ନୂଆଦିଲ୍ଲୀ: ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ରାଜ୍ୟପାଳ ଶକ୍ତିକାନ୍ତ ଦାସଙ୍କ ନେତୃତ୍ୱାଧୀନ ମୁଦ୍ରା ନୀତି କମିଟି ରେପୋ ହାରକୁ ୨୫ ଆଧାର ପଏଣ୍ଟକୁ ୬.୫ ପ୍ରତିଶତକୁ ବୃଦ୍ଧି କରିଛି। ରେପୋ ରେଟ୍ ହେଉଛି ସେହି ହାର ଯେଉଁଥିରେ କେନ୍ଦ୍ରୀୟ ବ୍ୟାଙ୍କ ସରକାରୀ ସିକ୍ୟୁରିଟି ବିରୁଦ୍ଧରେ ବାଣିଜ୍ୟିକ ବ୍ୟାଙ୍କ କିମ୍ବା ଆର୍ଥିକ ପ୍ରତିଷ୍ଠାନ, ସରକାରୀ କିମ୍ବା ବେସରକାରୀ ସଂସ୍ଥାକୁ ଋଣ ଦେଇଥାଏ। ଶ୍ରୀ ଦାସ କହିଛନ୍ତି ଯେ ଚାରିଜଣ ଏମପିସି ସଦସ୍ୟ ଦୁଇ ସଦସ୍ୟଙ୍କ ତୁଳନାରେ ରେପୋ ରେଟ୍ ରିଭିଜନ୍ ସପକ୍ଷରେ ଭୋଟ୍ ଦେଇଛନ୍ତି। କେନ୍ଦ୍ରୀୟ ବ୍ୟାଙ୍କ କହିଛି ଯେ ଆବାସ ପ୍ରତ୍ୟାହାର ଉପରେ ଏହାର ନୀତିଗତ ଆଭିମୁଖ୍ୟ ରହିଛି।
ସୂଚନାଯୋଗ୍ୟ; ଲଗାତର ୬ ଥର ଲାଗି ରେପୋ ରେଟ୍ ବଢ଼ାଇଛନ୍ତି ରିଜର୍ଭ ବ୍ୟାଙ୍କ । ମୁଦ୍ରାନୀତି ନିର୍ଦ୍ଧାରଣ ପ୍ରକ୍ରିୟାରେ ଆରବିଆଇର ଏହା ଚୂଡ଼ାନ୍ତ ବୃଦ୍ଧି ବୋଲି ଆଶା କରିଛନ୍ତି ବିଶେଷଜ୍ଞ । ଗତବର୍ଷ ମେ ମାସ ପରଠାରୁ ବର୍ତ୍ତମାନ ସୁଦ୍ଧା ଆରବିଆଇ ପକ୍ଷରୁ ରେପୋରେଟ ବୃଦ୍ଧି କରାଗଲାଣି ୨୫୦ ବେସିସ ପଏଣ୍ଟ । ଆରବିଆଇର ୩ ସଦସ୍ୟ ଓ ଅନ୍ୟ ୩ ଜଣ ବାହ୍ୟ ସଦସ୍ୟଙ୍କୁ ନେଇ ଗଠିତ କମିଟି ଏହି ନିର୍ଦ୍ଧାରଣ କରିଛନ୍ତି ।
ଗଭର୍ଣ୍ଣର୍ ଦାସ କହିଛନ୍ତି, ‘ଷ୍ଟାଣ୍ଡିଙ୍ଗ୍ ଡିପୋଜିଟ୍ ଫେସିଲିଟି’ (ଏସ୍ଡିଏଫ୍) ରେଟ୍ ସଂଶୋଧିତ ହୋଇ ୬.୨୫% ହେବା ବେଳେ ‘ମାରିଜିନାଲ୍ ଷ୍ଟାଣ୍ଡିଙ୍ଗ୍ ଫେସିଲିଟି’ (ଏମ୍ଏସ୍ଏଫ୍) ରେଟ୍ ଏବେ ୬.୭୫% ହେବ। ପନିପରିବା ଦର ଖୁବ୍ ହ୍ରାସ ପାଇବାରୁ ୨୦୨୨ ନଭେମ୍ବର ଓ ଡିସେମ୍ବରରେ ‘କଞ୍ଜୁମର୍ ପ୍ରାଇସ୍ ଇନ୍ଫ୍ଲାସନ୍’ (ସିପିଆଇ) ୬%କୁ ଚାଲି ଆସିଲା। କିନ୍ତୁ, ମୁଦ୍ରାସ୍ଫୀତିର ସର୍ବନିମ୍ନ ସ୍ତର ଅପରିବର୍ତ୍ତିତ ଥିବା କଥା ସେ ସ୍ବୀକାର କରିଛନ୍ତି। ଅଭିବୃଦ୍ଧି ସଂକ୍ରାନ୍ତରେ ସୂଚନା ଦେଇ ସେ କହିଛନ୍ତି, ଭାରତରେ ଅର୍ଥନୈତିକ କାର୍ଯ୍ୟଧାରା ବଳିଷ୍ଠ ଥିବାରୁ ୨୦୨୩-୨୪ରେ ବାସ୍ତବ ଅଭିବୃଦ୍ଧି ହାର ୬.୪% ହେବ ବୋଲି ଧାର୍ଯ୍ୟ କରାଯାଇଛି।