ନବୀନ ଜିନ୍ଦଲ ନେତୃତ୍ଵାଧୀନ ଫ୍ଲାଗ ଫାଉଣ୍ଡେସନ ଅଫ ଇଣ୍ଡିଆ ଦ୍ବାରା ଗୌହାଟି ମିଲିଟାରୀ ଷ୍ଟେସନରେ ମନୁମେଣ୍ଟାଲ ପତାକା ସ୍ଥାପନ
ଗୌହାଟି / ନୂଆଦିଲ୍ଲୀ, ଭାରତୀୟ ଜାତୀୟ ପତାକା ପ୍ରଦର୍ଶନକୁ ପ୍ରୋତ୍ସାହିତ କରିବା ଏବଂ ଭାରତୀୟଙ୍କ ମଧ୍ୟରେ ଦେଶପ୍ରେମର ଭାବନାକୁ ପ୍ରୋତ୍ସାହିତ କରିବା ପାଇଁ ଫ୍ଲାଗ୍ ଫାଉଣ୍ଡେସନ୍ ଅଫ୍ ଇଣ୍ଡିଆ ବିହୁ ଅବସରରେ ଗୌହାଟିର ନାରଙ୍ଗି ମିଲିଟାରୀ ଷ୍ଟେସନରେ ଆଉ ଏକ ସ୍ମାରକୀ ପତାକା ଉତ୍ସର୍ଗ କରିଛି। ଶିଳ୍ପପତି ନବୀନ ଜିନ୍ଦଲଙ୍କ ନେତୃତ୍ୱରେ ଫ୍ଲାଗ୍ ଫାଉଣ୍ଡେସନ୍ ସମଗ୍ର ଦେଶରେ ସ୍ମାରକୀ ପତାକା ସ୍ଥାପନ କରିବାରେ ପ୍ରମୁଖ ଭୂମିକା ଗ୍ରହଣ କରିଛି।
ଏହି ଅବସରରେ ପୂର୍ବାଞ୍ଚଳ ସେନା କମାଣ୍ଡର ଲେଫ୍ଟ ଜେନେରାଲ ଆର ପି କଲିତା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ପ୍ରତ୍ୟେକ ଭାରତୀୟ ଜାତୀୟ ପତାକାକୁ ଗର୍ବ, ଏବଂ ସମ୍ମାନ ସହିତ ଉଡ଼ାଇବା ଏବଂ ପ୍ରଦର୍ଶନ କରିବାର ଅଧିକାର ନିମନ୍ତେ ଇଣ୍ଡିଆନ୍ ଫ୍ଲାଗ୍ ଫାଉଣ୍ଡେସନର ସଭାପତି ଶ୍ରୀ ନବୀନ ଜିନ୍ଦଲ ଏକ ଦଶନ୍ଧି ଧରି ଆଇନଗତ ଯୁଦ୍ଧ କରିଥିଲେ।
ଶ୍ରୀ ନବୀନ ଜିନ୍ଦଲ ସର୍ବଦା ଚାହୁଁଥିଲେ ଯେ ନାଗରିକମାନେ ଦେଶ ପ୍ରତି ସେମାନଙ୍କର ସମ୍ମାନ ଏବଂ ଗର୍ବ ପ୍ରଦର୍ଶନ କରିବାକୁ ତିରଙ୍ଗା ପ୍ରଦର୍ଶନ କରନ୍ତୁ। ୨୦୦୪ ମସିହାରେ କୁରୁକ୍ଷେତ୍ର ନିର୍ବାଚନମଣ୍ଡଳୀରୁ ଜିତି ଲୋକସଭାରେ ନବ ନିର୍ବାଚିତ ସାଂସଦ ଭାବରେ ଯୋଗଦେବା ପରେ ତାଙ୍କୁ ସୂଚନା ଦିଆଯାଇଥିଲା ଯେ ଗୃହର ୩୪୯ (XIV) ନିୟମ ଅନୁଯାୟୀ ସଂସଦର ଜଣେ ସଦସ୍ୟ ତିରଙ୍ଗା ପିନ୍ଧି ପାରିବେ ନାହିଁ। ଜାତୀୟ ପତାକା ପିନ୍ଧିବା ପାଇଁ ଅଧ୍ୟକ୍ଷଙ୍କୁ ଅନୁରୋଧ କରିଥିଲେ ଏବଂ ସଂସଦରେ ସଂକଳ୍ପ ପାରିତ କରିଥିଲେ। ଫ୍ଲାଗ୍ ଫାଉଣ୍ଡେସନ୍ ଅଫ୍ ଇଣ୍ଡିଆ, ଶ୍ରୀ ନବୀନ ଜିନ୍ଦଲଙ୍କ ନେତୃତ୍ୱରେ ୨୦୦୯ରେ ଭାରତରେ ସ୍ମାରକୀ ପତାକା ଲଗାଇବା ଆରମ୍ଭ କରିଥିଲା। ସେହି ଦିନଠାରୁ ଏହି ସଂଗଠନ ସାରା ଦେଶରେ ୧୦୦ ରୁ ଅଧିକ ସ୍ମାରକୀ ପତାକା ସ୍ଥାପନ କରିସାରିଛି।