ଭୁବନେଶ୍ବର; ଦୁଇ ଦିନ ଆନ୍ଦୋଳନ ପରେ ପ୍ରତ୍ୟାହାର କଲା ଡ୍ରାଇଭର ମହାସଂଘ । ଓଡିଶା ଡ୍ରାଇଭର ମହାସଂଘର ଆନ୍ଦୋଳନ ପ୍ରତ୍ୟାହାର ନେଇ ଫେସବୁକ ପେଜରେ ପୋଷ୍ଟ କରାଯାଇଛି । ଡ୍ରାଇଭର ମହାସଂଘ ସଭାପତି ପ୍ରଶାନ୍ତ ମେଣ୍ଡୁଲି କହିଛନ୍ତି ସମସ୍ତଙ୍କୁ ସମୟ ଦେବା ଦରକାର । ସରକାର କେବେ ଆମ ପାଇଁ କିଛି କରିନଥିଲେ । ତେଣୁ କିଛି କରିବା ପାଇଁ ୩ମାସ ସମୟ ନେଇଛନ୍ତି । ତେଣୁ ଏହି ସମୟକୁ ଆମେ ଗ୍ରହଣ କଲୁ ।
ଯଦି ୯୦ରୁ ୯୧ ଦିନ ହେଲା ଆମେ ପୁଣି ଆନ୍ଦୋଳନ କରିବୁ । ନହେଲେ ନବୀନ ନିବାସ ଆଗରେ ଆମେ ଆତ୍ମାହୂତି ଦେବୁ । ସରକାର ଆମକୁ ହାଲକାରେ ନେଇଥିଲେ ଏଥର ଆମକୁ ଗୁରୁତ୍ୱ ଦେବେ । ଫେସବୁକରେ ଏକ ଭିଡିଓ ପୋଷ୍ଟ କରି ଏପରି କହିଛନ୍ତି ଡ୍ରାଇଭର ମହାସଂଘ ସଭାପତି ପ୍ରଶାନ୍ତ ମେଣ୍ଡୁଲି ।
ତେବେ ସାରା ରାଜ୍ୟବାସୀଙ୍କୁ କ୍ଷମା ମାଗିଛନ୍ତି ଡ୍ରାଇଭର ମହାସଂଘର ସଭାପତି । ଜନସାଧାରଣଙ୍କ ଅସୁବିଧା ଆଉ ସରକାରଙ୍କ ଅନୁରୋଧକୁ ସମ୍ମାନ ଦେଇ ସେ ଆନ୍ଦୋଳନ ପ୍ରତ୍ୟାହାର କରୁଛନ୍ତି ବୋଲି କହିଛନ୍ତି ।