ଭୁବନେଶ୍ବର; ରାଉଲକେଲା ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜାନୁୟାରୀ ୫ ତାରିଖରେ ରାଉଲକେଲା ଗସ୍ତ କରି ବିର୍ସାମୁଣ୍ଡା ଆନ୍ତର୍ଜାତୀୟ ହକି ଷ୍ଟାଡିୟମର ଉଦଘାଟନ କରିବେ । ଏଥିସହିତ ରାଉଲକେଲରୁ ମୋ ବସ ସେବା ଏବଂ ରାଉଲକେଲା ତଥା ସୁନ୍ଦରଗଡ ଜିଲ୍ଲାର ବିଭିନ୍ନ ଉନ୍ନତିମୂଳକ କାର୍ଯ୍ୟର ଉଦଘାଟନ କରିବେ ମୁଖ୍ୟମନ୍ତ୍ରୀ ।
ସେହିପରି ଜାନୁୟାରୀ ୭ରୁ ରାଉଲକେଲାରୁ କମର୍ସିଆଲ୍ ବିମାନ ଚଳାଚଳ ଆରମ୍ଭ କରିବ । ହକି ବିଶ୍ୱକପ୍ ପାଇଁ ଜାନୁୟାରୀ ୧୨ ତାରିଖରେ ରାଉଲକେଲାରେ ଟ୍ରଫି ପହଞ୍ଚିବ ଏବଂ ୧୩ ତାରିଖରେ ଆରମ୍ଭ ହେବ ହକି ମହାକୁମ୍ଭ । ଅନ୍ୟପଟେ ଜାନୁଆରୀ ୧୪ରୁ ସେକ୍ଟର ୧୩ ମେଳନ ପଡିଆରେ ରାଉଲକେଲା ସିଟି ଫେଷ୍ଟ ଆରମ୍ଭ ହେବ । ଏଥିରେ ବିଭିନ୍ନ ମାର୍କେଟ ସହିତ ଖାଦ୍ୟ, ସେଲିବ୍ରିଟି ନାଇଟ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି ।