ଭୁବନେଶ୍ବର; ଆଜି ରାତି ରୁ ଆସନ୍ତା ୪-୫ ଦିନ ଯାଏଁ ପ୍ରବଳ ଶୀତ ଅନୁଭୂତ ହେବ। ଆସନ୍ତା ୨୪ ଘଣ୍ଟା ମଧ୍ୟରେ ଅଧିକାଂଶ ଅଞ୍ଚଳ ରେ ରାତି ତାପମାତ୍ରା ୩-୫°ସି ଯାଏଁ ଖସିବ। ବର୍ତ୍ତମାନ ରାଜ୍ୟ କୁ ଉତ୍ତର ପଶ୍ଚିମ ଦିଗରୁ ଥଣ୍ଡା ଓ ଶୁଷ୍କ ପବନ ପ୍ରବାହିତ ହେଉଛି ତେଣୁ ଥଣ୍ଡା ର ପ୍ରକୋପ ବୃଦ୍ଧି ପାଉଛି । ଗତ ୨୪ ଘଣ୍ଟା ରେ ଭୁବନେଶ୍ୱର ଓ କଟକ ରେ ରାତି ତାପମାତ୍ରା ଯଥାକ୍ରମେ ୧୪.୯°ସି ଓ ୧୪.୪°ସି ଥିବା ବେଳେ ଆସନ୍ତା ୨୪ ଘଣ୍ଟା ମଧ୍ୟରେ ୧୨.୦°ସି ପାଖାପାଖି ରହିବା ସମ୍ଭାବନା ରହିଛି ।
ସେହିପରି ଆଭ୍ୟନ୍ତର ଓଡ଼ିଶା, ପଶ୍ଚିମ ଓଡ଼ିଶା ର କିଛି ଅଞ୍ଚଳ ରେ ରାତି ତାପମାତ୍ରା ୧୦°ସି ତଳେ ରହିବାର ସମ୍ଭାବନା ରହିଛି। ପାହାଡିଆ ଅଞ୍ଚଳ ରେ ତୁଷାରପାତ ହୋଇପାରେ। ଆସନ୍ତା ୧୦ ଜାନୁଆରୀ ଯାଏଁ ପ୍ରବଳ ଶୀତ ଅନୁଭୂତ ହେବ। ପ୍ରବଳ ଶୀତ ପ୍ରବାହିତ ହେବାର ସମ୍ଭାବନା ଥିବା ହେତୁ ଶୀତ ବସ୍ତ୍ର ସହ ପ୍ରସ୍ତୁତ ରୁହନ୍ତୁ।
ପୂର୍ବାନୁମାନ- ସାର୍ଥକ ମିଶ୍ର