କଟକ; କନଷ୍ଟେବଳ ନିଯୁକ୍ତି ପାଇଁ ବୟସ ସୀମାକୁ ୪ବର୍ଷ କୋହଳ କରିବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ମହାମାରୀ କୋଭିଡ୍ ଯୋଗୁଁ ୨୦୨୮ରୁ ୨୦୨୨ ମଧ୍ୟରେ କନଷ୍ଟେବଳ ନିଯୁକ୍ତି ପାଇଁ ପରୀକ୍ଷା ହୋଇପାରିନଥିବାରୁ ବୟସ ସୀମାକୁ ବୃଦ୍ଧି କରିବାକୁ ନିଷ୍ପତି ନେଇଛନ୍ତି ହାଇକୋର୍ଟ । ବୟସ ସୀମାକୁ କୋହଳ କରିବା ପାଇଁ ଆଶୟୀମାନେ ହାଇକୋର୍ଟର ଦ୍ୱାରସ୍ଥ କରିଥିଲେ । ଏଥିପାଇଁ ପୁଣି ଥରେ ବିଜ୍ଞାପନ ପ୍ରକାଶ କରିବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ ।
ସେହିପରି ଆବେଦନର ଶେଷ ତାରିଖ ଜାନୁୟାରୀ ୨୧ ତାରିଖ ଥିବାବେଳେ ତାହାକୁ ଫେବୃୟାରୀ ୧୦ ପର୍ଯ୍ୟନ୍ତ ବୃଦ୍ଧି କରାଯାଇଛି । ଫେବୃୟାରୀ ୨୦ ତାରିଖରେ କନଷ୍ଟେବଳ ନିଯୁକ୍ତି ପାଇଁ ପରୀକ୍ଷା ହେବ । ୪ ହଜାର ୭୯୦ କନଷ୍ଟେବଳ ପଦବୀ ନିଯୁକ୍ତି ପାଇଁ ୨୦୨୨ ଡିସେମ୍ବର ମାସରେ ବିଜ୍ଞାପନ ପ୍ରକାଶ ପାଇଥିଲା ।ଏଥିରେ ପ୍ରାର୍ଥୀ ୧୮ରୁ ୨୩ ବର୍ଷ ମଧ୍ୟରେ ହୋଇଥିବା ନେଇ ଉଲ୍ଲେଖ କରାଯାଇଥିଲା । ଫେବ୍ରୁଆରୀ ୧୦ତାରିଖ ଯାଏଁ ରହିଛି ଆବେଦନ ଅବଧି । ଫେବ୍ରୁଆରୀ ୨୦ରେ ପରୀକ୍ଷା କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି ।