଜେତାଙ୍କ ଗବେଷଣା ସାରା ବିଶ୍ୱକୁ ଏକ ନୂଆ ବାଟ ଦେଖାଇଛି । ବିଶେଷ କରି ଆର୍ଥିକ ସଙ୍କଟ ସମୟରେ ବ୍ୟାଙ୍କ ଗୁଡ଼ିକର ଭୂମିକା ଉପରେ ଏମାନେ ବାହାର କରିଥିବା ଉପାୟ ବେଶ ଉପାଦେୟ । ଯାହା ଦେବାଳିଆ ହୋଇ ଯାଉଥିବା ବ୍ୟାଙ୍କ ଗୁଡ଼ିକୁ ବଞ୍ଚାଇପାରିବ । ସେମାନଙ୍କ ଅନୁସନ୍ଧାନରେ ବ୍ୟାଙ୍କ ଭୁଶୁଡ଼ିବା ଠାରୁ ଦୂରେଇ ରହିବା ଅତ୍ୟନ୍ତ ଉପାୟ ରହିଛି। ଆମ ପାଖରେ ଥିବା ବ୍ୟାଙ୍କ ଗୁଡ଼ିକର ସୁପରିଚାଳନା ପାଇଁ ଏହି ଗବେଷଣା ହିଁ ମାର୍ଗ ଦେଖାଇବ ବୋଲି କୁହାଯାଇଛି ।
ଏହା ପୂର୍ବରୁ ମେଡିସିନ, କେମେଷ୍ଟ୍ରି, ଫିଜିକ୍ସ, ସାହିତ୍ୟ ଓ ଶାନ୍ତି ପୁରସ୍କାର ପାଇଁ ନାଁ ଘୋଷଣା ସରିଛି । ଗତ ୩ ତାରିଖରୁ ଏହି ପୁରସ୍କାର ତାଲିକା ଘୋଷଣା କରି ଆସୁଛି ନୋବେଲ ଫାଉଣ୍ଡେସନ । ଆଜି ଥିଲା ଘୋଷଣାର ଶେଷ ଦିବସ । ବିଶିଷ୍ଟ ବୈଜ୍ଞାନିକ ଆଲଫ୍ରେଡ ନୋବେଲଙ୍କ ସ୍ମତି ଉଦ୍ଦେଶ୍ୟରେ ଅର୍ଥନୀତିରେ ନୋବେଲ ପୁରସ୍କାର ୧୯୦୧ ମସିହାରୁ ଦିଆଯାଇଆସଛି । କିନ୍ତୁ ୧୯୬୯ରୁ ଅର୍ଥନୀତିରେ ନୋବେଲ ପୁରସ୍କାର ଦିଆଯାଉଛି ।